1 A Lord na vunaghi haba,

na maramana talighu ke nia togotogo,

ighau ta lei koukomu kau nia togotogo ghua.

2 Na parako mana pungi te saopo talighutia

gaia te nia huhuli na maemane mana utuni.

3 Na lake te ide i nagho,

me ghani taghalaghinira ghana na kana tara talighutia.

4 Nina viti te bulua na maramana,

mana maramana te righia me nia tatata a Lord,

5 Na lei ghotu te obo vaghara na ice tana matana a Lord,

na matana a Lord ni maramana talighu.

6 Na lei parako ni oka tara ladavaghinia na lei nina totobo uto,

mana lei kema tara righia nina rongoragha.

7 Gaira udolu tara holohabara na lei titinoni tara lavi maamaadira,

mana lei god keha tara nia kikinima a Lord.

8 Na vure ni Zion tara togotogo,

mana lei komu ni Judah tara rivurivu,

na pukuna to maemanei didira vahola tana dete,

Ighoe a Lord.

9 Ighoe Lord, puku ni maana, ighoe to haba pungisia na maramana,

mo sule vulera na lei god keha.

10 A Lord te dolovira ra hei tara nia sika na dika,

me podopodora kulana vure,

me volara tadira rana dika.

11 Na marara te bulura rana maemane,

mana togotogo te saopora na vure uto.

12 Kau togotogo nimiu ighau rana maemane,

na pukuna na hava te gonia vanighau a Lord,

Kau ghanaghana olia na hava te goni sokoa tua God te tabu, ma kau holoutoa gaia.