2
Tamaxini tetip beⱪix
1 Mǝn kɵnglümdǝ: «Ⱪeni, mǝn ɵzümgǝ tamaxining tǝmini tetiƣuzup baⱪimǝn; kɵnglüm eqilsun!» — dedim. Biraⱪ mana, bumu bimǝniliktur.□ «kɵnglüm eqilsun» — bu ibarining baxⱪa birhil tǝrjimisi: «yahximu-yahxi ǝmǝsmu, kɵrüp baⱪay». ■ Luⱪa 12:19 2 Mǝn külkǝ-qaⱪqaⱪⱪa «Tǝlwilik!» wǝ tamaxiƣa «Uning zadi nemǝ paydisi?» — dedim. 3 Kɵnglümdǝ ɵz bǝdinimni xarab bilǝn ⱪandaⱪ roⱨlandurƣili bolidiƣanliⱪini (danaliⱪ bilǝn ɵzümni yetǝkligǝn ⱨalda) bilixkǝ berilip izdǝndim, xuningdǝk «sanaⱪliⱪ künliridǝ insan baliliriƣa yahxiliⱪ yǝtküzidiƣan nemǝ paydiliⱪ ixlar bar?» degǝn tügünni yǝxsǝm dǝp ǝhmiⱪanilikni ⱪandaⱪ tutup yetixim kerǝklikini intilip izdidim.□ «Danaliⱪ bilǝn ɵzümni yetǝkligǝn ⱨalda» — muxu ibarining mǝnisi: «Bu ixlarning ⱨǝmmisidǝ u ⱨǝrdaim ɵz-ɵzigǝ diⱪⱪǝt ⱪilip, ⱪilƣan ixlarning rast ǝⱨmiyiti bar-yoⱪluⱪini tǝkxürǝtti» degǝnlik boluxi mumkin. «ǝhmiⱪanilikni ... tutup yetix» — Sulaymanning «ǝhmiⱪanilik»ni «tutup yetix»i bolsa ⱨayatning ǝⱨmiyitini, adǝmgǝ «yahxiliⱪ yǝtküzidiƣan ... paydiliⱪ ixlar»ni tepixⱪa tosalƣu bolidiƣan birǝr sir barmu-yoⱪmu?» degǝn mǝsilini tǝkxürüx üqün idi.
4 Mǝn uluƣ ⱪuruluxlarƣa kirixtim; ɵzüm üqün ɵylǝrni saldim; ɵzüm üqün üzümzarlarni tiktim; 5 Ɵzüm üqün xaⱨanǝ baƣ-baƣqilarni yasidim; ularda ⱨǝrhil mewǝ beridiƣan dǝrǝhlǝrni tiktim; 6 Ɵzüm üqün ormandiki baraⱪsan dǝrǝhlǝrni obdan suƣirix üqün, kɵlqǝklǝrni yasap qiⱪtim; 7 Ⱪullarƣa wǝ dedǝklǝrgǝ igǝ boldum; ɵyümdǝ ulardin tuƣulƣanlarmu meningki idi; Yerusalemda mǝndin ilgiri bolƣanlarning ⱨǝmmisiningkidin kɵp mal-waranlar, ⱪoy wǝ kala padilirim bar boldi. 8 Ɵz-ɵzümgǝ altun-kümüxlǝrni, padixaⱨlarning ⱨǝm ⱨǝrⱪaysi ɵlkilǝrning ⱨǝrhil ǝtiwarliⱪ alaⱨidǝ gɵⱨǝrlirini yiƣdim; ⱪiz-yigit nahxiqilarƣa ⱨǝmdǝ adǝm balilirining dilkɵyǝrlirigǝ, yǝni kɵpligǝn güzǝl kenizǝklǝrgǝ igǝ boldum.□ «altun-kümüxlǝr» — ibraniy tilida: «kümüx-altunlǝr».
