1 बुद्धिइ ह्रोंसए धिं बनेइमुँ;

2 भत्‍तेरए ल्हागिर चइ र-क्यु सैइमुँ;

3 चइ ह्रोंसए केब्स्योमैं कुलइमुँ,

4 “ओ बुद्धि आरेब्मैं चुर खो!”

5 धै “खो, ङने बालु चदु,

6 आछ्याँबै के लब्मैंने आप्रद्,

7 खैच्हिजिले पोंबै म्हिलाइ लोदा सैंदा लमा उल्टोन् फापेल् लमुँ,

8 खैच्हिजिले पोंबै म्हिलाइ आहौदिद्, आस्याँ चइ क्हि हेल लब्मुँ;

9 बुद्धि मुँबै म्हिलाइ अर्थि पिंमा च झन ह्रब्-सेब् तब्मुँ;

10 याहवेहने प्रे ङ्हिंब्मैंइ बुद्धि योंम्,

11 तलेबिस्या ङउँइँलेन् क्हिइ ह्रिंबै छ्ह योंब्मुँ,

12 क्हि बुद्धि मुँब् तइ बिस्याँ, बुद्धिइन क्हिलाइ इनाम पिब्मुँ;

13 बुद्धि आरबै च्हमिरि थेबै कै तेसि पोंम्;

14 च ह्रोंसए धिंर्बै म्रार धै

15 चए रेउँइँले सरासर ह्रोंसए घ्याँर ह्‍यारिब्मैंलाइ

16 “ओ बुद्धि आरब्मैं

17 धै “ह्‍योइरि थुँबै क्यु लिंब तम्,

18 दिलेया च ङाँर ह्‍याब्मैं क्रोंर फेनेम्,