ie ho votsore’ Iehovà an-tsan-kankàñe.

2 Harova’Iehovà le ho tana’e veloñe naho hatao’e haha amy taney eo,

naho tsy apo’e an-tsatrin-tron-drafelahy

3 Ho tohaña’ Iehovà amy tihy tindria’ey;

 hafote’o ho jangan-dre am-pandream-pisilofa’e eo.

4 Aa naho zaho, hoe ty asako: ry Iehovà,

Atariho, jangaño ty fiaiko, fa nandilarako.

5 Manambaitambaiñ’ ahy o rafelahikoo: ombia t’ie hikoromake,

hihomaha’ i añara’ey?

6 Ie mitilik’ ahy,

manao rehan-dremborake;

mangoroñe hakeo ama’e ty tro’e;

ie miavotse, volañe’e.

7 Ivesovesoa’ o malaiñe ahy iabio,

mikilily joy, ami’ty hoe:

8 Mipitek’ ama’e ty bilokan-kokolampa;

kanao mitsilañe re, tsy hitroatse ka.

9 Eka, ndra i rañeko nianteherakoy,

i nikama i hanekoiy,

fa nañonjo tomitse amako.

10 F’Ihe ry Iehovà, iferenaiño,

vaho atroaro hamaleako iareo.

11 Zao ty aharendrehako te no’o,

t’ie tsy irohafa’ o rafelahikoo.

12 Naho izaho, tozañe’o ami’ty havañonako,

naho ampañatrefe’o laharañe amako nainai’e.

13 Andriañeñe t’Iehovà

Andrianañahare’Israele,

haehae vaho nainai’e donia. Amena naho Amena.