9 Uluƣ boldum, Yerusalemda mǝndin ilgiri bolƣanlarning ⱨǝmmisidin ziyadǝ ronaⱪ taptim; xundaⱪ bolƣini bilǝn danaliⱪim mǝndin kǝtmidi. □ «...xundaⱪ bolƣini bilǝn danaliⱪim mǝndin kǝtmidi» — 3-ayǝttǝ deyiligǝndǝk, u yǝnila bu ⱪilƣan ixlarning rast ǝⱨmiyiti bar-yoⱪluⱪiƣa diⱪⱪǝt ⱪilip, tǝkxürüp yürǝtti. 10 Kɵzlirimgǝ nemǝ yaⱪⱪan bolsa, mǝn xuni uningdin ayimidim; ɵz kɵnglümgǝ ⱨeqⱪandaⱪ huxalliⱪni yaⱪ demidim; qünki kɵnglüm barliⱪ ǝjrimdin xadlandi; mana, bular ɵz ǝjrimdin bolƣan nesiwǝm idi. 11 Andin ɵz ⱪolum yasiƣanlirining ⱨǝmmisigǝ, xundaⱪla singdürgǝn ǝjrimning nǝtijisigǝ ⱪarisam, mana, ⱨǝmmisi bimǝnilik wǝ xamalni ⱪoƣliƣandǝk ix idi; bular ⱪuyax astidiki ⱨeq paydisi yoⱪ ixlardur.
12 Andin zeⱨnimni yiƣip uni danaliⱪⱪa, tǝlwilik wǝ ǝhmiⱪanilikkǝ ⱪaraxⱪa ⱪoydum; qünki padixaⱨtin keyin turidiƣan adǝm nemǝ ⱪilalaydu? — ⱪilsimu alliⱪaqan ⱪilinƣan ixlardin ibarǝt bolidu, halas! ■ Top. 1:17; 7:23 13 Xuning bilǝn nur ⱪarangƣuluⱪtin ǝwzǝl bolƣandǝk, danaliⱪning biƣǝrǝzliktin ǝwzǝllikini kɵrüp yǝttim.
14 Dana kixining kɵzliri bexididur, ǝhmǝⱪ bolsa ⱪarangƣuluⱪta mangidu; biraⱪ ularƣa ohxax birla ixning bolidiƣanliⱪini qüxinip yǝttim. □ «...ularƣa ohxax birla ixning bolidiƣanliⱪi» — bu «birla ix» ɵlümni demǝkqi. 15 Kɵnglümdǝ: «Əhmǝⱪkǝ bolidiƣan ix mangimu ohxax bolidu; ǝmdi mening xundaⱪ dana boluxumning zadi nemǝ paydisi?!» — dedim. Andin mǝn kɵnglümdǝ: «Bu ixmu ohxaxla bimǝniliktur!» — dedim. 16 Qünki mǝnggügǝ dana kixi ǝhmǝⱪkǝ nisbǝtǝn ⱨeq artuⱪ ǝslǝnmǝydu; qünki kǝlgüsidiki künlǝrdǝ ⱨǝmmǝ ix alliⱪaqan untulup ketidu; ǝmdi dana kixi ⱪandaⱪ ɵlidu? — Əhmǝⱪ kixi bilǝn billǝ! 17 Xunga mǝn ⱨayatⱪa ɵq boldum; qünki ⱪuyax astida ⱪilinƣan ixlar manga eƣir kelǝtti; ⱨǝmmisi bimǝnilik wǝ xamalni ⱪoƣliƣandǝk ix idi. 18 Xuningdǝk mǝn ⱪuyax astidiki barliⱪ ǝjrimgǝ ɵq boldum; qünki buni mǝndin keyin kǝlgǝn kixigǝ ⱪaldurmasliⱪⱪa amalim yoⱪ idi. 19 Uning dana yaki ǝhmǝⱪ ikǝnlikini kim bilidu? U bǝribir mǝn japaliⱪ bilǝn singdürgǝn ⱨǝmdǝ danaliⱪ bilǝn ada ⱪilƣan ⱪuyax astidiki barliⱪ ǝjrim üstigǝ ⱨɵküm süridu. Bumu bimǝniliktur.
20 Andin mǝn rayimdin yandim, kɵnglüm ⱪuyax astidiki japa tartⱪan barliⱪ ǝjrimdin ümidsizlinip kǝtti. 21 Qünki ǝjrini danaliⱪ, bilim wǝ ǝp bilǝn ⱪilƣan bir adǝm bar; biraⱪ u ǝjrini uningƣa ⱨeq ixlimigǝn baxⱪa birsining nesiwisi boluxⱪa ⱪalduruxi kerǝk. Bumu bimǝnilik wǝ intayin aqqiⱪ külpǝttur. 22 Qünki insan ⱪuyax astida ɵzini upritip, ɵzining barliⱪ ǝmgikidin wǝ kɵnglining intilixliridin nemigǝ igǝ bolidu? ■ Top. 1:3; 3:9 23 Qünki uning barliⱪ künliri azabliⱪtur, uning ǝjri ƣǝxliktur; ⱨǝtta keqidǝ uning kɵngli ⱨeq aram tapmaydu. Bumu bimǝniliktur.
