1 Yarnin itye Godowe harnakar tungarar luku. 2 Ngapai Jehovah, umauwe Godowe. Ngate morokkir um Egyptanmant; taldumande ngaruramb.

3 (i) Nowaiy inde morokkun yamminyar godsar, ngapai inde morokkun.

4 (ii) Nowaiy inde winmin ityan graven image, lun ellin tuldar, markeri, nungge, wyirreungai; nowaiy inde winmin ityan graven image, lun ellin haranekar ruwungai, haranekar, bahrekangk perkungar, mare muntunt ruwe. 5 Nowaiy inde wakkin turtangk ananyiril; nowaiy inde an kungun ungunuk ar um taiyani; ngape Jehovah Godowe kraiyelin, ngate an partani porlar, hil amb uk, ungunuk kanauwe ngaiyerar wirrangwarrin. 6 Neppaldandai atte an partani ungunuk ar nowaiy pornun an. Ngate nunkowarrin an ambe an ngruwar ungunuk ar pornun an, ungunuk ar kungun an.

7 (iii) Nowaiy inde yan yarnin kaldowamp mitye Jehovald mai Godowe nowaiy itye Jehovah kungullun um nunkeri ungunuk luk inde yarnin naitye mitye.

8 (iv) Ngul our ityan Sabbath nungge ngul our ityan in ambe nunkowarrin. 9 Six nungar inde el workani. 10 Seventh nungge Sabbath wallin in ambe Jehovah mai Godowe. Nowaiy inde ellin work; nginta, mai ngauwire, mai bame, mai korn servant, mai mimine servant, mai windawityerar, yamminuwar korn lewin kinanyirungai taldumandungai. 11 Six nunkungar Jehovah winmir wyirrewarre, ruwe, yarluwar, ngruwar, wunyitye kunden seventh nunkungai pornun itye Jehovah yan Sabbath nungge, nunkowarrin il ityan.

12 (v.) Kung our mai ngaiowe, ninkuwe, wunyinde lewin kaldowamp umanyirungai ruwungai yar il Jehovah ityan umangk pempir.

13 (vi) Nowaiy inde mempi.

14 (vii) Nowaiy inde morokkun mimine kowan an naitye lew.

15 (viii) Nowaiy inde pet.

16 (ix) Nowaiy inde yelpul kangul ambe korn ambe.

17 (x) Nowaiy inde pulkeri. Nowaiy inde yan pornun kornald taldumande; nowaiy inde yan kornald nape; nowaiy inde yan pornun haranekar kornald korn servant, mimine servant, windawityeri, pote, nowaiy inde yan pornun, kornald maiyinggar.

18 Ngruwar narrinyerar nakkin an munte, nalurmi, trumpetowe kaikundun, ngurle nyrangkin kraiyowe ald amb; wunyar narrinyerrar yelkulum, nowaiy tangulum tapangk ityan ngurle, tangulun ar ku arun. 19 Yarnin ar inangk Mosese luku, nginte yarn our arnangk wunyel arn kungani; nowaiy itye Godowe yarn arnangk; ungunuk itye luku, wunyarn pornani.

20 Luku itye Mosese an angk narar narinyerrar; nowaiy ungune blukkun. Godowe puntir onomangk plepuramb onom, wunyungune blukkani inanyiril, yaral ungune ngullani, kungur ungune ityan, wunyungune nowaiy wirrangwarrin 21 Tangulun ar narrinyerar kuarun, loru itye Mosese inangk Godowe, lewin yonguldyungai.