58
58-küy •••• Zalim hökümranlarni Xuda jazalighay!
1 Neghmichilerning béshigha tapshurulup, «Halak qilmighaysen» dégen ahangda oqulsun dep, Dawut yazghan «Mixtam» küyi: —
I qudret igiliri, siler heqiqeten adaletni sözlewatamsiler?
I insan baliliri, adil höküm chiqiramsiler?□ «Siler heqiqeten adaletni sözlewatamsiler?» — bashqa birxil terjimisi: «Adalet zuwansiz bolup qaldimu? Némishqa sözlimeysiler?». Buninggha oxshap kétidighan bashqa birnechche terjimiler bar. Belkim sürgün bolghan Dawutning közde tutqini (esli özini hörmetleydighan) ordidiki emeldarlarning uning dewasini Saul padishah aldida sözlimigini.
2 Yaq, siler könglünglerde yamanliq teyyarlaysiler;
Yer yüzide öz qolunglar bilen qilidighan zorawanliqni ölchewatisiler.
3 Reziller anisining qorsiqidila ézip kétidu;
Ular tughulupla yoldin adiship, yalghan sözleydu.
4 Ularning zehiri yilanning zehiridur;
Ular öz quliqini pütük qilghan gas kobra yilandek,■ Zeb. 140:3
5 Meyli yilanchilar shunche chirayliq séhirlisimu,
U ney awazigha qet’iy qulaq salmaydu.□ «Meyli yilanchilar shunche chirayliq séhirlisimu» — «yilanchi»: chélip yilanlarni oynitidighan kishi.
6 I Xuda, ularning aghzidiki chishlirini sunduruwetkeysen!
Mushu yash shirlarning tongkay chishlirini chéqiwetkeysen, i Perwerdigar!
7 Ular éqip ketken sulardek ötüp ketkey;
Ular oqlarni chenlep atqanda,
Oqliri uchsiz bolup ketkey!
8 Qulule yol mangghanda izi yoqilip ketkendek,
Ular yoqap ketsun;
Ayalning chüshüp ketken hamilisidek,
Ular kün körmisun!
9 Qazan yantaqlarning issiqini sezgüche,
(Meyli ular yumran péti, yaki ot tutashqan bolsun)
10 Heqqaniy adem Xudaning intiqamini körgende xushal bolidu;
Öz izlirini rezillerning qénida yuyidu.
11 Shunga ademler: «Derweqe, heqqaniylar üchün in’am bardur;
Derweqe yer yüzide höküm yürgüzgüchi bir Xuda bardur» — deydu.
□58:1 «Siler heqiqeten adaletni sözlewatamsiler?» — bashqa birxil terjimisi: «Adalet zuwansiz bolup qaldimu? Némishqa sözlimeysiler?». Buninggha oxshap kétidighan bashqa birnechche terjimiler bar. Belkim sürgün bolghan Dawutning közde tutqini (esli özini hörmetleydighan) ordidiki emeldarlarning uning dewasini Saul padishah aldida sözlimigini.
□58:5 «Meyli yilanchilar shunche chirayliq séhirlisimu» — «yilanchi»: chélip yilanlarni oynitidighan kishi.
□58:9 «Qazan yantaqlarning issiqini sezgüche, (meyli ular yumran péti, yaki ot tutashqan bolsun) u ularni tozutiwétidu» — toluq ayetning birnechche xil terjimiliri bar; ularning hemmisining omumiy menisi bu terjimige oxshap kétidu.