1 Kau vahea na holouto a Lord,

Ighau na lei tarunga vetena.

Kau vahea a Lord na holouto

ta nina rongoragha mana laga.

2 Kau vahea na holouto tana ahana ta nina rongoragha,

Kau holouto Lord nia na holohaba te tabu.

3 Na bosana Lord te talao vuvungana na tahi

Ma Lord ta nina rongoragha te gonia na viviha,

Ma Lord sughua te nea ge vihalia na tahi oka.

4 Na talama ni mangana Lord

te laga mana rongoragha.

5 Na talama ni mangana Lord te durakei na lei ghai tara holoa nia cedar,

rana cedar tara ghahai tana butonikomu Lebanon.

6 Gaia te gonighi na lei ghotu ni Lebanon ge kara sogha te vaghai na dalei buluka,

ma gaia te nea na ghotu Hermon ge ke sogha te vaghai na dalei buluka na mane.

7 Na talama ni mangana Lord

te vokasighi na lei vatu nia na lapilapi ni lake.

8 Na talama ni mangana Lord te anuanua na lei bona aroha

me nea ghua na bona aroha i Kadesh ge anuanu.

9 Na talama ni mangana Lord

te voghalaghighi na lei ghai sule me kakarai na lei leao,

Mi tana Valetabu rana vure kara ngingili dato

ma kara ghaghua, “Holohabaa God!”

10 Ma Lord te sopou vuvungana na maraghata,

Ma Lord ke sopou vaghaa na vunaghi haba. [gaia na vunaghi haba te vunaghi pungisi ke va me va.]

11 Ma Lord ke nia hevei na laga vanira nina vure

me ke vautora nia nina dolo.