Anutu eru iŋore ya oi 1) tiriine eru 2) fuŋine mo: Anutuji tiriine gome agiburaŋnoŋunde geo egu noreiŋgo ore kokoi maneru usuŋine manesubeneŋ gburugburu nobeega. Zioz eru ŋiŋigo oi 3) gbagbataeŋine, wunuŋyaŋuŋ tomiri. Pi, soriŋ, damaŋ eru tebu oi 4) mokiine = kubuine: Pi mokiine oi kebojigakimiŋ ore so mata. Damaŋ mokiineo gio egu bakiminde agi pega. Tebu mokiine oi agiburaŋnoŋuŋ so mifukeru mo kosa nokimiŋ ore so mata. Eebobo eru gio oi 5) posiine: Gio posiine oi agiburaŋ paio bakiminde embimbiŋgakimiŋ. Eebobo posiine oŋuakoŋ Anutureo sagaga. Anuture kajeqouŋ ŋiŋigo oi 6) roosiŋine eru 7) qembibiineke fukegobi. Holy (set apart) buŋo goine oi 8) Anuture biŋe, 9) Anutu oŋuine. Biŋe Quraŋ Buk oi qembibiineke.

Moro Tiriine oi Anuture Moro. Iŋoreo wunuŋ me bapeboriŋ mo so yobu pega. Iŋoji ŋiŋigo maŋyaŋuŋ kerisiebuŋ, oi dobe noberu boburo nobeko maŋkekerisie gogo gogobeneŋ.

Oŋu eru maŋine joineke fukeme Anuture gio fiine akoŋ baega.

Noŋuŋ ya fiine raugakimiŋ ore so oŋu so fukegobeneŋyoŋ, Anutuji jibu maŋ aŋire so mo ŋonemaiŋ eru ŋone noberu emboŋ eru yauŋine mokemoke yobu noreiŋgo manega.

Moji ya eru buŋonoŋunji komega. - Pasowa: Ŋonemaiŋ kombaŋ,

Ya oi kuririineke. Ŋiŋigo tinabiŋeyaŋuŋke. Anutu kuririquraŋineke eru usuŋineke.

Jon 3.36 Agiburaŋ ebeneŋ Anuture maŋ rigaŋgame rosiine painoŋuŋgo ruako roperu peiŋ. Manjoko enoreegayoŋ, agiburaŋnoŋunde eru maŋine rigaŋgaega.

Anutu Tiriinere maŋ aŋi qaku oduregobeneŋ, oi ya mimiine. Maŋine rigaŋgame geoine bokirieme painoŋuŋgo ropega. Baka (mistake) oi buŋo afaine. Anuture buŋo korore eru fofori gburugburu nobeega.

O Anutu tiriine, noŋ ŋiŋigo kekesiineji gore jiŋo maio dimago. Noŋ fukeboŋgone fuŋgaru sembene fuŋine fuŋine eku beugoo baku goboŋ. Ore eru goji Yesure yauŋmoririre eru agiburaŋne boke nareigoŋ. Boke nareru Biŋe buŋogo poretiŋ nonde maŋgo ruaru botiŋ nuigoŋ. Usuŋgoji gogone botiŋgako soine gboreru gore gogo gariineo roperu gobemiŋ. Oi foriine.

Anutuji agiburaŋ-ŋaŋuŋ boke ŋarega. Iŋoji Madeine moakoŋ oi noŋunde agiburaŋ posikeiŋ ore eru soreme moreŋgo wakiya. Wakiru yauŋmoririine noreru agiburaŋnoŋuŋ jurega. Oi manesiŋ ganimiŋ. Oi manesiŋ gabi iŋoji oga ŋabeme kiŋariŋpuine fukebi Moroine Tiriine maŋ-ŋaŋuŋgo ruaiŋ. O Ofoŋ, oi niŋoreo oŋu fukeine.

gemoineke, faŋfaŋ gemoineke, gemoji mi bibiine kipeme biriqepoŋ fukega

Moji rosi yoŋore meo rakame ogoineji oi bomukuru ŋeji gaga. Ore so sembene baru Satande meo rakaru sibiriganimiŋgo ore eru maŋnoŋuŋ kerisiekimiŋ ine, Yesuji agiburaŋnoŋuŋ bokeru munaŋ qa noreru komegone bomukuru oga noberu gogo sanaŋineo rua nobeiŋ. Misi korugo egu rakakimiŋ ore sabare nobeko qowirieru fiaru Sombunde biŋe fukeru paibe roperu seŋgiŋbaŋgiŋ igoriŋ gokimiŋ.

