111
Vinahesina e Zihova
1 Maqu vahesia se Zihova!
(Aleph)* Hopeke laini koari na Sam 111 meke 112 si podalae koa keke leta pa “A Ba Da” pa Vinekala Hiburu. Kaqu zama leana la si rau koe Zihova pa doduru buloqu,
(Bet) somanae koasa vinarigarae tie toṉoto te Tamasa.
2 (Gimel) Variva magasa sari na tinavete te Zihova,
(Dalet) ari doduru pu qetu ni si odi tumani si arini.
3 (He) Siṉi na vina lavata, na ṉiniraṉira sari Nana tinavete,
(Vav) meke sa Nana tinoṉoto si koa hola ninae rane.
4 (Zain) Va balabala ni Sa pa tie sari Nana tinavete variva magasadi;
(Het) tataru na taleosae se Zihova.
5 (Tet) Poni ginani Sa sari pu pamaṉa nia si Asa.
(Yod) Lopu hite muliṉi nia Sa sa Nana vinariva egoi nabuna.
6 (Kaph) Vata dogoro nia Sa koari na tie sa Nana ṉiniraṉira,
(Lamed) sipu poni Sa koarini sari na pepeso tadi na votiki butubutu.
7 (Mem) Ta ronuedi na toṉoto sari na tinavete tana Limana;
(Nun) sari doduru Nana zinama si boka ta raṉedi.
8 (Samek) Koa hola ninae rane si arini,
(Ain) meke ta poni nia rini sa hinokara na tinoṉoto.
9 (Pe) Vata rupahi Sa sari Nana tie,
(Zade) meke tavetia Sa si keke vinariva egoi koa rini sapu koa hola ninae rane.
(Qoph) Hopena na ṉiṉira si Asa.
(Shin) Koa va gilae si arini pu va evaṉia si asa.
(Tav) Mani tavahesi si Asa ninae rane ka rane.