1 Yo, * JehoiakimDjuwakimdja buŋgawa ŋayi † JudahDjudawuynha, yurru yana ŋunhi ḻurrkun'ku dhuŋgarrawunydja nhinanharawu nhanŋu, ga ŋayinydja ‡ BabylonBapilunbuyŋuyunydja buŋgawayu yäkuyu § NebuchadnezzarNipukanitjayunydja yänguŋala miriŋunha warray, mirithirri warray guḻku'nha bala * JerusalemDjurutjalamlilinydja, bala walala nyäṉ'thurrunanydja, bala ḻiw'maraŋalana yana ŋunhiyi ḻoḻunydja gungaŋalana. 2 Yo, ŋayi Garrayyunydja yakana walalanha guŋga'yurruna ŋunhiwalayinydjayi, liŋgu yaka walala bilyurruna ŋapa‐wekaŋala ŋuriki walalaŋgalaŋuwu yätjkunydja romgu. Yo, ŋunhinydja miriŋunydja gulŋiyina‐wala yanana ŋunhiwalayi ḻoḻulilinydja, bala mulkanana ŋunhi buŋgawanhanydja ga wiripu‐guḻku'nha, ga bitjarrayi liŋgu walala djaw'‐djawyurruna ŋanya dhika dhapirrkmirrinydja banikin' malanha ŋuliŋuru Godkala Buṉbuŋurunydja. Yo, ŋunhiyi banikin' malanha dhulŋuŋu ŋunhiyi Godku nhanŋuway ganaŋ'maranhara ŋorrana yukurrana ŋunhili Buṉbuŋuranydja, yurru walalanydja ŋunhi Bapilunbuyŋuyunydja märraŋalana djaw'‐djawyurrunana walalaŋgalaynha wäŋalili, bala nherra'‐nhirrara walalaŋgalaynha walala waŋarrwala buṉbulili.

3-4 Yo, ŋuriŋi buŋgawayu Bapilunbuyŋuyunydja ḻakaraŋalana ŋurikiyi ŋurruŋuwunydja nhanukalaŋuwu ŋayi djämamirriwu, waŋana bitjarra, “Nhenydja yurru djarr'yurra ḏarramuwurrunha yuḏayuḏanha yana ḻatju'mirrinha dhika wal'ŋu, ḏäwalamirrinha yana gal'ŋu, ga ḻiya‐djambatjmirrinha yana nhe yurru djarr'yundja, märr yurru walala marŋgiyirri ŋilimurruŋgalayŋuwu ŋunha dhukarrwu ga romgu, märr walala yurru yukurra djämana ŋarrakuna dhiyalana ŋarrakalana buṉbuŋura. Ga marŋgikuŋa yulŋunydja walalanha dhärukkunydja ŋilimurruŋgalayŋuna wal'ŋu, märr walala yurru waŋanydja yukurra ga wukirri dhuwalana liŋguna ŋilimurruŋguwaynha yana dhäruktja. 5 Ga bitjan liŋgu walala yurru walu‐ŋupandja yukurra ḻuka wäyin yana ŋanak ŋunhi, ga borumdja weyika' ŋänitjiny'tja, rrambaŋi dhiyakala walalaŋgala ŋarrakalaŋuwala djämamirriwala walalaŋgala. Yo, marŋgikuŋanydja walalanha ḻurrkun' dhuŋgarranydja ŋuparra, ga yalalaŋumirrinydja dhäŋuru ŋuliŋurunydja walala yurru marrtji lili ŋarrakalana, bala ŋarra yurru walalanha djarr'yunna marrtji ŋarrakuwaynha ŋarra djämamirrinha walalanha.” Ga bitjarra ŋayi ŋunhi buŋgawanydja waŋana.

6 Bala ŋayi ŋuriŋi djämamirriyunydja djarr'yurrunana ŋunhiyi ḏämbumiriwnhanydja ḏarramuwurrunha miṯtjiŋuru ŋulaŋuruna Djudawuynhana walalanha, ga yäkunydja walala ŋunhi ŋayi djarr'yurrunanydja † DanielDänyulnha ga ‡ HananiahYananayanha, ga § MishaelMitjayilnha ga * AzariahDjäriyanha, dhuwalanha walalanha. 7 Yurru ŋayinydja ŋuriŋinydja djämamirriyunydja buŋgawayu walalanha yäku‐nherrara wiripuna yuṯana, dhuwalana malanha yäku gam', † BelteshazzarBiltatjata ga ‡ ShadrachDjaturak ga § MeshachMitjak ga * AbednegoBitnikuna, dhuwalana walalanha yäku.

8-9 Ga ŋayinydja Dänyulyunydja guyaŋina bitjarra, “Ŋarranydja yurru yakana romdja dhukun'mirriyama ŋuriŋiyi wäyindhu ŋanakthunydja ga weyika'yu ŋänitji'yunydja ŋuriŋi, ŋunhi ŋayi yurru buŋgawayunydja ŋuriŋinydja wekama ŋarraku. Yakana ŋarra yurru ŋunhiyi ḻuka.” Bala ŋayi waŋanana ŋurikala djämamirriwalanydja bitjarrana, “Wäy, ŋanapurrunydja yurru yukurra dhuwala ḻuka dhiyaŋunydja‐wala ŋatha malanha yana, ga gapu ḻukanharawunydja ga dhuwalana liŋguna.”

