105
1 Hea na lei holouto vania Lord,
bosa tatea na ladana,
bosaa vanira na lei kema na hava te gonia.
2 Linge holohaba vania a Lord,
bosa tatei na lei totobo te gonighi mai tua.
3 Ka togotogo ighita nina vure,
gaira tara holohabaa kara rivurivu.
4 Kenea a Lord nia na hahanga,
holohabaa gaia haia tua.
5 Ghanaghana na lei butuli te gonighi tua God,
mana lei nina rongorongo ni dete te nighi hevei horu
me horavia na maramana talighu.
6 Ighau na lei vaivarina Abraham,
tau nina tinoni ni lutu,
Ighau rana vaivarina Jacob,
te vilighau tua.
7 A Lord dida na Ghoe, na lei nina bosa papara te bosai,
te nei vania na maramana udolu.
8 Gaia te pangotia nina baubahu
te nei vanira na togha ni vavata.
9 Gaia te pangotia na talamaghi te nea kolua Abraham,
ma nina baubahu vania Isaac.
10 A Lord te gonia na baubahu kolua Jacob,
te kabu kasila haia tua.
11 A Lord te bosa me ghaghua,
“Inau ku heghau na pari ni Canaan,
me ke nimiu lologho heghemiu.
12 Nina vure God tara mua subo,
gaira tara sinogho mai lokana na pari Canaan.
13 Gaira tara tona ta sakai na kema,
mara va ta sakai, ma ra tona ta sakai na ovu ni vure,
mara ghoi va ta sakai ghua.
14 Ma God te hovea ge kara bei dikalara,
me diki bosa vanira tua na lei vunaghi me ghagua,
15 “Kau vei vahaghitailira gea nigua na vure ni lutu tu vilira tua,
bei ghoi tabera tua na lei nigua prophet.
16 Ma Lord te nea ge kalea na ngengere na komudira,
te lavi kehai ghadira na vanga.
17 Te diki vetenaa tua sakai na mane,
A Joseph, gaia tara diki nia hunulu vaghaa na seka.
18 Tara pitighi na tuana nia na tali halo,
ma na tali halo te talighutia na luana.
19 Me sara na hava te diki bosaa ke kale,
na bosana Lord te utuni sughua tua.
20 Na vunaghi haba ni Egypt te nia vetena na bosa
ge ra lavi horua tana vale pipiti Joseph,
a gaia te hulira na lei kema te lubatia ge horu.
21 Gaia te talua ge vunaghi pungisia na valena,
me hea na maana ge righitaonighi na lei nina lologho tana pari.
22 Nia na maana te righitaonira
nia nina vure lutu na vunaghi halikama,
mana hohola te lavia,
te taraira na lei nina vilimanaha na vunaghi haba.
23 Me tona i Egypt a Jacob,
me va kabu sinogho igaa.
24 A Lord te hera subo na gari kulana vure,
me nera ge ra laga vulera ghadira kana
25 Gaia te nera na vure ni Egypt
ge ra nina sika kulana vure,
me pegopalara nina vure lutu.
26 Me vetena Moses, nina mane lutu,
ma Aaron, te diki vilia tua,
ma [ro]gaira toro tona i Egypt.
27 Ma [ro]gaira toro gonighi nina lutu sule God,
moro lutui na lei nina butuli.
28 God te vetenaa na pungi me saopoa na komu udolu,
mana vure ni Egypt tara mua rongovia na bosana.
29 Gaia te nei didira beti tavetave ma ra liliu ni ghabu,
mara mate igha lokani na lei beti.
30 Na lei komu te vonughighi na kulau,
mi lokana na lei valena na vunaghidira tara vonu igaa,
31 A Lord te bosa vamua,
mana lango mana [nanamu]/[noinoi] te saopo udolui na lei komu.
32 Gaia te vetenaa na uha balolo
me horu mai tana komu,
kolua na viti te maramahia na komu udolu.
33 gaia te dikalai didira aloalo ni grape mana lei ghai ghania,
me gatu sodui na lei ghai tana komu.
34 A Lord te bosa mara mai na ovu ni puko,
gaira na togha mana idu hahi.
35 Gaira tara ghani taghalaghinighi
na lei tautalu lokana na komu,
mana lei suba suba tana pari mana vuavua ni ghai.
36 A Lord te matera na lei kamanagho mane,
lokani na lei vale tana komu Egypt.
37 Me hulira na vure ni Israel
ma ra tona mara lavighi na silver mana gold,
ma gaira tara laga mara lologho
38 Na vure ni Egypt tara mataghunira,
ma ra nira togotogo tana bona [rana Israel] tara tona.
39 God te kuvira kulana vure nia na parako
ma nina lake te hera na marara te bongi.
40 Gaira tara nongi vanga i tatana me hera na manu,
na vanga te va mai kokou tara nia mahu.
41 Gaia te paoa na vatu me sikisiki dato mai na beti,
me tave sara tana bona mamaha, vagha na beti tavetave.
42 Gaia te ghanaghanaa nina baubahu,
te nea vania Abraham nina mane lutu.
43 Keri ge huli tonara kulana vure,
nia na lingelinge mana togotogo.
44 Gaia te hera kulana vure didira pari na balu vure.
me hera ghua didira leghai.
45 Gaia te nea te vaghaa eni
ge kara taonighi na lei nina vetena kulana vure,
ma kara pangotighi na lei nina bosa ni keikeri,
Kau Holohabaa a Lord!