1 Iyaw kapaychirin namenayas nyaya, ara nyo na paronchi a dya batahen a idaydāyaw namen mismo a inawan namen. Machita namenoriw tolas a pangyam-āmmo so inaynawan namen dyinyo a akmas kaparin dan kadwan saya? Mana machita namenoriw tolas nyo tan myan ipaboya namen dyirad tawotawo saw do ayaman namen a maynamot dyamen? 2 Inyo a mismo pinakatolas namen a naitolas do aktokto* 3:2 Mana “poso.” Jer. 31:33; 1 Kor. 9:1-2; 1 Tes 2:17-20 namen. On, masonong a maboya no aran sino iyaw kayit no kapanganohed a myan dyinyo, ta maparin da basāen do kabibyay nyo tabo no tinarabakwan namen dyinyo. 3 Ta malawag a maboya do byay nyo a si Kristo mismo a nangitolas sya a maynamot do kaosar na dyamen. As naitolas aba do tinta, an dya iyaw Ispirito no sibibyay a Dyos,† 3:3 1 Kor. 2:4; Gal. 3:2-5; 1 Tes. 1:5-6 kan naitolas aba do matāpi a bato,‡ 3:3 Eks. 31:18; Deot. 9:10 an dya do aktokto kan pōso da no tawotawo.

4 Matored kami a maychirin so nyaya a maynamot ta masaray kami do Dyos a sidongan na yamen a maynamot do kapachichasa namen di Kristo. 5 Aba polos paynamotan namen a makabata a maparin namen nyaya tarabāko, ta yapo a tabo do Dyos kabaelan namen. 6 Ta si Āpo Dyos nanoroh so kabaelan namen a magsīrbi do bayowaya a tōlag. Iyaw bayowaya a tōlag, ki naibasar do tarabāko no Ispirito no Dyos a manoroh so byay a abos pandan. Bahes naba do naitolasaw a Linteg ni Moyses, ta intongdo naw pakadimanan a abos pandan.§ 3:6 Roma 7:6; 8:2; Gal. 4:21-31

7 Iktokto taw chimpon Moyses do nakaitorohaw ni Āpo Dyos so linteg a naikitikit do matāpi saw a bato. Do dawri a nakarawat ni Moyses so bato saya a nakaitolasan linteg, ki masngen dana do kasisilenganaw a glorya no Dyos. As do nakapaybidyaw ni Moyses do yanan daw no Israelita, ki aran mawpawpas danaw kasileng naw, ki alit na dyi da naipreng mata daw dya do oltimwaw a karanyag no rōpa na.* 3:7 Eks. 34:29-35 An komwan panakabalin ni Āpo Dyos do nakaitorohaw no lintegaw a nagbānag do abos pandan a kadiman, 8 syimpri mangamangay pa ipaboya naw kadyos na kan panakabalin na do kaitoroh naw so Ispirito na do bayowaya a tōlag a ikasaba namen! 9 Ta an iyaw nawri a linteg a nangipakatoneng so kadimanan, as naipaboya daw panakabalin no Dyos, rakorakoh abawri a adayo a maipaboyaw panakabalin no Dyos do bayowaya a tōlag a manoroh so pakapalintegan tawo do salapen na? 10 No kaoyodan na, nawpas danaw panakabalin no linteg a aran mabīleg do nakarahan a maynamot ta iyaw bayowaya tōlag, ki adayo a mabilbīleg pa. 11 Ta an maidāyaw lintegaya a nawpas dana, pāngo narananchi do dāyaw no bayowaya a tōlag di Kristo a nāw na abos pandan.

12 As dawa, maynamot ta komwan kahahaw namen so dyi aya anchi a mawpas a panakabalin no bayowaya a tōlag di Kristo, matortored kami na a manginanawo sya. 13 On, aba polos itayo namen, ta akma kami aba di Moyses a nanalob so rōpa na† 3:13 Eks. 34:29-35 tan dyi da maboya no Israelita saw kawpas naw. 14 Ki oyod a matwaw aktokto da do dawri,‡ 3:14 Deot. 29:4; Isa. 6:9-10; Esek. 12:2 as kan naawātan daba polos chakey na batahen naparinaw di Moyses. Manda sichangori, ki akmay myan paw talob no aktokto dan Jodyo saw a kapotōtan Israel do kapagbāsa daw so myanaw do adan a tōlag, ta polos a dyi da maawātan chakey na batahen. Ta no lang makapakaro so nawri a talob, ki iya lang kapanganohed di Kristo. 15 On, ta aran sichangori, an basāen dan Jodyo saw intolasaw ni Moyses, ki akmaw myan mintalob so aktokto da, ta alit na dyi da maawātan. 16 Ki an myan tawo a magbabāwi kan maypasngen di Āpo, maawātan nanchi maynamot ta iyaw mintalobaw so kapangtokto na, ki natakasan dana. 17 Iyaw chirin kwaya a “Āpo,” ki iyaw Ispirito Santo,§ 3:17 1 Kor. 6:17 as kan aran sino a tawo a yanan nya Ispirito no Dyos, ki myan dyaw kawayawaya na yapo do kapangokom no linteg kan gatos. 18 As dawa, yaten a tabo a manganohed, ki akma tabas Moyses a nataloban so rōpa, basbāli a nayparin ta na a akmay ispiho a nāw ta mangisilap so tan-ok kan kabīleg ni Āpo ta. On, maypaypangay paw kapagilap ta sya a mandanchan mabalbaliwan ta a machalit dya. Nyaya, ki tarabāko ni Āpo ta a iyaw Ispirito a mismo.