1 Kini Segesisihanda agali iba solowara angeha haga bu hearubi agali dindi ibugua hondo haga tamuha hearubi ti bibahende minuwa dindi ibugua handame heagoha garabaya biabe ale bia helo helene. 2 Ibugua Modegai mo yaraga halu mini lene helonaga mbirale bibahende bayale taraorebi timbunibi bialu bi bibahende layagobi mana biyagobi uruni bibahende Pesia dindinagabi Midia dindinagabi kinirunaga mbugani gilibu wini. 3 Ani buwa handame haga kini mbira Segesisi ibu hangu howa mende Yu agali Modegai ibu helenego kini ibugua hangu Modegai bolanguahe hene. Yu wali agalime Modegai hameore lowa ibu mini yaraga haga hene. Ibugua biabe biyagome Yu wali agaliru mitangi bialu ti bayale helonagabi ti hameigini mani hama polebirarubi mbirale mbiranaga gi nahe baya hangu hama pelonaga biamogo bialu hene.