52
Ẹ́vù, Dévidi raru nụ onye ishi egvu. Teke ọ raru ẹ́vù ono bụ teke Dowẹgu, onye Édọmu byaru bya agbaaru Sọlu ama; lẹ Dévidi nọ lẹ kẹ Ahimẹleku
1 ?Bụ ngụnu meru iphe iigudeje
ẹjo iphe, iime l'asa nsasa;
nggụbe oke madzụ?
?T'ị madu lẹ n-yemobu
Nchileke a-nọ jeye lẹ gbururu?
2 Iphe shi ngu l'ọnu bụlephu ọkpu-akpọhu.
Ire ngu l'atsụlephu nkọ
l'ọ bụ ákwọ̀, a baru ababa.
Iphe iime ememe l'ọ ha abụkotaru ụgho.
3 Ị ka oyeru ẹjo iphe obu;
malẹ iphe dụ mma;
Ẹjire aka ngu mma;
mẹ l'ire-lanụ.
mẹ l'ire-lanụ.
4 Iphe i yeru obu bụ okfubyishi madzụ;
nggụbe onye ono,
adzụ-gbu onwongu l'ẹjo-ire ono!
5 Nchileke e-mebyishikwa ngu;
mee ngu t'ị bụru kpurupyata
gbururu jeyewaru.
Oo-wofu ngu; mee ngu t'ẹ b'i buhe l'ufu ngu.
Yo fefu ngu l'ọ bụ ẹswa; l'alị ndu nọ ndzụ.
6 Ndu doberu ẹka ndoo -phụa ya;
ẹphe atsụhu egvu;
chịa ya ọchi; sụ:
chịa ya ọchi; sụ:
7 “Unu lenu; ọwaa bụ onye
jịkaru lẹ ya te emedu
Nchileke agbaru-ike iya.
Ọ chịru ụkfu kwẹe l'ẹku iya;
shi l'omebata ndu ọdo l'eko tsulatsula.”
8 Obenu lẹ mbẹdua dụ l'ọ bụ oshi olivu;
nọ l'ime eze-ụlo Nchileke; aja rikarika.
Mu chịwaru ụkfu kwẹe
lẹ n-yemobu Nchileke jeye lẹ tutu yoyo.
9 Mu a-nọdu ekele ngu ekele
gbururu jeye lẹ gbururu
kẹ iphe i meru.
Mu a-nọdukpelephu ele ngu ẹnya l'ẹka;
kẹ l'ẹpha ngu dụ mma.
Mu anọdukwaphu l'ifu
ndibe ngu tua ngu ẹpha.