1 Ivei vaho tua te vagha na habana Lord,

me mava na bosa utoana

tana komuna dida na God;

mi tana nina ghotu te tabu.

2 Ivei vaho tua tea na utona mana datona,

na maramana udolu te nia togotogo na righiana.

Na ghotu Zion, na ghotu te Tabu,

na komuna na vunaghi [haba lee]/[puku ni haba]

3 God te hagha heghena tua tana vale datogha i Jerusalem

ge talutatea heghena te vagha na pilupiluna.

4 Na lei vunaghi ni maramana tara hogholavaghi tana ovu ni sura

mara gonidilaa ge kara haghe tana komu.

5 Mi tana bona tara righia ge ara tumu ni mate

Ma gaira tara mataghu mara sama keha.

6 Ma gaira tara nia taetabe ngasi na mataghu;

te vagha na vinekama ta nina na vadangi ni vahuhu.

7 Te vaghara na lei vaka sule i Tarshish;

na ghuri sule ngangata te dikalara

8 Ighai tai rongovia tua na ladana mana rongoraghana na komu sule keri,

mi taeni ighai tai righia heghemami na komuna dida na God,

A gaia ke righitaonia ke va me va.

9 God, Ighai tai kokoeliulivuti vaovarongo ta nimua na dolo ke mua soko,

Te vagha ighai tai holohabaa tana bonamiu te Tabu.

10 Na ahamu te rongoragha, Ghe Lord,

Ara hei soko tana maramana talighu kara holohabaa

ma nia na lima madolomu te laga ke vonughia na maemane.

11 Lubatira na lei tinoni i vuvungana na ghotu i Zion kara rivurivu,

mana lei komu sule ni Judea ke togotogo ma nimura na dete soko tara uto.

12 Haghevia, mo ko righitalighutia na komu sule Jerusalem,

sakutua talighutia mo ko idumighi na lei valei datogha iga.

13 Vatoghaa na pilupiluna te ngasi

mo ko righighi na lei valena

ge kau tughunighi vanira arahei kara mai imuri.

14 A keri te vagha gaia God,

A gaia dida na God ke va me vaa.

ma gaia dida na righitaoni, koekobe ka mate.