1 Naho fa añe i fiempoempoañey le nahatoly anake t’i Seme, i Kame vaho Ièfete; 2 O tarira’ Ièfeteo le i Gomere, i Magoge, i Madae, Iavane, i Tobale, i Meseke, vaho i Tirase. 3 O tarira’ i Gomereo le i Askenaze, i Rifate, vaho i Togarmà. 4 O tarira’ Iavaneo le i Elisà, i Tarsise, i Kitime vaho i Dodanime* Ndra ty hoe: Dodanima. 5 Boak’am’iereo ty nampifañavakavaheñe o kilakila’ndatio hifanjarà’ iareo o taneo; songa amam-pisaontsi’e naho hasavereña’e vaho fifehea’e.

6 O tarira’ i Kameo: i Kose, i Mitsra­ime, i Pota vaho i Kanàne. 7 O tarira’ i Koseo: i Sebà, i Havilà, i Sabtà, i Ramà, vaho i Sabtekà. O tarira’ i Ramào: i Sebà naho i Dedane.

8 Nisamake i Nimrode t’i Kose; ie niha­lahitsiay an-tane atoy, 9 nim­pi­tsatsa ra’elahy añatrefa’ Iehovà ty amy saontsy ty hoe: Manahake i Nimrode, mpangoroñe lahitsiay añatrefa’ Iehovày. 10 Nifototse e Bavele ty fifehea’e, le nitakats’ i Sinare naho i Ereke naho i Akade vaho i Kalnè. 11 Niavotse amy taney t’i Asore naho nañoreñe i Ninevè naho i rova atao Rehobotey, i Kèlake vaho 12 i Resene añivo’ i Ninevè naho i Kèlake—rova jabajaba. 13 I Mitsraime† Mitsraime: Forekekeañe añivo rano nisamake i Lody naho i Anamy, naho i Lehaby, i Naftohy, i 14 Patrosy, i Kaslohy (i niboaha’ o nte-Pilistioy), vaho i Kaftore.

15 Nisamake i Tsidone tañoloñoloña’e t’i Kanàne, naho i Khete 16 naho i nte-Je­bosey, i nte-Emorey, i nte-Girgasey, 17 i nte-Khivey, i nte-Arkey, i nte-Siney, 18 i nte-Arvadey, i nte-Tsemarey vaho i nte-Khamatey. Ie añe le niparaitake alafe’e añe o nte-Kanàneo. 19 Nifototse e Tsidone ty efeefe’ o nte-Kanàneo mioza amy Gerare mb’e Azà, naho mb’e Sedome naho Amorà naho Adamà naho Tseboime am-para’ i Lesà añe. 20 Ie ro tarira’ i Kame amo hasavereña’eo naho o fisaontsi’eo amo tane’eo vaho amo fifehea’eo.

21 Amy Seme, rae’o nte-Evre iabio naho rahalahi’ Ièfete zoke’e, ro nisamahañe : 22 Inao o tarira’ i Semeo: i Elame, i Asore, i Arpaksade, i Lode vaho i Arame. 23 O tarira’ i Arameo, i Oze, i Kole, i ­Getere, vaho i Mase. 24 Nisamake i Selake t’i Arpaksade le nisamake i Evre t’i Selake. 25 Nisamak’ ana-dahy roe t’i Evre, i Pèlege‡ Fizarañe ty tahina’ ty raike, ty amy fizarazaran-tane tañ’andro’e; Iok­tane ty tahinan-drahalahi’e. 26 Ioktane nisamake i Almodade naho i Sèlefe, i Khazaremavete, Ierake, 27 i Hadorame, i Ozale, i Diklà, 28 i Obale, i Abimaele, i Sebà, 29 i Ofire, i Khavilà, vaho Iobabe; songa tarira’ Ioktane. 30 Mifototse e Mesà eo ty tane nimoneña’ iareo le miranga mb’e Sefare mb’eo, i vohitse atiñanañey. 31 Ie ro tarira’ i Seme amo hasavereña’eo naho o fisaontsi’eo, o tane’eo vaho o fifehea’eo.

32 Ie iaby ro tarira’ o ana-dahi’ i Nòakeo, amo fanoñona’eo, naho amo fifehea’eo; ie ro nipa­raitaha’ ze kila’ondaty an-tane atoy, naho fa añe i fiempoempoañeio.