Buku dakena ee kenane kingi paki pyasi palamo. Yuu taone mupwa Jerusaleme doko ee kana 586 W.K. dokona yanda pimwai dupwame pyao kwaeyo dee enakana wambu anjo pyao lanyuo yuu wakalena pao pirami dokona lao ee kenane dusipa piyami. Buku dakena ee lao kondome kumungi pii malu palamo. Dopa piyamopape Anatu kapa ingingi lao suu pingi dokome rakyame yuu mende renge keyange pyakara lao suu pingingya kuki paleya. Juu wambu dupwame 586 W.K. dokopa nakama pyao anjiyami doko suu pyao ee kana peparae nenge nyuo malu palyuo naope misi laope pingi dokopa ee kenane dapwa pingi.

Rombo 3:22-23 dolapona pii marakai ingyuo palamo. Anatumi banya wambu dupwana lao mona wakasa retenge renge doko pyakuiyuo isa paa nange dokona letamo.