1 Ie amy zao, mbe tsy nahatoly anake ho aze t’i Sarae, vali’ i Avrame, f’ie aman’ ondevo nte-Mitsraime atao Khagare, 2 aa le hoe t’i Sarae amy Avrame, Heheke henaneo te kinala’ Iehovà raho tsy hiterake. Ehe, mimoaha amy fetrek’ orokoy, kera hahasavereña’e.

Niantofa’ i Avrame ty enta’ i Sarae. 3 Aa naho fa nimoneñe e Kanàne folo taoñe t’i Avrame, le nala’ i Sarae vali’e t’i Khagare mpitoro’e vaho natolo’e amy vali’ey hialoza’e. 4 Le nimoaha’e t’i Khagare, vaho niareñe.

Aa ie nifohi’e te nivesatse le nisirikae’ o maso’eo i tompo’ey. 5 Le hoe t’i Sarae amy Avrame, Ama’o ty fisotriako. Napoko am-pità’o i mpitorokoy, aa kanao apota’e te mivesatse, le sirikaeñe a-maso’eo raho. Ee te hizaka añivon-tika t’Iehovà.

6 An-taña’o i mpitoro’oy, hoe t’i Avrame. Ano ama’e ze no’ ty tro’o. Aa le nampisoañe’ i Sarae t’i Khagare vaho nibotatsake amy fiatrefa’ey re.

7 Tendrek’amy Khagare t’i anjeli’ Iehovà marine ty rano migoangoañe an-dratraratra añe, ty figoangoan-drano an-dalañe mb’e Sore mb’eo. 8 Le hoe re, O Khagare, mpitoro’ i Sarae, boak’ aia v’iheo vaho homb’aia? Hoe re, Milay an‑da­hara’ i tompoko Saraey raho. 9 Aa hoe ty anjeli’ Iehovà ama’e, Mim­polia mb’amy tompo’oy vaho miam­banea am-pità’eo. 10 Hoe ka ty anjeli’ Iehovà ama’e, Toe hampi­tom­­boako o tarira’oo kanao tsy ho hay iaheñe ami’ty fangitsikitsiha’e. 11 Le hoe ty anjeli’ Iehovà ama’e,

13 Aa le kinanji’e ty hoe Elroy* El-roy: Andrianañahare mahavazoho  t’Iehovà nitsara ama’ey: fa hoe re, Ihe ro Andrianañahare mahavazoho ahy, le hoe re: Aa vaho toe nitreako hao i Mahavazoho ahy? 14 Le natao ty hoe Bire-lakhai-roy† Bire-lahai-roy: ty vovo’ i Veloñe Mahavazoho ahikoy i vovoñe añivo’ i Kadese naho i Beredey.

15 Nisamak’ ana-dahy ho a i Avrame t’i Khagare vaho nimea’ i Avrame añarañe ty hoe Iesmaèle i ana-dahi’e nasama’ i Kagarey. 16 Valompolo taoñe eneñ’ amby t’i Avrame te nisamake Iesmaèle t’i Khagare.