1 ﭑ نفَشَكٍرٍنيِيٍ، عَ دْنشْي رَ، وٌ عَلَ مَشَندِ مُشُ بّ عَلَكٌ مَرِفِ شَ مَسٍنيِ شَ يٍنسٍن يّ مَقُرٍن نَ، عَ مَن شَ بِنيَ يِرٍ بِرِن عَلْ عَ بِنيَشِ وٌ شْنيِ كِ نَشّ. 2 وٌ عَلَ مَشَندِ مُشُ مَن شَ بَ مِشِ كٌبِيٍ نُن مِشِ حَاشِيٍ بّلّشّ، بَرِ مَ مِشِ بِرِن شَ مُ دَنشَنِيَشِ. 3 كْنْ عَلَ نَ عَ شُي شَنبِ رَ. عَ سّنبّ قِمَ نّ وٌ مَ، عَ وٌ رَتَنفَ سٍنتَنّ مَ. 4 مُشُ لَشِ عَ رَ مَرِفِ سَابُي رَ، عَ مُشُ يَامَرِ نَشٍيٍ قِشِ وٌ مَ، وٌ عٍ رَبَتُمَ نّ عَلْ وٌ حَن نَ رَبَقٍ كِ نَشّ. 5 مَرِفِ شَ وٌ سٌندٌنيِيٍ شُن تِ كِرَ قَنيِ شْن عَلَكٌ وٌ شَ عَلَ شَنُ، وٌ مَن شَ وٌ تُننَبّشِ عَلْ عَلَ شَ مِشِ سُفَندِشِ عَ رَبَشِ كِ نَشّ.

6 ﭑ نفَشَكٍرٍنيِيٍ، مُشُ بَرَ وٌ يَمَرِ وٌن مَرِفِ عِسَ عَلَ شَ مِشِ سُفَندِشِ شِلِ رَ وٌ شَ وٌ مَكُيَ دَنشَنِيَتْييٍ رَ نَشٍيٍ قِندِشِ تُننَشْنّيٍ رَ. نَ كُي، عٍ مُ حّرّقٍ مُشُ شَ مَسٍنيِ مَ مُشُ قَ نَشَن نَ وٌ شْن. 7 وٌ عَ كٌلٌن يَتِ وٌ لَنمَ وٌ شَ مُشُ قْشِ رَبَ كِ نَشّ. مُشُ تٌ نُ نَ وٌ يَ مَ مُشُ مُ قِندِ تُننَشْنّيٍ شَ رَ، 8 مُشُ مَن مُ مِشِ يٌ شَ بَندٍ دٌن عَ قَ لُ مُشُ مُ عَ سَرٍ قِ. مُشُ وَكِلِ نّ كْي نُن يَنيِ رَ، عَلَكٌ مُشُ شَ قٍ نَشَ قِندِ كٌتٍ رَ وٌ سٍسٍ بّ. 9 مُشُ نُ نْمَ مُشُ شَ كْنتْقِلِ سَدٍ وٌ يَ عِ، كْنْ مُشُ مُ تِن نَ رَ عَلَكٌ مُشُ شَ قِندِ مِسَالِ رَ وٌ بّ، وٌ قَن شَ مُشُ قْشِ رَبَ. 10 مُشُ نُ نَ وٌ يَ مَ تّمُي نَشّ، مُشُ يِ يَامَرِ نَن قِ وٌ مَ؛ «نَشَن يٌ مُ تِنمَ وَلِدٍ، هَلِ وٌ مُ نَ كَنيِ كِ بَندٍ.» 11 مُشُ بَرَ عَ مّ عَ مِشِ ندٍيٍ وٌ يَ مَ عٍ بَرَ عٍ يّتّ قِندِ تُننَشْنّيٍ رَ. عٍ مُ وَلِ يٌ سُشُمَ بَقٍ نَاقِشِيَ رَ. 12 مُشُ بَرَ نَ مِشِيٍ يَمَرِ، مُشُ عٍ رَ سِ عَلَ شَ مِشِ سُفَندِشِ وٌن مَرِفِ عِسَ شِلِ رَ، عٍ شَ وَلِ بْحّسَ كُي عَلَكٌ عٍ شَ نْ عٍ يّتّ بَلٌدٍ.

13 ﭑ نفَشَكٍرٍنيِيٍ، وٌ نَشَ تَفَن قٍ قَنيِ رَبَقٍ مَ. 14 وٌ عَ مَتٌ عَ قَنيِ رَ، شَ مِشِ ندٍ مُ تِن مُشُ شَ مَسٍنيِ دَنشُندٍ مُشُ نَشَن سّبّشِ يِ بَتَاشّ كُي، دّقَنيِ نَشَ لُ وٌ نُن نَ كَنيِ تَفِ عَلَكٌ عَ شَ يَافِ. 15 وٌ نَشَ عَ قِندِ وٌ يَشُي رَ دٍ، كْنْ وٌ شَ عَ رَ سِ عَلْ وٌ نفَشَكٍرٍنيِ.

16 ﭑ بَرَ مَرِفِ مَشَندِ نَشَن قِندِشِ بْحّسَ كَنيِ رَ، عَ تَن يّتّ يَتِ شَ بْحّسَ قِ وٌ مَ تّمُي بِرِن نُن عَ مْولِ بِرِن نَ. مَرِفِ شَ لُ وٌ بِرِن سّيتِ مَ.

17 ﭑ تَن ثْلُ نَن يِ شّيبُي سّبّقٍ ﭑ يّتّ بّلّشّ رَ. ﭑ مَ بَتَاشّ بِرِن مَتْنشُمَشِ يِ كِ نّ. ﭑ بّلّشّ قْشِ نَن يَ.

18 وٌن مَرِفِ عِسَ، عَلَ شَ مِشِ سُفَندِشِ، عَ شَ هِننّ شَ لُ وٌ بِرِن بّ.