18
Dawut Filistiy, Moabiy we Zobahlarni meghlup qilidu
2Sam. 8:1-15
1 Shu ishtin kéyin shundaq boldiki, Dawut Filistiylerge hujum qilip ularni boysundurup, ularning qolidin Gatni we uninggha tewe yéza-kentlerni tartiwaldi. 2 U yene Moabiylargha hujum qildi; Moabiylar uninggha béqinip, olpan töleydighan boldi.
3 Zobahning padishahi Ⱨadad’ézer öz tewesini Efrat deryasighiche kéngeytishke atlinip chiqqanda, Dawut taki Xamatqa qeder uninggha hujum qildi. 4 Dawut uning ming jeng harwisini olja aldi, yette ming atliq leshkirini, yigirme ming piyade leshkirini esir aldi. Dawut barliq jeng harwilirining atlirining péyini qirqitiwétip, peqet yüz harwigha qoshqidek atnila élip qaldi.
Dawut Suriylerni meghlup qilidu
5 Demeshqtiki Suriyler Zobahning padishahi Ⱨadad’ézerge yardem bérishke keldi; Dawut Suriylerdin yigirme ikki ming eskerni öltürdi. 6 Dawut Suriyediki Demeshq rayonigha qarawul etretlirini turghuzuwidi, Suriyler Dawutqa béqinip, uninggha olpan töleydighan boldi. Dawut qeyerge jengge chiqmisun, Perwerdigar uni qoghdap turdi. □ «Perwerdigar uni qoghdap turdi» — yaki «Perwerdigar ghelibige érishtürüp turdi». 7 Dawut Ⱨadad’ézerning xizmetkarliri ishlitidighan altun qalqanlarning hemmisini Yérusalémgha élip qaytti. 8 U yene Ⱨadad’ézerge tewe Tibhat bilen kundin ibaret ikki sheherdin nurghun mis olja aldi; kéyinki zamanlarda Sulayman mushu mislarni ishlitip mis köl, mis tüwrükler we bashqa barliq mis eswablarni yasatqan.□ «Tibhat» — yaki «Tebah».
9 Xamat padishahi Tow Dawutning Zobah padishahi Ⱨadad’ézerning pütün qoshunini meghlup qighanliqini anglap, □ «Tow» — «2Sam.» 9:9de «Toy». 10 Öz oghli Hadoramni Dawutqa salam bérip, uning Ⱨadad’ézer bilen jeng qilip, uni meghlup qilghan ghelibisini tebrikleshke ewetti. Chünki Tow eslide Ⱨadad’ézer bilen daim urushup turatti. Hadoram herxil altun, kümüsh, mis eswab-jabduqlarni sowgha qilip ekeldi. 11 Dawut padishah bu eswab-jabduqlarni herqaysi ellerdin, jümlidin Édom, Moab, Ammonlardin, Filistiylerdin we Amaleklerdin olja alghan altun-kümüshler bilen qoshup hemmisini Perwerdigargha béghishlidi.
Dawut Édomlarni meghlup qilidu
12 Zeruiyaning oghli Abishay «Shor wadisi»da Édomiylardin on sekkiz ming ademni öltürdi. 13 Dawut Édomda qarawul etretlirini turghuzdi; Édomlarning hemmisi Dawutqa béqindi. Dawut qeyerge jengge chiqmisun, Perwerdigar uni qoghdap turdi.□ «Perwerdigar uni qoghdap turdi — yaki «Perwerdigar ghelibige érishtürüp turdi».
Dawutning muhim xizmetkarliri
2Sam. 8:16-18; 20:23-26
14 Dawut padishah bolup pütün Israil üstige hökümranliq qilip, barliq xelqige adalet we heqqaniyliq bilen muamile qildi. 15 Zeruiyaning oghli Yoab qoshun’gha serdar, Ahiludning oghli Yehoshafat mirza, 16 Axitubning oghli Zadok bilen Abiyatarning oghli Abimelek bash kahin, Shawsha katip, 17 Yehoyadaning oghli Binaya Keretiyler bilen Peletiylerning yolbashchisi idi; Dawutning oghulliri uning yénidiki emeldarlar boldi.□ «Keretiyler bilen Peletiyler» — belkim Dawutqa alahide muhapizetchiler yaki alahide zerbidar eskerler bolushi mumkin idi.
□18:6 «Perwerdigar uni qoghdap turdi» — yaki «Perwerdigar ghelibige érishtürüp turdi».
□18:8 «Tibhat» — yaki «Tebah».
□18:9 «Tow» — «2Sam.» 9:9de «Toy».
□18:13 «Perwerdigar uni qoghdap turdi — yaki «Perwerdigar ghelibige érishtürüp turdi».
□18:17 «Keretiyler bilen Peletiyler» — belkim Dawutqa alahide muhapizetchiler yaki alahide zerbidar eskerler bolushi mumkin idi.