3
Ampanat ho feefm aan
1 Aok-bian arki! Anmuiꞌ tuaf amfaun anromin he nanoniꞌ apirsait ein. Naan reko msaꞌ! Mes mimnau, fin Uisneno of anparikas tar namnuut tuaf-tuaf reꞌ nanoniꞌ apirsait ein. Onaim kais anmuiꞌ tuaf reꞌ nanoniꞌ krafun-akrafun.
2 Hit arkit taꞌuab atsaan humaꞌ-humaꞌ. Mes tuaf reꞌ bisa nafreu naan in fefan, in bisa nꞌator in tuan amsaꞌ. 3 Tait iꞌtopeꞌ naꞌko bikaseꞌ. Hit bisa tꞌator bikaseꞌ he natuin hit romik, atteetk ahaa in afreu. 4 Aꞌtopeꞌ bian naꞌko bnao oe. Ain kouꞌ gui anfuu bnao oe neu-mneem natuin in romin. Kamudi aanꞌ-aanꞌ ahaa mmees, in bisa nꞌator naan abnao oe naan in aꞌnaon, natuin anaaꞌ abnao naan in romin. 5 On naan amsaꞌ, hit fefak. Fefak reꞌ ia, aanꞌ-anaꞌ. Mes in meupn ein, maineun besi!* Uab Yunani ntui mnak, ‘maaf’. Mes anbi eraꞌ 3:5-10, naiꞌ Yakobus antui anmatoom nok atoniꞌ in uaban. Karu Uab Metoꞌ Amarasi taꞌuab anmatoom nok es in uaban, hit ka tak fa ‘maaf’, mes hit biasa tak ‘fefaf’. On reꞌ: nfeef akreo, feef koꞌu, mafefaꞌ, feef maputuꞌ, fefan konan, nafeef, nmasau-feef, feef mapipiꞌ, feef ruum, feef baisenuꞌ, feef aꞌteem, feef aꞌpaah, feef mainikin, feef mahataꞌ, ... of aiꞌ anmuꞌi nteniꞌ.
Naan on reꞌ sapriu aan es, reꞌ bisa nout nareuꞌ nais kouꞌ goes. 6 Fefaf naan, on reꞌ ai piin ii nnuan on. Hit bisa tpaek hit fefak he tareuꞌ areꞌ kanan rasi. Hit fefak ia bisa nareuꞌ hit iꞌmoink ii no mes-meseꞌ. Rais amreꞌut amfaun nbi pah-pinan ia, anpoin naꞌko mansian ii in fefan. Ma niut reuꞌf ein sin aꞌnaak kouꞌ goe msaꞌ, npaek mansian ii in fefan he nanaob in mepun.
7 Mansian ii bisa nheek muiꞌ fui, rarit namausab sin he njarin muiꞌ aem. On naan amsaꞌ, kaun anonok, koro, ma ikaꞌ nbi tais je nanan. 8 Mes ka nmuiꞌ fa tuaf es fa feꞌ, reꞌ nꞌator naan in fefan. Natuin fefaf naan, baer amreꞌut es, reꞌ ka tꞌator taan ee fa. In on reꞌ raso reꞌ annoman nain hit aok ii, tar antea tmaet.
9-10 Nok fefaf meseꞌ, hit tpures ma tasekuꞌ nok. Naan ka reko fa! Hit tpaek hit fefak he tboꞌis Amaꞌ Uisneno. Rarit nok fefaf reꞌ naan amsaꞌ, hit tasekuꞌ ma taꞌakan hit aok-bian, reꞌ Uisneno nmoeꞌ je natuin In human ma In masan. On mee mꞌes on reꞌ naan?✡ Retaꞌ Ahun-hunut 1:26
11 Ka neu fa he oe mataꞌ meseꞌ npuran napoitan oe miin reko ma miin mari. 12 Ka neu fa he mauns ii nafua okaꞌbanaꞌ! Ma ka neu fa he peen ii napuin anggur! Fin roet ii ro he nafua ma nanees natuin in atrekan.† Uab Yunani ntui mnak, atoniꞌ ka bisa nseu fa fuaf συκῆ (sukei) naꞌko roet ἐλαία (elaia), ma ka bisa nseu fa fuaf ἄμπελος (ampelos) naꞌko roet συκῆ (sukei). In sairt ii nak, roet huum es ka bisa fa nafua roet huum es in fuan. Naan ka batuur fa! On naan amsaꞌ on reꞌ tuaf anpaek in fefan he nboꞌis Uisneno, rarit fefaf reꞌ naan in npaek je he nasekuꞌ. Nahuum on reꞌ hit ka bisa fa he tkui oe reko naꞌko niuf miin mari.