Iŋoji agiburaŋ, baka, jibe, bapeboriŋ, yobiŋ, tiŋtuŋ, siŋsaŋ kokoi mamane, kome eru sembene goine sosowo oone babaaŋ ba noreru gogo gariine noreko sanaŋgaru gokimiŋ. Kajeqouŋ ŋiŋigo Munaŋqoqo Rauineji fukeinde buŋo ronekoŋ mibuŋ, Yesuji ore so fukeya.

Moji fuŋine sembene mane mukuru agiburaŋ gogoine ŋadi gaku Anutuji oi bokeiŋgo oŋga wosiru maŋ aŋiine boyobeiŋgo miga.

Ore mobeine yoyoka: I) Agiburaŋnoŋuŋ mifukebeneŋ (mitaniŋgabeneŋ) II) Anutuji oi bokeko manesiŋ gagobeneŋ. Manesiŋ garu “Oi foriine,” miku manebeneŋ Anutu Sombuŋgo goga, iŋoji iŋoyoŋe miposike norega, oŋu fukeiŋ.

Kamasiine yokaomo: 1) Kadi riribeneŋ, oi niŋonoŋe akoŋ soŋsoŋgo Anuture mifukekimiŋ (mi taniŋgakimiŋ), 2) Anuture gio bobo more yobiŋnoŋuŋ mifukebeneŋ (mifukekabeneŋ) soŋsoŋgo peine, 3) maŋkekerisie kufufuŋ yoŋore jiŋo maio agiburaŋnoŋuŋ totogo mifukekimiŋ. Kristoji agiburaŋ kipekimiŋ ore eru piruekiminde usuŋ me ki yoyoka oi kiŋariŋ niŋore meo ruame pega. Mat 16.19; Jon 20.22-23

Mande ogo babapi niŋoji Anuture maŋ aŋire buŋore so gio babeneŋ moreŋgo eru Sombuŋgo foriineke fukeega. Ofoŋ Yesuji iŋoyoŋe baega, ore so eega. Ore eru mimipaŋ buŋo qomuku agiburaŋ egobeneŋ, oi mane sembeaku gogo sembene ŋadi gaekimiŋ. Oŋu ebeneŋ agiburaŋnoŋuŋ miposikegobi moke poreru maŋkekerisie kufufunde sa maŋineo rua nobeega. Oŋuyoŋ, mo moji maŋkekerisie so eru kosa goga, iŋore agiburaŋ ruako paiineo peku tebu tiriine kubaine egu nokimiŋ ore sabare noreega.

Niŋore mamane sanaŋine fuŋine fuŋine pegayoŋ, Anutu manesiŋ gagobeneŋ, oo maŋnoŋuŋ karieme gogonoŋunji qopieko qowiriekimiŋ. Sakinoŋuŋ babokiri eru qodunoŋuŋ roŋguŋgo qosiŋgaegobeneŋ, ore so maŋnoŋuŋ kerisieru Anutureo qosiŋgakimiŋ. Anutuji mamanesinde yauŋ noreko oiji kitiŋ noberu oga noberu iŋoyoŋunde qorumaŋ maŋgo rua nobeiŋ. Mamanesiŋ paiineo oŋga wosibeneŋ mosi qoqowirie fukeega. Mamanepaŋ buŋo oi bokekimiŋ. Mamanesanaŋ oi maŋyokaineke.

