1 A꞉la꞉ta꞉ga꞉yo꞉ ne Hebene halonamio꞉ modo꞉ ko꞉lo꞉ kegeakilo꞉ halale tolano꞉ o꞉ngo꞉ ko꞉lo꞉ dabu. Iliyo꞉ a꞉la꞉sa꞉labi dabu.

4 Iliyo꞉ a꞉la꞉sa꞉la꞉sa꞉ga꞉, Gode e misa꞉ kalulo꞉ mesa꞉no꞉ fofodo꞉ a꞉na sab ko꞉lo꞉, ko꞉go꞉do꞉ kalu do꞉la꞉fo꞉ a꞉la꞉ a꞉la꞉ta꞉ga꞉ fa꞉la꞉da꞉in a꞉no꞉lia꞉, mela꞉no꞉lo꞉ a꞉lab fa꞉la꞉da꞉in o꞉lia꞉ma꞉yo꞉ Godeyo꞉ wabudaki, e milifa gulalu asitaki misa꞉fu fufudakiyo꞉ a꞉la꞉sio꞉,

5 A꞉la꞉ta꞉ga꞉ to nowo꞉ misa꞉ kalulo꞉ mesa꞉no꞉ fofodo꞉lo꞉ a꞉na a꞉la꞉ta꞉ga꞉ handalowakiyo꞉ a꞉la꞉sio꞉,

6  Kala 14.2A꞉no꞉ ko꞉lo꞉ dabu amio꞉, kalu modo꞉ kegeo꞉ a꞉ma꞉lo꞉ to sio꞉wo꞉, ho꞉nsa gu amilo꞉ fodo꞉ o꞉ngo꞉ fa꞉la꞉dowakiyo꞉, gun guiyan a꞉gaki ho꞉le sa꞉laki a꞉la꞉sio꞉

9  Madi 22.2Ne a꞉no꞉ ko꞉lo꞉ da꞉da꞉len amio꞉, ma꞉mul kaluwa꞉yo꞉, “To we sa꞉sa꞉lima” a꞉la꞉sio꞉. “Sibi inso꞉wa꞉ galo꞉ silialitab amilo꞉ ma꞉no꞉lo꞉ ma꞉no꞉ mena꞉kilo꞉ ho꞉ido꞉ a꞉no꞉, Gode eyo꞉ gio꞉ sagale alifa꞉ib.” A꞉la꞉ta꞉ga꞉ ma꞉mul kaluwa꞉ a꞉kudu sa꞉lakiyo꞉, “To we mada hendele Godelo꞉wa a꞉la꞉ta꞉ga꞉ mio꞉ ko꞉lo꞉ so꞉lo꞉l.”

10  Ilig 10.25-26, Kala 22.8-9A꞉la꞉sa꞉labiki, niyo꞉ e wabuluma꞉niki, e gibdo꞉wa gulalu asi ko꞉sega, e sa꞉lakiyo꞉, “A, gio꞉ nemo꞉wo꞉ wabulu sa꞉la꞉so꞉bo. Ge o꞉lia꞉ gado nado o꞉lia꞉ma꞉yo꞉ to hendele Ya꞉suwa꞉lo꞉ kalab amilo꞉ wido꞉ a꞉no꞉ tili asulo꞉ ko꞉lo꞉lab. Godeya꞉ nanog dian kalu gi o꞉ngo꞉wo꞉ nowo꞉ ne. Godeya꞉ wiyo꞉ imiliko꞉ wabulu sama! Mo꞉wo꞉ Ya꞉suwa꞉lo꞉ to hendele kalab amilo꞉ wido꞉ a꞉ma꞉yo꞉, kalu nolba꞉yo꞉ Godeya꞉ to walama꞉no꞉wo꞉ halaido꞉wo꞉ dimiakigab.”

11  Song 96.13, Ais 11.4, Kala 1.5, 6.2Hebeneyo꞉ kolaetabiki ba꞉ba꞉ amio꞉, ho꞉s ho꞉lo꞉ nowo꞉ a꞉na ba꞉ba꞉. Kalu ho꞉s wa꞉l amilo꞉ sab a꞉ma꞉ wi nowo꞉ we, Tilidabuwo꞉ Mo꞉ta꞉ta꞉sen. A꞉la꞉ta꞉ga꞉ wi nowo꞉ we, Hendele. Eyo꞉ digalo꞉le mo꞉walila꞉sen, a꞉la꞉ta꞉ga꞉ e gis o꞉lia꞉ bubakiyo꞉, man digalo꞉le kudu ha꞉naki buba꞉sen. 12  Dan 10.6, Kala 1.14, 2.17Ene siyo꞉ de wa꞉sowa alan o꞉ngo꞉ dowo꞉ ko꞉lo꞉, misa꞉ kaluwa꞉lo꞉ misa꞉ amilo꞉ sa꞉ga꞉lan a꞉no꞉ ene misa꞉ amio꞉ modo꞉ sa꞉ga꞉le alifelo꞉. Wi nowo꞉ e amio꞉ sa꞉sa꞉lilia꞉ga꞉ delen a꞉no꞉ nolo꞉ mo꞉asulaki, ina꞉li e asulo꞉. 13  Ais 63.1-3, Yo꞉n 1.1,14Helebeso꞉g sambo ho꞉bo꞉ amilo꞉ to꞉lolo꞉ a꞉no꞉ e tigili sa꞉ga꞉lo꞉ ko꞉lo꞉, ene wiyo꞉ nowo꞉, Godeya꞉ To. 14 Ame kalu Hebenelo꞉ sen i a꞉no꞉ helebeso꞉g nafa, ho꞉lo꞉ fo꞉fo꞉lesodo꞉ a꞉no꞉ ko꞉lo꞉ sa꞉ga꞉lela꞉sa꞉ga꞉, ho꞉s ho꞉lo꞉ wa꞉la kandaya꞉sa꞉ga꞉, e ko꞉lo꞉ kudu ane. 15  Song 2.9, Kala 1.16, 14.20Kalu a꞉ma꞉ mego꞉f amio꞉ helebesi sambo miyo꞉‡ Helebesi sambo ko꞉lo꞉ mego꞉f amilo꞉ fa꞉la꞉dowo꞉ a꞉no꞉, Ya꞉suwa꞉ ene to ko꞉lo꞉ bale sio꞉. Kalaba 2.16 a꞉na bo꞉ba. ko꞉lo꞉ handalowa꞉sa꞉ga꞉yo꞉, helebesi a꞉ma꞉yo꞉ henfelo꞉ kaluka꞉isale o꞉lia꞉ bubalikiyo꞉ tiginima꞉ib. Eyo꞉ kaluka꞉isaleyo꞉ mo꞉nofolaki, halaido꞉ bo꞉fo꞉mela꞉ib. Wain fo ib a꞉no꞉ fa꞉la꞉doma꞉kilo꞉ basian aumbo꞉, eyo꞉ Gode halaido꞉le a꞉ma꞉ gadio꞉ alan a꞉no꞉ kalaba fa꞉la꞉doma꞉ki walama꞉ib. 16  Kala 17.14Ene wi nowo꞉ ene fe o꞉lia꞉, helebeso꞉g sambo ko꞉lo꞉ a꞉ma꞉ wa꞉l amio꞉lo꞉ a꞉la꞉sa꞉sa꞉lo꞉,

