1 Nahazo anjara an-tsapake ka ty fifokoa’ i Menasè; toe ie ty tañoloñoloña’ Iosefe; I Makire ty tañoloñoloña’ i Menasè naho ty rae’ i Gilade, aa kanao nilahin-defoñe, ie ty nahazo i Gilade naho i Basane* Basane: ama nife ao; fonitse aman-tsifa. 2 Nahazo tane an-tsapake ka o ana’ i Menasè ila’eo ty amo hasavereña’eo; ho amo ana’ i Abi­ezereo† Abiezere: Raen-imba, naho o ana’ i Kelekeo‡ Keleke: anjara, naho o ana’ i Asrieleo§ Asriele: Imban’Añahare, naho o ana’ i Sekemeo* Sekeme: anjara; nimpoly maraindray, naho o ana’ i Hefereo† Hefere: mpihaly, vaho o ana’ i Semidao‡ Semidà: tahina’ i mahilala; ie ro ana-dahi’ i Menasè, ana’ Iosefe, ty amo hasavereña’eo. 3 Fe tsy nanañ’ ana-dahy t’i Tselofekhade§ Tselof-kade: ty talinjom-pititititike, ana’ i Hefere, ana’ i Gilade, ana’ i Makire, ana’ i Menasè, fa anak’ ampela avao, inao ty añara’ o anak’ ampela’eo: i Maklae* Maklae: kepeke; marovany; soloho, i Noae† Noae: fitofàñe; fañohòñe, i Koglae‡ Koglae: ty fitsinjaha’e, i Milkae§ Milkae: mpanjaka ampela naho i Tirtsae* Tirtsae: matarike, tso-po. 4 Nimb’ añatrefa’ i Ele­atsare† Eleatsare: toem-pizakàn’Añahare mpisoroñe mb’eo iereo naho añatrefa’ Iehosoa ana’ i None, naho añatrefa’ o roandriañeo nanao ty hoe: Linili’ Iehovà t’i Mosè t’ie hitoloran-dova amo rahalahi’aio. Aa le amy lili’ Iehovày, nitolora’e lova amo longon-droae’eo. 5 Anjara folo ty nitsatoke ho a i Menasè mandikoatse i tane Gilade naho i Basaney, alafe’ Iardeney añe; 6 amy te nanañ’ anjara amo ana-dahi’eo i anak’ ampela’ i Menasè rey; nahazo ty tane Gilade o ana’ i Menasè ila’eo.

7 Boak’ Asere‡ Asere: Hafaleañe pake MikemetৠMikemetà: Tambem-pamaoke; aolo’ i Sekeme ty efe’ i Menasè; mion­jomb’eo i efetsey añ’ila’e ankavana mb’ an-kiboho’ i En-Tapoà* En-tapoà: ondaty siloke; amoeañ’ ay; mb’eo. 8 A i Menasè ty tane’ i Tapoà’ fe a o ana’ i Efraimeo ty ila’ i Tapoà mifañefetse amy Menasè. 9 Mizotso mb’ an-tsaka Kanà mb’eo i efetsey, atimo’ i sakay, (a i Efraime añivo’ i Menasè ao i rova rey), mañolotse ty avara’ i sakay ty efe’ i Menasè vaho mandoak’ an-driakey. 10 Mañatimo ty a’ i Efraime naho mañavaratse ty a’ i Menasè, le i riakey ro efe’e; mahatakatse i Asere t’ie avaratse naho Isakhare te atiñanañe. 11 Hoe zao o rova’ i Menasè e Isakhare naho e Asereo: i Beteseane† Beteseane: Anjomba nife; ndra firotañe. naho o tanà’eo naho Ibleame‡ Ibleame: ondaty haehae; i nifotsake naho o tanà’eo naho o mpimone’ i Dore§ Dore: tariratse; akiba naho o tanà’eo naho o mpimone’ i Endore* Endore: rano manganahana’ i Dore rekets’ o tanà’eo, naho o mpimone’ i Taanàke† Taanake: ty mampireke azo rekets’ o tanà’eo vaho o mpimone’ i Megido‡ Megiddo: ty voka’e sarotse: mitaroñe rekets’ o tanà’eo, fifeheañe telo. 12 Tsy nahafandroake o mpimone’ i rova reio t’i Menasè; fe nifonem-pitobok’ amy taney o nte-Kanàneo. 13 Aa naho nitombo ty haozara’ o ana’ Isra­eleo le nametsaha’ iareo haba o nte-Kanàneo, fa tsy fonga rinoake.

14 Ninday saontsy am’ Iehosoa ka o ana’ Iosefeo nanao ty hoe: Aa vaho akore te tinolo’o anjara raike naho vaki’e ho lovako, ie oniñe te ondaty jabajaba ami’ty fitahia’ Iehovà ahy? 15 Le hoe ty natoi’ Iehosoa: Aa kanao ondaty ra’elahy rehe, akia mb’ añ’ala mb’eo vaho hatsafo ho azo ty tanen-te Perize§ Perize: mpimoneñe an-tanà-kede naho ty a o Rafào, ie maifitse ama’o o vohibohi’ i Efraimeo. 16 Le hoe o ana’ Iosefeo: Tsy mahatsak’ anay o vohibohitseo, naho songa manan-tsarete viñe o nte-Kanàne mimoneñe am-bavataneo, o e Beteseane naho amo tanà’eo vaho o amy vavatane’ Iizreeleio. 17 Tinoi’ Iehosoa i anjomba’ Iosefey, i Efraime naho i Menasè, ty hoe: Kanao ondaty jabajaba rehe, lifots-aozarañe; tsy ho anjara raik’ avao ty ho azo; 18 fe ho azo i vohibohitsey, fa ndra t’ie ala, ho hatsafe’o, le ho azo pak’añ’ efe’e lavitse añe; fa ho roahe’o o nte-Kanàneo ndra t’ie aman-tsarete viñe, ndra te maozatse.