24 Insan üqün xuningdin baxⱪa yahxi ix yoⱪki, u yeyixi, iqixi, ɵz jenini ɵz ǝjridin ⱨuzur alduruxidin ibarǝttur; buni Hudaning ⱪolidindur, dǝp kɵrüp yǝttim. ■ Top. 3:12, 22; 5:18; 8:15 25 Qünki uningsiz kim yeyǝlisun yaki besip ixliyǝlisun? □ «Qünki uningsiz kim yeyǝlisun yaki besip ixliyǝlisun?» — baxⱪa ikki hil tǝrjimisi: «Uningsiz kim yeyǝlisun yaki ⱨuzur alalisun?» yaki «Meningdin (Sulaymandin) baxⱪa kim yeyǝlisun, yaki besip ixliyǝlisun?». 26 Qünki u ɵz nǝzirigǝ yaⱪidiƣan adǝmgǝ danaliⱪ, bilim wǝ xadliⱪni ata ⱪilidu; biraⱪ gunaⱨkar adǝmgǝ u mal-mülük yiƣip-toplaxⱪa japaliⱪ ǝmgǝkni beridu, xuningdǝk u yiƣip-topliƣinini Hudaning nǝziridǝ yahxi bolƣanƣa tapxuridiƣan ⱪilidu. Bumu bimǝnilik wǝ xamalni ⱪoƣliƣandǝk ixtin ibarǝttur.■ Ayup 27:16, 17; Pǝnd. 28:8; Top. 3:13
□2:1 «kɵnglüm eqilsun» — bu ibarining baxⱪa birhil tǝrjimisi: «yahximu-yahxi ǝmǝsmu, kɵrüp baⱪay».
□2:3 «Danaliⱪ bilǝn ɵzümni yetǝkligǝn ⱨalda» — muxu ibarining mǝnisi: «Bu ixlarning ⱨǝmmisidǝ u ⱨǝrdaim ɵz-ɵzigǝ diⱪⱪǝt ⱪilip, ⱪilƣan ixlarning rast ǝⱨmiyiti bar-yoⱪluⱪini tǝkxürǝtti» degǝnlik boluxi mumkin. «ǝhmiⱪanilikni ... tutup yetix» — Sulaymanning «ǝhmiⱪanilik»ni «tutup yetix»i bolsa ⱨayatning ǝⱨmiyitini, adǝmgǝ «yahxiliⱪ yǝtküzidiƣan ... paydiliⱪ ixlar»ni tepixⱪa tosalƣu bolidiƣan birǝr sir barmu-yoⱪmu?» degǝn mǝsilini tǝkxürüx üqün idi.
□2:8 «altun-kümüxlǝr» — ibraniy tilida: «kümüx-altunlǝr».
□2:9 «...xundaⱪ bolƣini bilǝn danaliⱪim mǝndin kǝtmidi» — 3-ayǝttǝ deyiligǝndǝk, u yǝnila bu ⱪilƣan ixlarning rast ǝⱨmiyiti bar-yoⱪluⱪiƣa diⱪⱪǝt ⱪilip, tǝkxürüp yürǝtti.
□2:14 «...ularƣa ohxax birla ixning bolidiƣanliⱪi» — bu «birla ix» ɵlümni demǝkqi.
■2:24 Top. 3:12, 22; 5:18; 8:15
□2:25 «Qünki uningsiz kim yeyǝlisun yaki besip ixliyǝlisun?» — baxⱪa ikki hil tǝrjimisi: «Uningsiz kim yeyǝlisun yaki ⱨuzur alalisun?» yaki «Meningdin (Sulaymandin) baxⱪa kim yeyǝlisun, yaki besip ixliyǝlisun?».
■2:26 Ayup 27:16, 17; Pǝnd. 28:8; Top. 3:13