17  Ese 39.17-20A꞉la꞉ta꞉ga꞉ niyo꞉ ba꞉ba꞉ amio꞉, ma꞉mul kalu nowo꞉ of a꞉na kagafo꞉liki, o꞉ba꞉ ko꞉lo꞉ akin amilo꞉ ha꞉lelia꞉ sia꞉lab o꞉mo꞉ tambo halale sa꞉lakiyo꞉ a꞉la꞉sio꞉, “Gio꞉ Godeya꞉lo꞉ ma꞉n alando꞉ ma꞉no꞉ a꞉namio꞉ kegenema꞉ni mena. 18 Gio꞉ misa꞉ kaluwa꞉ howo꞉lo꞉, da꞉la꞉di bo꞉fo꞉lowan kaluwo꞉lo꞉, halaido꞉ kaluwo꞉lo꞉, ho꞉s a꞉no꞉lo꞉, kalu ho꞉s wa꞉l amilo꞉ asita꞉ga꞉lo꞉ ha꞉nab a꞉no꞉lo꞉, kalu wilo꞉ a꞉lab o꞉lia꞉ wilo꞉malo꞉lo꞉, madali nanogdo꞉ dian kalu o꞉lia꞉, kalu ga꞉lilo꞉ a꞉lab a꞉no꞉lo꞉, henfelo꞉ kaluka꞉isale i a꞉ma꞉ howo꞉ tambo ma꞉ni mena.” Ma꞉mul kaluwa꞉yo꞉ a꞉la꞉sio꞉.

19 A꞉ma꞉ fa꞉s amio꞉ ne ba꞉ba꞉yo꞉, no꞉ mogago꞉wo꞉, a꞉la꞉ta꞉ga꞉ henfelo꞉ wema꞉ misa꞉ kalu iyo꞉, a꞉la꞉ta꞉ga꞉ ini ame kaluwo꞉ tambo kegea꞉sa꞉ga꞉, kalu ho꞉s wa꞉l amilo꞉ sab a꞉no꞉lia꞉ ene ame kalu o꞉lia꞉ babuma꞉niki kegeo꞉. 20  Kala 13.12-17, 20.10Ko꞉sega iyo꞉ bubakiyo꞉, no꞉ mogago꞉ a꞉no꞉lia꞉ madalilo꞉ dinali sa꞉lan kalu o꞉lia꞉ a꞉no꞉ ta꞉lia꞉sa꞉ga꞉, a꞉la꞉yo꞉ mela꞉no꞉wo꞉ o꞉lab a꞉naka, u wanalo꞉ hudakilo꞉ wa꞉sowala꞉lab de hen a꞉na to꞉lolo꞉. Tamin amio꞉ kaluka꞉isale nolo꞉ no꞉ moga꞉go꞉wa꞉ ele ba꞉ba꞉no꞉wo꞉ dia꞉ga꞉, e misido꞉ momado꞉ a꞉no꞉ wabulu sa꞉la꞉sen ko꞉lo꞉, iliyo꞉ dikidakiyo꞉, madalilo꞉ dinali sa꞉lan kalu eyo꞉, no꞉ mogago꞉ a꞉ma꞉ wiya ilikiyo꞉, molo ha꞉na꞉no꞉ nolo꞉ a꞉na dimido꞉. 21 A꞉la꞉ta꞉ga꞉ kalu ho꞉s wa꞉l amilo꞉ sen a꞉ma꞉ mego꞉f amilo꞉ helebesi sambo miyo꞉ a꞉ma꞉yo꞉ no mogago꞉wa꞉ ame kalu a꞉no꞉ tambo yasala꞉ ko꞉lo꞉, o꞉ba꞉ i a꞉no꞉ tambo ya꞉ga꞉, ame kaluwa꞉ howo꞉ besagali mo꞉no꞉.