Rais reko ma mahinif, in naꞌuu naꞌko Uisneno
13 Atoniꞌ reꞌ nahiin rasi natuin Uisneno In hinit, kais anpaas on ma kais naꞌnaeb in tuan. Fin in nahiin nak, in hinit naan naꞌuu naꞌko Uisneno. Maut he in nakriraꞌ in mahinin naan anbi ꞌmonit amneot. 14-15 Karu ho mneek meens meu tuaf es, aiꞌ mumouf tuaf es he ho msekaꞌ, kais maiks om mak ho atoin ahiin rais reko ko! Naan, ho mupoi. Fin ꞌmonit on reꞌ naan ka natai fa nok ‘atoin ahiin rais reko’. Neek menas, aiꞌ mumouf tuaf, ka naꞌuu fa naꞌko Uisneno. Naan, atoniꞌ pah-pinan ia in amneik ein. Naan natai nok tuaf-tuaf reꞌ ka nnonaꞌ fa sin tuak ein neu Uisneno. Taos ein naan, natuin niut reuꞌf ein sin ranan. 16 Fin karu nmuiꞌ neek menas neu es, aiꞌ ammamoufun, of anmuiꞌ taisibu humaꞌ-humaꞌ, ma mansian ii anmoꞌen maufinu humaꞌ-humaꞌ.
17 Mes rais hinit reꞌ naꞌuu naꞌko Uisneno, es reꞌ ia: nahunu te in nmoeꞌ kit he tmoni kninuꞌ. Rarit in nfee kit neek rameꞌ es nok es, taꞌparan tahiin jok, atsabaar piut, ma neek teas. In aafn ii msaꞌ nmoeꞌ hit neek ii reko, troim he tmaturun ma tmabaab, tataibaꞌ tahiin rasi, ma ka tteib fa koti-mmaat teu biak ein. 18 Ma tuaf reꞌ nakriraꞌ raan mamut of napein in upan arekot. Naan on reꞌ atoniꞌ nseen fini, namuni te in napein nafaniꞌ in afan arekot.
*3:5 Uab Yunani ntui mnak, ‘maaf’. Mes anbi eraꞌ 3:5-10, naiꞌ Yakobus antui anmatoom nok atoniꞌ in uaban. Karu Uab Metoꞌ Amarasi taꞌuab anmatoom nok es in uaban, hit ka tak fa ‘maaf’, mes hit biasa tak ‘fefaf’. On reꞌ: nfeef akreo, feef koꞌu, mafefaꞌ, feef maputuꞌ, fefan konan, nafeef, nmasau-feef, feef mapipiꞌ, feef ruum, feef baisenuꞌ, feef aꞌteem, feef aꞌpaah, feef mainikin, feef mahataꞌ, ... of aiꞌ anmuꞌi nteniꞌ.
†3:12 Uab Yunani ntui mnak, atoniꞌ ka bisa nseu fa fuaf συκῆ (sukei) naꞌko roet ἐλαία (elaia), ma ka bisa nseu fa fuaf ἄμπελος (ampelos) naꞌko roet συκῆ (sukei). In sairt ii nak, roet huum es ka bisa fa nafua roet huum es in fuan. Naan ka batuur fa! On naan amsaꞌ on reꞌ tuaf anpaek in fefan he nboꞌis Uisneno, rarit fefaf reꞌ naan in npaek je he nasekuꞌ.