10 Yurru ŋayinydja ŋunhi buŋgawanydja djämamirri barrarinana mirithinana, bala ŋayi waŋana Dänyulwala bitjarrana, “Buŋgawayu dhuwala ŋuruŋu ŋayipi gurrunharanydja dhuwalayi ŋathanydja nhumalaŋgu, ga wäyindja ŋanaktja ḻukanharawunydja, ga weyika' ŋänitji. Ŋunhi nhuma yurru yakanydja ḻuka dhuwalayi, nhumanydja yurru ŋunhi barka'yirrina yana, ga yalŋgi'yirrina rumbalnydja. Mak ŋayi yurru ŋarranhana bumanydja murrkay'kumana.”

11-12 Bala ŋayi Dänyulnydja waŋana bitjarra, “Nhämirri nhe ŋuli yana gatjarr'yurrunydja ŋanapurrunha dhipalayi. Ḻukanydja ŋanapurru yukurra yurru ŋathanydja ga gapunydja 10 walunydja ŋupan, 13 ga dhäŋuru ŋuliŋurunydjayi nhe yurru nhäma'‐nhamana ŋanapurrunha marrtji, ga maḻŋ'maramanydja nhe yurru ŋanapurrunha, ŋunhi ŋanapurrunydja ḏälmirri warray wal'ŋu ŋurikala wiripu‐guḻku'walanydja, ŋunhi walala ŋuli yukurra ḻuka wäyin ŋanak ga ŋänitji weyika'.”

14 Bala ŋayi ŋunhiyi buŋgawanydja djämamirri yoraŋalana. 15 Yo, 10 walunydja ŋupara walala yukurrana ḻukananydja ŋunhiyi ŋatha ga gapu yana, bala ŋayi ŋuriŋiyi djämamirriyunydja buŋgawayu nhäŋala walalanha yuwalkthi, ŋunhi walalanydja ḏäwala warray dhika warray wal'ŋu. 16 Bala ŋuliŋuruyinydjayi dhurrwaraŋuru walala yukurrana ḻukana ŋunhina liŋguna ŋathana ga gapuna, ga yakana walala ḻukana ŋänitjiny'tja weyikany'tja ga ŋanaktja wäyindja, ŋunhinydja ŋunhi ŋayi buŋgawayu ŋuriŋi wekaŋala walalaŋgu ḻukanharawu. 17 Ga bitjana liŋgu walala ŋuli yukurranha marŋgithinyanydja ŋamathanha wal'ŋu yana dhika, liŋgu Godthu ŋayipi walalanha marŋgi wekaŋala guyaŋinyarawuy muḻkurrnydja. Ga bitjarra liŋgu ŋayi Godthu wekaŋala Dänyulwunydja mundhurr, ŋunhi ŋayi yurru mayali' ŋurikiy bukaway'wuy ḻakarama yukurra dhunupa.

18 Yo, ŋunhiyi ḻurrkun'tja dhuŋgarra liŋguna djuḻkthurrunana, bala ŋayi ŋuriŋi djämamirriyunydja buŋgawayu garr'yurrunana walalanha, gäŋala balayina buŋgawawalana ŋurikalana Nipukanitjawalana. 19 Bala ŋayi buŋgawanydja ŋunhi Giŋdja waŋanana walalanha yukurrana ŋunhiyinha malaŋunha, bala ŋayi waŋana bitjarrana, “Dhuwalana walala ḏämbumiriwnha ŋamakurruny'tja wal'ŋu yana ŋurukala wiripu‐guḻku'walanydja. Dhiyakuna walalaŋgu ŋarranydja ḏukṯuk ḏämbumiriwwuna gay yana, Dänyulwu, ga Djaturakku, ga Mitjakku, ga Bitnikuwuna, dhuwalana yurru ŋarrakunydja wal'ŋu guŋga'yunaramirrinydja walala dhiyakunydja wäŋawu.”

20 Yo, wiripunydja ŋayi ŋuli ŋuriŋi buŋgawayu Giŋdhu dhä‐wirrka'yuna walalanha mirithinya wal'ŋu yana ḏälyu dhärukthu buku‐ruŋinyamaranharawunydja, ga walala ŋuli wiripu‐guḻkuny'tja be marŋgimirri warray wal'ŋu, ḻiya‐djambatjmirri ga marrŋgitj dhika nhä yolŋu'‐yulŋu, yakana walala yukurrana wekaŋala dhunupa dhäruk ŋuriki buŋgawawu, yaka walalanydja marŋgi yana ŋurikiyi wirrkinydja. Ga walala ŋunhi ḏämbumiriwnydja ḏarramuwurru † IsraelYitjuralpuyŋunydja, walalanydja biyapul wal'ŋu ḻiya‐djambatjmirri ŋunhiyinydja walala ŋurikala wiripu‐guḻku'walanydja; walalanydja marŋgi bukmakku warray, warrpam'ku yana, liŋgu Godthu walalaŋgu wekaŋala ḻiya‐djambatjtja guyaŋinyarawu.

21 Yo, ŋayi Dänyulyunydja yukurrana guŋga'yurruna mirithinana weyinŋumirrina, weyinnha gal'ŋu yana ŋunhi buŋgawanhanydja, yana liŋgu‐u‐u, ŋayaŋgany yana‐a‐a, ga buŋgawa ‡ PersiaBurtjawuynha marrtjina, bala goŋdhu märraŋalana ŋayi Bapilundja wäŋa.