Noŋ Mama Anutu manesiŋ gago. Iŋoji usuŋ sosowore Rau goku Sombuŋ moreŋ bofuke yapeya.

Noŋ Yesu Kristo manesiŋ gago. Iŋoji Anuture Made moakonji goku Ofoŋnoŋuŋ fukega. Oi Moro Tiriineji qowirie teko ŋigo jeŋoŋ Mariaji kuagaru roya. Roko goku gawana Pontius Pailotre damaŋgo joiserereŋ maneko maripoŋgo qabi komeko yaŋgabuŋ. Yaŋgabi komere misoŋ kaeo rakaru goku una yokaomo fukeko komegone pakereya. Pakereru goku Sombuŋgo roperu Mama Anutu, usuŋ sosowore Raure me furoineo ŋega. Ŋeru goku oone kirieru wakiru gogobeneŋ eru komekiine noŋunde buŋo mitariiŋgo wareiŋ.

Noŋ Moro Tiriine manesiŋ gago. Iŋoji ŋiŋigo gbagbataeŋine qoju noberu kipe nobeko maŋkekerisie kufufuŋ fuŋine mo yasogo moko fukeru gogobeneŋ. Oŋu gobeneŋ agiburaŋnoŋuŋ bokeega. Bokeru gome komebeneŋ komegone bogbore nobeko sakike pakereru gogo sanaŋine tatariine tomiri go ropekimiŋ. Buŋo oi foriine.

Ŋiŋigo kubu yoyoka gogobeneŋ: maŋkekerisie me mamanesiŋ ŋiŋigo eru mobeineo maŋkekerisiere yauraine me keta eru buŋo qoqomuku ŋiŋigo.

(ya fukeiŋgo) origaru odigaga

Anutuke mimane. Anutu buŋonoŋuŋ ojibeneŋ buŋoine miko maneegobeneŋ. Qoqodure tina oŋgawowosi ore maŋineo oŋgawowosi yo iŋiine iŋiine pega: Maŋnoŋuŋ qojugaru noŋunde 1) karieru 2) weuku 3) daŋge miku 4) miteŋ garu (praise) 5) Anuture ohowe baku (worship) 6) goine yoŋore eru oŋga wosiegobeneŋ (intercession).

Niŋore Mamanoŋuŋ, go Sombuŋgo goge. Gore tina tiriine peine. Go siŋaŋ nobende qorumaŋgore fori fukeine. Gore maŋ aŋi Sombuŋgo reŋgaegobi, ore so moreŋgo oŋuakoŋ fukeine. Muŋambere uqonoŋuŋ oi sonoŋuŋgo noreigoŋ. Goineji agiburaŋ enorebuŋ, niŋo oi boke yaregobeneŋ ine, go ore so niŋore agiburaŋ jure noreigoŋ. Eesoigo egu waki nobeiŋ ore sabare noberu Sembene Rauinere meone bomuku nobeigoŋ. Go gake qorumaŋ Rauine, usuŋ Rauine eru kuririquraŋ Rauine oi damaŋine damaŋine go wapeku gomeŋ eru tatariine tomiri go ropemiŋ. Oi foriine.

Anutu manjoko Rauineji manji jojoko enoreme maneru kerisieru Anutu manjoko eteru buŋoine reŋgaru ŋiŋigo goine oŋuakoŋ manji jojoko eyareekimiŋ. Manjokore usuŋ oi ropekiine eru tatariine tomiri. Oi rosi eru sembene sosowo gbiŋ eru yadureega. 1 Kor 13

Anutu manjoko etekimiŋ me mata, iŋoji jibu (furiine tomiri) damaŋ so jojoko enoreega, oi agape love. Ŋiji ŋigore eru aŋi maneru porega, oi eros love. Rorobaba egobire, oi sex love. Oogo ee egobeneŋ, oi fileia love. Kantrinoŋuŋ me kaenoŋuŋ maŋyauŋ eru oteegobeneŋ, oi maŋkikipe (filantropic love). - Dear: yoro ogo, wombuŋ ogo, mimipaŋ ogo.

