23
Ahi asuv mul losil kat inau
Asuv houlu Deved mutisi
1 Ahi Asuv, kei mul losil kat inau
suval meatin koa losil kat sipsip keil osen.
Tounah vasi koa vakataun moulien onak,
kei sani minau.
2 Kei kur nau nuva en uteral koa oumunai tahos mul ien,
ka mulamunau nuva en out koa oai mekaikai ka mandil.✡ Rev 7:17
3 Kei san keihoen hau minau
ka mulamunau en sise koa mal,
suval koa kei vat kati.
4 Avaseini munak niha en mari mankoli, nirmetautei,
ven keik, Ahi Asuv, komusil inau.
Kolei kokoe enau ka koring koe nau.
5 Komumon mari anien tai venau
en out koa vativieh keil onak akilea avales inau.
Kosan more amaien minau suval koa navi mari meatin tai,
ka kovus anien vilelau en pelet koa kosani minau.
6 Nakilea keke tahosien ka more envatien onom housil kat inau en avong vasi,
ka nito en teim som lisenges.