1 Le hoe ty asako, Ke nifarien’ Añahare ondati’eo? Sondo’e zay! Zaho ka nte-Israele! tarira’ i Abraàme, fifokoa’ i Benjamina. 2 Tsy napon’ Añahare ondaty* Sab 94:14 niarofoana’e haehaeo. He tsy fohi’ areo ty nanoe’ i Sokitse Masiñey ty amy Elia, ie nitoreo aman’ Andrianañahare ty am’Israele?

4 Aa le ino ty natoin’ Añahare aze:

5 Manahake zay, ao ty sehanga’e henaneo, jinoboñe ami’ty fatariha’e. 6 Aa kanao am-patarihañe, le tsy am-pimanemanean-dily; naho tsy zay tsy ho natao fatarihañe i fatarihañey. 7 Aa le akore? Mboe tsy rinambe’ Israele i paia’ey, o jinoboñeo ro nandrambe, fe nampigañeñe ty ila’e, 8 ty amy pinatetsey:

9 Hoe t’i Davide:

11 Aa le hoe raho: Hera nitsikapy naho nikorovoke iereo? Sondo’e zay! te mone ninday fandrombahañe ho amo kilakila ondatio ty fikorovoha’ iareo, hampikirañe iareo† Its 32:21. 12 Aa naho vara ho ami’ty voatse toy ty fandilara’ iareo, naho hanàñañe ho a o kilakila ondatio ty filesa’ iareo, sandrake t’ie fonireñe? 13 (Inahareo kilakila’ ondatio ‘nio ro ivolañako). Aa kanao Firàhe’ o kilakila ondatio raho, le ho sengèko i fitoroñakoy, 14 ke ao ty hampamarahieko amo toe nofokoo, hañahàñe ty ila’e. 15 Fa kanao minday fifampilongoañe ami’ty voatse toy ty fifariañe iareo, le ho inoñe naho tsy haveloñe boak’ an-kavilasy t’ie rambeseñe? 16 Naho miavake i loha-voay, le miavake ka ty vonga’e. Kanao miavake ty vahatse, le o singa’eo ka. 17 Aa naho pinekapenkañe ty singa ila’e, le ihe, singan-oliva tsotra ty navitrañe amy iereo vaho natraoke ami’ty vahatse naho ty mena’ i hatae olivay, 18 le ko rengevohe’o o singa’eo, fa naho mirenge, Inao, tsy ihe ty mameloñe o vaha’eo, fa o vahatseo ro mameloñe azo. 19 Hera hanao ty hoe rehe: Va’e nipenkàñañe o singao hamitrañañe ahy ao.

20 Eka; toe pinèkañe iereo ty amy tsy fatokisa’ iareo, fa ty fatokisa’o ro ijohaña’o. Aa le ko miriñake fa mañeveña; 21 fa kanao nifarien’ Añahare o toe singa’eo le mahafary azo ka. 22 Inao ty fatarihan’ Añahare naho ty hasarots’ arofo’e, ie tsy mihilotse amo nikorovokeo, fe ama’areo ty fatarihan’ Añahare naho toe mifahatse amy fatariha’ey, tsy mone haito. 23 Ie ka, naho tsy mitoloñe an-tsi-fatokisañe, le havitrañe ao, amy te lefen’ Añahare ty hamitraña’e indra­ike. 24 Fa ihe binira amy hatae olivan’ alay vaho navi­trañe amy hatae oliva navaeñe, mpirafe ama’ey, le an­tsake te mete havi­trañe amy hatae oliva’ey o nisinga’eo.

25 Tsy noko, ry longo, ty hamoea’ areo o raha miheotse zao, tsy mone hihabo-kihitse ty amy hagoañe nahazo ty ila’ Israele ampara’ te tafazilike ao o kilakila’ ndaty mahahenekeo‡ Fot 48:19. 26 Ie amy zao, hene ho rombaheñe t’Israele, ty amy pinatetsey:

28 Naho i talili-soay, le naitoañe iereo ty ama’ areo; f’ie naho o fijoboñañeo le ikokoañe ty aman-droae’ iareo. 29 Toe tsy hahàfeñe o falalàn’ Añahareo naho o fikanjia’eo. 30 Fa hambañe ami’ty nanjehara’ areo an’ Andrianañahare taolo, fe iferenaiñañe henaneo ty amy fanjehara’ iareoy, 31 le manjehatse ka iereo henaneo, soa t’ie ami’ty fitretrezañe anahareo ro hiferenaiñañe. 32 Kila nagaben’ Añahare am-panjeharañe ao soa te hene hiferenaiña’e.