1 E BAKOVI DAGI i taki e Moses e Aron i ta maea, 2 “Na tahuna e huriki a Israel ri gi rata a mada, a bakovi takutaku ge vakapesia a kape vona tabukoi na kilakila na kabu vona. A kape ne ria ri gi vakapesi halui a Kape na Vaponga, ge mata lakea vona.

3 Na tabeke na nirikena haro, e huriki a hamone Iuda ri gi vakapesi a kape ne ria tabukoi na kilakila ne ria, i ramai a tara ne ria. A gare ne ria e Nason, e tune Aminadab. 4 A tara vona ri ala 74,600.

5 Tabukoi ne ria a kabu ne Isikar. A nupesi ne ria e Nataniel, e tune Suar. 6 A tara vona ri ala 54,400. 7 Muri ne ria a kabu ne Sebulun. A nupesi ne ria e Eliab, e tune Helon. 8 A tara vona ri ala 57,400. 9 A kabu i tolu nga na mada ne Iuda ri ala 186,400. Na tahuna ni laho, a kabu nga bara to laho muga.

10 Na tabeke mule puru, a kabu ne Reuben ri gi vakapesi a kape ne ria tabukoi na kilakila ne ria. A nupesi ne ria e Elisur, e tune Sedeur. 11 A tara vona ri ala 46,500.

12 Tabukoi ne ria a kabu ne Simion. A nupesi ne ria e Selumiel, e tune Surisadai. 13 A tara vona ri ala 59,300.

14 Muri ne ria, a kabu ne Gad. A nupesi ne ria e Eliasap, e tune Ruel. 15 A tara vona ri ala 45,650. 16 Ra mada ne Reuben, a kabu i tolu nga, ri ala 151,450. Na tahuna ni laho, ri gi pahamuri a maka kabu na mada muga, ra kabu ne Iuda.

17 Na tahuna ri laho ri gi vakabebe ri gi vakasiri a kilakila ne ria. E huriki na kabu ne Levi ri gi kaloho a mahalana Kape na Vaponga ge laho na kurukuruna. A kabu ranga ri gi laho ramai a muri ne ria ri made vona na mada.

18 Na tabeke na nirolona haro a kabu ne Epraim ri gi vakapesi a kape ne ria tabukoi na kilakila ne ria ge ramai a tara ne ria. A nupesi ne ria e Elisama, e tune Amihud. 19 A tara vona ri ala 40,500.

20 Tabukoi ne ria a kabu ne Manase. A nupesi ne ria e Gamaliel, e tune Pedasur. 21 A tara vona ri ala 32,200.

22 Muri ne ria a kabu ne Bensamin. A nupesi ne ria e Abidana, e tune Gideoni. 23 A tara vona ri ala 35,400.

24 A kabu nga i tolu, ri made na mada ne Epraim ri ala 108,100. Na tahuna ri laho ri gi pahamuri a maka kabu na mada ne Reuben.

25 Na tabeke mule sike a mada ne Dan. A kabu ne Dan ri gi hae a kape ne ria tabukoi na kilakila ne ria. A nupesi ne ria e Ahieser, e tune Amisadai. 26 A tara vona ri ala 62,700.

27 Tabukoi ne ria a kabu ne Aser. A nupesi ne ria e Pagiel, e tune Okran. 28 A tara vona ri ala 41,500.

29 Muri ne ria a kabu ne Naptali. A nupesi ne ria e Ahira, e tune Enan. 30 A tara vona ri ala 53,400. 31 A kabu nga ri made na mada ne Dan ri ala 157,600. Na tahuna ni laho ri gi laho na iku, ri gi ramai a kilakila ne ria.

32 Iea e huriki a Israel ni gi palupu lobo i ramai a kabu ne tamane ria. Ni gi palupu lobo e huriki na mada takutaku i ramai a tara ne ria, ri ala 603,550. 33 Pali a kabu ne Levi i uka ma ni gi turane huriki a Israel, i ramaia a ngava e BAKOVI DAGI i vakuku e Moses vona.

34 E huriki a Israel ri rata lobo a maki e BAKOVI DAGI i vakuku e Moses vona ri gi rata. E huriki lobo ri vakapesi a kape ne ria tabukoi na kilakila na kabu ne ria. Na tahuna ri laho, bara ri laho turana a kabu ne ria.