101
Kini Debidi ibugua buleore lalu bi lowinigo ogo
1 Anduane Homogo-o i̱na iba gana lalu bi lo wirugo buleore lalu larudaguabi
í̠naga mana tigabi bulene ngadagua bulebi
i̱na í̠ mitangi bialu iba gana ogo í̠hondo lalu kogoni.
2 I̱na mana ko nabi bayale dege bialu holeberogo
Anduane Homogo-o í̠na biamogo bule i̱ koria angi ibuleberebe.
I̱ damenerunaga deni howa mana tigabi dege biaabo holebero.
3 I̱na mana ko bulene ngago bibe mangaore holebero.✡ Man 15.9, Iba 5.5, 40.4
Wali agali Ngode Datagaliwabehondo erembira mialu haga karuhondo
turu naheore kogoni.
I̱ ti heba mandagi ibagabu naholebero.
4 Ke̱ hagane mana biaga ngagobi i̱na nabulebero.
Agalime mana ko biaga ngagobi mitangi naholebero.
5 Wali agali mendeali ndelalu haga karu i̱na ti bope holebero.✡ Iba 18.27, 50.20, Yar 9.4
Mine haga karubi i̱na handabe manga holebero.
6 Ngode Datagaliwabehondo mini bilinahe karu tihondo i̱na turu haabo holebero.✡ Iba 119.1
Mana bayale bialu henene laga karu
ti degeme i̱naga biabe biaga helo i̱ andagaha helolebero.
7 Wali agali ke̱ haga bu karu✡ Iba 43.1, 52.2-5
ti i̱naga anda timbuni kagoha naholebira.
Wali agali tombene hondokihe karu ti i̱la naholebiraore.
8 Horo bibahendengi i̱naga dindi ngagoha ko biaga karu
i̱na mo ko halu bo batagi haga bulebero.
Wali agali ko biaga karu damene
Anduane Homogonaga tano ngagoria nahelo
i̱na ti bo talu pelai holebero.