1  ✡ 1:1 प्रेरितान काम 18:19-21; 19:1पौलुसान उगे रेन जो बोगवानान मोरजी माय मसी यीशुन प्रेरित हे, * 1:1 थोड़ाक लेख माय इफिसुस न्या नाह लिखेल सोतोइफिसुस माय बोगवानान माणहाह, जा मसी यीशु हेऱ्या तान जीवन माय बुरहो केरनारे हेते।

2 आमरो आबोख बोगवान एने मालीक यीशु मसीन उगे रेन तुमूह गीण एने सान्ती जुड़ते रेय।

3 आमरा मालीक यीशु मसीन बोगवान एने आबाख ने दन्यवाद एय काय तो आमुह मसीन द्‍वारा आखी बातीन हेरगावाल्यु आत्मिक बोरकेत आपेल हे। 4 जिहकेरीन तो आमुह केल बोणनेन पेल ता माय निवाड़ लियेल हे! काय आमु तान आहने मोंग माय चोखाला एने निर्दोस रेय। 5 एने तान मोरजीन हाजी योजनान गेत आमुह तान केरता पेलुस रेन ठेरायेल हे काय यीशु मसीन द्‍वारा आपु बोगवानान गोद लियेल सोरा एने सोर्‍यु एय। 6 बोगवानान बोड़ायीन गीण ने स्तुती एय, काहाकाय जीह तो तान मोंगाल्ला सोरान द्‍वारे आमुह फुकेट आपेल हे। 7  ✡ 1:7 कुलीसियो 1:14† 1:7 तान ओंगाण, तान मोंग ने कारेण बोगवान; नाहते तान ओंगाण, एने मोंग माय जीवणेन केरता, बोगवान।आमुह मसी माय तान लुयीन द्‍वारे सुटकारो, मतलब पापान माफी, बोगवानान ती गीण ने देनान गेत जुड़ेल हे। 8 जीह तो तान इकेल एने सोमेज ने वापेर केरीन आमु पोर मोकतोस किरेल। 9 काहाकाय बोगवान तान मोरजीन मालमात, तान हाजा उद्देशान गेत देखाड़ेल हे, जो तो खुद मसी माय स्थापित किरेल ईतो। 10 बोगवानान जी योजना एती काय ठिक टेम आवणे बुखेत हेरगान एने देरतीन आख्‍यु चिजीह टुलो केरी काय मसी तान आदिकारी एय।

11 मसी माय आमु पेलुस बोगवानान माणहे केरीन तान योजनान गेत निवड़ायेल ठेराय गीया, जो आखी वातु तान मोरजीन गेत केरने, 12 एने जा मसी पोर आमु पेलुस आसा मीलेल एता, काय आमु तान बोड़ायीन स्तुती केरी।

13 जेवी तुमू खेरलो पारचार होमल्या एने ती हाजाली खोबरी केरीन तुमरो सुटकारो एनो, एने तुमू बी बोगवानान माणहे बोण गीया। एने चोखालो जीव जो वायदो किरेल ताह आपणेन द्‍वारा बोगवान तुमरे पोर सिक्को लागाड़ेल हे एने तुमू मसी पोर बुरहो केऱ्या। 14 तो जीव आपणा उत्तर आदिकारीन बाग ने जामीन ने रूप माय ताह वोर आपाय जायेल हे, जाह वोर काय तो आपुह पुरी रिती से सुटकारो नाह आपेत। तान बोड़ाय एने स्तुती एय!

15 ज्यो कारेण हे काय मी बी मालीक मसी यीशु माय तुमरो बुरहो एने चोखाला माणहान केरता तुमरा मोंग ने बाराम होमलीन, 16 मी तुमरी केरता बोगवानाह दन्यवाद केरने सोड़ेत नाह, एने मारी विन्ता माय तुमूह एर केऱ्या केरथु। 17 काय आमरा मालीक यीशु मसीन बोगवान एने बोड़ायीन आबोख हे, तुमूह इकेल एने बुद्दीन जीव आपी काय तुमू ताह हास केरीन जाण सिकहो। 18 एने तुमरा मोनान डोलान उजाला केरीन तुमू जाण जावो काय तान हादावणीन आसा काय हे, एने चोखाला माणहा माय तान मिरास ने बोड़ायीन देन कोहलो हे। 19 एने तान ताकेत आमरी उगे जा बुरहो केरतेह, कोलीक हे, तान सेक्तीन प्रबाव ने ता कामान गेत हे, 20 बोगवान जो मसीन बाराम किरेल, काय ताह मुरेल माय रेन जिवाड़ेन हेरगा माय तान जीवड़े उगे बोहाड्यो। 21 आखी बातीन सत्ता, आदिकारी प्रदानता, ताकेत, आदिकार एने एकेक नावान उपेर, ज्या दुनियान ओलोस नाह, पुण आवता कालाम बी लेवाय जाय। 22  ✡ 1:22 कुलीसियो 1:18एने आखो काय मसीन पायान बुंदे केर देनो एने ताह आखी चिजी पोर उचो ठेरावीन मोंडलीह आप देनो। 23 मोंडली मसीन सेरीर हे, एने तान बोरपुरी हे, जो आखा माय सोब पुरो किरेह।‡ 1:23 जो खुद आखी जागे आख्‍यु वातु पुरो किरेह; नाहते जो खुद बोगवानान परिपुर्णता माय पुरो बोरायेल हे।