Aaron: Mwengal Mariam ngo bisil Moses, lol Amran mo Jochebed ngo metael yalol Moses, we repalir we yarmetael Israel kawe mo woal Egypt.

Achaia (Achaea): Sew falu le lamliyel Roma muswe, leyehasiy stab loh, tabla yekatob loh iyor mo irel Greece.

Agrippa I: Lol King Yerodes we ye Paleng, re wol ma fasangngaliy bo Yerodes Agrippa I.

Armageddon: Lebowe liliyel hartael fedeg lepeder rechoka re momay mo ikala retaikof (Rev 16:16).

Baalam: Semal todeb layur chol Moab le rema mepel ngaliy.

Babylon: Iye mele hapolmol tamol mo woal Babylonia, we yecholop re Jews kawe rehachowrar loh iyang mo woal Jerusalem lal rag we 586 BC. Yela wol mwiril ngo resa teptap id le ngal fuluka rehatohar ngal Deus (Rv 14; 17; etc).

Bees: Mael kawe yewochog longtamol kewe ngo yema foar luchefeas, ngo ye bechlaep yal kuk.

Bungul Atonement: Ralel hachuchuyel molfid, rema foru woal hasegel hafusuwel maram irel sew rag. Temerong we yebele foru makawe mangol, nog yesa hasi rumael kamang iwe mo semal ram bo hachuchuyelo molfidir yarmat iwe mo semal fadiyel karbow bo hachuchuyel molfidil iy. Yebele fisgiloh ram we ngo ye hapidiy chaal mael kawe tot ngal altar we.

Bungul Paska: Bungul yal Deus hadorar chol Israel kawe mo woal Egypt.

Caiaphas: Mal we ye Lulapael Temerong irel yadwe retetal hapatpat irel Jesus we resor bo Jesus yebe mes. Yeriliy lol Annas lefechig.

Carnelian: Smat feas kawe ye chaeng ngo yechow paliyal le ye ddol chchecha.

Cinnamon: Smat dalal mongoy le ye budoh mo irel ire.

Cloak: Sedep mangag le rema hachapa dah woal tagurur ngo yor kamchoal mo fael yuyer.

Coat: Seketa.

Cyrene: Hapolem la ye paleng mo woal Cyrenaica, le yemel mo tabola ifang mo woal Africa (Igla ngo resa fasang ngaliy bo Libya).

Decapolis (Seg Hapolem): Idel hapolem kawe seg we yemel mo meteralel Palestine (Damascus, Philadelphia, Raphana, Scythopolis, Garada, Hippos, Dion, Pella, Gerasa and Canatha). Remel fael lamliyel Roma muswe.

Dove: Mael yeyal kawe rema sor bo “Bulohol” le yebech ngo ye wochog gigiy.

Dragon: Semat mael le ye wochog wululul haluf ngo yepaleng. Kafael sew ngo rema fasang ngali bo parchoyoh hare labud, le ila mala yongol Moniyan (Rev 12:3—13:4; 20:2–3).

Felix: Molwe tamol Aam woal Judea lal raegka 52 ye lahola 60 AD.

Gamaliel: Semal sensel Hatobtob we yael Moses le yesalap ngo yesor mo irer yarmat. Ye wol iy semal chol Tey we yar Jews. 2

Gethsemane: Melay we Jesus yela mepel iyang we yelas le cchaa, we yemel woal molwe taitel Olives, lebungul ralawe rebele dorfiy.

Golgotha: Lebowe re krudu Jesus mo iyang we rema fasang ngaliy bo “Liliyel poal chil chemwel yarmat.”

Gomorrah: Sew haplem le yeharpa molwe Tadel Meas (Dead Sea). Deus ye hatwasiloh bo yetaikof wegdeg kala rema foaru.

Grapevine: Chapil ire we yema raraloh sala buyoi uwal grape mo iyang.

Herodias: Fefel we riil Philip we Yerodes we bisil ye pereloh bo riil.

Hermes: Idel semal todeb kawe layur chol Greece; iy chol rekkael yalor deus kala woal laeng.

Honey: Luchfeas kawe foruyel Bees.

Illyricum: Sew falu le yemel ifangel Macedonia, hartael lebola Paulus yehola irel sey kawe yal. (Rm 15:19).

Incense: Semat formel le yebudoh mo irel chael ire le rema fisgiy bo yebe burah. Re Jews rema tapap irel yar mamepil.

Jasper: Semat feas kawe ye chaeng ngo ye chow paliyal ngo yema semat mo semat fadal mala ddolal. Molwe yemel lal Bible ila malbo ye harorow hare ye bbech loh chog.

Jesse: Tamal King David.

Jonah: Semal propheta we ye ddar tang foffos we yael Deus bo yebela foloy woal Nineveh, sa dabey loh seyoi barko ngo yadwe rela bulong lal sew laeng, ngo chol barko we resa pediloh leted, iwe semal iyg le ye paleng sala yormaloh. Yadwe Jonah yetona Ps 2:2–9, ngo iyg we yesa mutagilidah woal piyel Nineveh.

Macedonia: Sew makawe faluyel Roma muswe. Yemel ifangel Greece.

Moloch: Semal todeb layur chol Canaan muswe.

Mongol Paska: Mongol fahaf we yar Jews irel yadwe Deus ye demerir wey mo woal Egypt.

Myrrh: Semat chael ire le ye momay boll ngo ye changcheng. Rema taptap irel tafey ngo rewol ma chaelifi ngaliy halngor chomes imol mala rebe lebar.

Nard: Semat loy le yechow paliyal ngo ye momay boll.

Nicolaitan: Chol sere taliw le ye mwachey yar foloy mo wegdegir. Rema mepel ngaliy todeb kala layur ngo refoar molfid.

Nineveh: Kapital irel Assyria muswe. Yemel meteralel melelul we Tigiris. Iye faluwe Jonah yela foloy iyang.

Onyx: Semat feas kawe ye chaeng ngo ye chow paliyal le yema semat mo semat fadal mala ddolal.

Patriot: Rechokala yekel loltomayel faluyer mo lal deper.

Pharisees: Sere rel Jews kawe remel irel yadwe yesubdoh Jesu Kristus. Relimchig irel yar madabey Hatobtobwe yael Moses mo tot yalol hatobtob kawe remoch chela ngaliy.

Sabbath: Rral hasoesoe ire Jews. Iye mele hafusuwel rral irel sew wiik, ngo tema yor yangang iyang.

Sadducees: Chol foloy kawe rete chapar le yor angelus mo molow tefael mo irel meas. 3

Samaria: Sew falu we yemel lepadal Judea mo Galilee. Jews mo yarmatael Semaria ila retaikof fengal. Jews retema mwaliliy ngalir yarmatael samaria bo rede tungaf.

Sapphire: Semat feas kewe ye chow paliyal ngo ye ddol harawroaw.

Sodom: Hapolem we Deus ye hatowasiy loh bo ye taikof yar wegdeg ngo retohamolfid. Yeharpa Dead Sea (Tadel Meas).

Sulfur: Ye wochog podiy kawe ye ruchupung, ngo ye kkel bichikaral le rebe fisgiy ngo yetaikof mala boll.

Tiberias: Wol sew idel laom we Lamol Galilee.

Topaz: Semat feas kawe ye chaeng ngo ye ddol rangrang.

Vineyard: Melayel grape.

Wheat: Uwal fadah kawe rema foar folowa mo iyang.

Zion: Idel tagiyetat we ye hasudah Jerusalem mo uwol. Yewol mel bo sew idel Jerusalem.