Bobiaŋ Biŋe oi moakoŋ eru ŋi yokayokaji oi quraŋgabuŋ, tinayaŋuŋ Matyu, Mak, Luk eru Jon. - Law: Kadi buŋo. - Prophets: Kajeqouŋ yoŋore Biŋe Quraŋ

Kajeqouŋ ŋiŋigo me buŋo qaqajijibuine oi edobodo, kekesiine, iŋgoŋmaŋgoŋine, ropeqo-wakiqoineke; fruitless: gipeine, aputa, abutaine

Oi moreŋ me sa mo matayoŋ, ŋiŋigo maŋyaŋuŋ kerisieru Satande gemo sa bokeru Anuture qakatobi siŋaŋ yabeko buŋoinere rurumaŋgo sa oo gogo sanaŋine gogobi. Jiki ore kamasiine sosowo fuŋine mo oi Sombuŋ maŋineo roperu ŋonekimiŋ.

Satan oi nemu qoruine. Ore eru iŋore jokoronde gemo sa migobeneŋ. Deiwidre kantri sa (Kingdom of David); Papua Nuginire moreŋ sa

Rosiji ogonoŋuŋ qafagaru roko furi ruaru doeine babeneŋ pirueko kirieru wareiŋ. Yesuji iŋoyoŋunde saki fu ruaru duenoŋuŋ baya.

Iŋoyoŋe furi eko buŋonoŋuŋ komeko Anutuke oogo fukekimiŋ, penaroŋnoŋuŋ keririega.

Moji yake mane sembea eko Yesure dariji kefagame Anutuji dari ore eru agiburaŋine bobokeine oi moke so ŋoneiŋ. Agiburanji mande kambaŋ mariku baku wonuŋineke fukeko dariineji jureko gbagbataeŋine fukeko oŋuine akoŋ ŋoneiŋ. Oŋu fukeko Anuture maŋ ririganji munaŋgako maŋineji tariiŋ. - Unrighteous: kekesiine penaroŋineke

Niŋonoŋe jukuwi wuwunuŋnoŋuŋke gogobeneŋyoŋ, Yesure dariji jure nobeko Anuture jiŋo maio gbagbataeŋine fukekimiŋ. Gbagbataeŋine fukeru eebobo posiine (holy) yobekimiŋ. Gogo wunuŋineke oi fofori misombeŋ eru useekimiŋ. Oi maŋyoka matayoŋ, damaŋ so Yesuke qakatoru dimakimiŋ. Hib 10.10

Anutuji saŋu eega, oi maŋkajenoŋunji manekimiŋ. 1 Tim 1.5, 19 Maŋkajenoŋunji fuŋnenoŋuŋ barariŋga noreru buŋonoŋuŋ kitiŋgaku miega. Apo 24.16 Iŋoyoŋore maŋ (kaje) oiji Anuture buŋo kitiŋgaku miega. Jon 8.9 Anutuji mo ŋoneru “Sagaga,” miko maŋkajeineji maneko fiaga. Apo 23.1 Maŋyoka bokeru maŋnoŋunji egu kejigaiŋgo ore sisiŋaŋ ee ekimiŋ. 1 Tes 3.9

Maŋkekerisie kufufuŋ (congregation), maŋkekerisie pi (miti pi), maŋkekerisie tutumaŋ (Sande lotu), Maŋkekerisiere Biŋe Quraŋ (Bible, Christian Sriptures), maŋkekerisie ŋiŋigo (Christians)

Kiŋariŋ oi qaqajire keririŋgo boyoberu aŋibaŋi goku mamaneine qaqaji eku gio baku kegborebi gogoyaŋunji qowirieru qopieega.

Kajeqouŋ ŋiŋigo oi ya fukeiŋ, fukega me fukeya, ore biŋeine eru fuŋine oi Anutuji maŋyaŋuŋgo ruame maneru iŋore minebobo fukeru ŋiŋigo noŋunde barariŋga noreru totogo miegobi. Damaŋ goineo ŋiŋigoji gurimbobo oi useru kanegaru raru yabebi komebuŋ. Yesu iŋoyoŋunde kaepuji kajeqouŋ buŋoine bawaki eyarebuŋ.

