17
Isileli tubunao aiyuwoina
sikaukuulukúluwo bwae pasina tetelina
sikaukuulukúluwo bwae pasina tetelina
1 E kai Isileli tubunao liliuma kataoya Sini Yoyowoina kakalave, kaketoiya nakae Yauwe ilatuwokoima. Kakanaliya kana asa Rapidim goi katunagu. Ego amoko goi bwae geya.† Yoy 20:2-13, 33:12,14. 2 Tuwo tomotayadi sikaumakimaki yaigu, sidigo kadi,
‘Bwae kuvanīmma!’
Go yau adigo kagu,
‘Kaga unana kokaumakimaki yau yaigu? Kaga unana Yauwe kovakakone?† Atu 6:16; Mad 4:7; Luk 4:12. Nakona Yauwe geya konumiseyeta!’
3 Go kidi maedi siyápasa toina, e sikaukulukúluwo yaigu sidigo kadi,
‘Ame manakae Itipita goi kumema? Bego natumao be ima yoguyoguyao taiyao maema adi yápasa goi kukimatema?’
4 E atumadádana Yauwe yaina adigo kagu,
‘Ame tomotayadi bei manakaegu avekoidi? Giyakainava bei gurewa goi sikaumategu.’
5 Yauwe idigo kana,
‘Im kaituko boi sákala Nairi kusapisapi kwābi, e nakae tomoyamoya Isileli tubunao yaidi goi kukinavēdi kwabīdi taiyao kōna tomota liliudi matadi goi. 6 Kunōve. Yau bei matam goi aataoya, amoko gurewa yatana Koya Korevi‡ Koya Korevi : Ame youyuwoina moe Koya Sainai. goi. E gurewayana kulāui, e bwae bei idau go, tomotayadi itoboinedi sinim.’
Tuwo nakae aguinuwe. Tomoyamoyayadi matadi goi ataoya, gurewayana aláui, e bwae idau. 7 Tuwo asayana avayou Mesa‡a Mesa: Ame youyana ana yagoina moe vakakona. be Meriba‡b Meriba: Ame youyana ana yagoina moe aumakimaki. unana boi Isileli tubunao sikaumakimaki be nakae Yauwe sivakakone tutayana kadi,
‘Seki Yauwe ikaaiyaka yaida o geya?’
Tauna you aiyuwo avini.
Isileli tubunao sivaayaviya
Amaleki ina bodao taiyao tetelina
Amaleki ina bodao taiyao tetelina
8 E Amaleki† Abv 36:12. tubunao sima Rapidim goi Isileli tubunao taiyao sivayaviya. 9 E tuwo Iyosuwa‡ Iyosuwa: Ame youyana ana yagoina moe Yauwe toyava. alatuwoko adigo kagu,
‘Kūna koroto kukinavēdi yaviya manuna. Ikavava, itomo taiyao kōna Amaleki tubunao taiyao kovayavīya. Yau bei koya yatana goi aataoya go, Yaubada ina kaituko nimagu goi ayoyoisi.’
10 Tuwo Iyosuwa iguinuwa kaga nakae bogina adige. Korotoyadi taiyao sina sivayaviya Amaleki tubunao yaidi. Kai go Eroni, Kure be yau katuko kana koya yatana. 11 Tutayana nimagu akatulagasidi, e Isileli tubunao sitogaga go, neta nimagu akatusobuyedi, e kidi Amaleki tubunao sitogaga. 12 E nimagu bogina sineneta, tuwo Eroni be Kure sina gurewa gagaina sipuli sime siyato guna kaba tusobu. Tuwo yatana atusobu go, tauyadi nimagu sikatulagasidi sikalipaiwolidi, tayamo dadavina, tayamo dadavina. Tauna nimagu sikasa ana kadókana níyala isaliu. 13 Tuwo Iyosuwa mana tovayaviyayao sitogaga, e Amaleki tubunao sisi goi sivasobusobuyedi.
14 E yaviya ikavava, Yauwe ilatuwokoigu idigo kana,
‘Buki goi livala ame kugīni namliyeta kwatuyāivi bei Iyosuwa inove. Livalayana ame nakae: Amaleki tubunao valedi bei poyapoya ame goi atauwedoko.’† Atu 25:17-19; 1Sa 15:2-9.
15 Tuwo dídiya akaudakodako aba kasala manuna go, aba kasalayana avayou Yauwe Guna Bísala. 16 Adigo kagu,
‘Yauwe ina bísala takatulagāsi! Tauyana bei ivayaviya vata Amaleki tubunao yaidi.’
†17:1 Yoy 20:2-13, 33:12,14.
†17:2 Atu 6:16; Mad 4:7; Luk 4:12.
‡17:6 Koya Korevi : Ame youyuwoina moe Koya Sainai.
‡a17:7 Mesa: Ame youyana ana yagoina moe vakakona.
‡b17:7 Meriba: Ame youyana ana yagoina moe aumakimaki.
‡17:9 Iyosuwa: Ame youyana ana yagoina moe Yauwe toyava.
†17:14 Atu 25:17-19; 1Sa 15:2-9.