Sombuŋ mimerereŋ yoŋoji Anuture mi reŋgaru gemokaku kiso eru ŋiŋigo bapi noberu kiŋaŋ qa noreegobi. Hib 1 Goineji biŋe ruabi goineji jigo qabi goineji gioyaŋuŋ fuŋine fuŋine baegobi.

Damaŋ so obu rauegobeneŋyoŋ, miti meso oi Anuture moge. Oi ya soguine. Oi eyomboŋ gogoineke (sacrament). Maŋkerisie buŋoke so qodureru obuji akoŋ rau norenobuŋ ine, oi obu mo omaine fukena. Maŋkerisie buŋoji obu yobu oo mibeneŋ kefagaru mifiako oiji foriine fukeega. Mitimeso raubeneŋ, niŋoji una so agiburaŋnoŋunde eru mane sembeaku maŋnoŋuŋ kerisieekimiŋ. Maŋnoŋuŋ raŋgbaineji obuo rakaru noru komega sigoine kejigame kamasi fukeko tifeineo maŋ gariineji gboreru sogueko Anutuke keririŋgo goekimiŋ. Rom 6.4; Tai 3.5-7 Mitimeso oi maŋnoŋuŋ kerisiekimiŋ ore ateine moakoŋ rau norebi Moro Tiriinere usunji maŋnoŋuŋgo gio baega. Mitimeso raraure fuŋine so reŋgaru maŋnoŋuŋ so kerisiekimiŋ ine, jibu sibirigakimiŋ.

Ofonde tebu kubaine (tiriine): Ofoŋnoŋuŋ Kristo Yesu iŋoyoŋunde dari fu ogopuine noŋuŋ poroŋ eru wain obuineke nokimiŋ ore iŋoyoŋe ruaru mitari noreya. Luk 22.14-20 Oi eyomboŋ gogoineke (sacrament). Buŋo yoji foriine mitaniŋgaga: Ŋoŋore due baku kisiŋgaya eru ŋoŋore agiburaŋ posikeiŋgo ore mitariru ruaya. Moji buŋo ore maŋyoka ega ine, iŋoji tebu noiŋ ore so, so fukega. Ore eru Ofonde buŋo manesiŋ garu foriine bofukekimiŋ. Maŋnoŋuŋ fofori so osoeru kerisieru Ofonde tebu kubaine kosa nokimiŋ ine, Anutuji geoine bokirieme yobiŋ painoŋuŋgo ropeiŋ. Goineji kome forebuŋ. 1 Kor 11.30; Apo 5.5, 10

Mifia oi mi-booro buŋo. Yare Anutu oŋga wosibeneŋ iŋoyoŋunde usuŋ paio miko me mifiako touŋmoririke fukeiŋ. Rone “bureŋgaga” mibeŋyoŋ, Yesuji bureŋ mimi ŋi mata. Iŋoji usuŋ sosowore Rau fukega ore bureŋ so egayoŋ, mifiaine boroiŋga noreega.

Kajeqouŋ ŋi Daniel eru Ezekiel yokoji tina oi miku “Anutuji Munaŋqoqo Rauine soreme moreŋgo fukeiŋ,” miku quraŋgabu. Yesuji iŋoyoŋunde tina sumuŋine oŋu miko Juda yoŋoji oi so mane taniŋgabuŋ. Ŋi sosowo noŋuŋ ŋi more made gogobeneŋ, ore eru so miga. Yesuji moreŋ ŋi noŋunde so dari fuineke fukeru jibu Anuture Made oŋuakoŋ goya. Ore eru Anuture mi damaŋ so reŋgaru agiburaŋ mo so eru gogo sanaŋine moreŋgo goya. Moreŋ ŋi foriine goya ore eru ŋiŋigo noŋunde yobiŋ soine mane foreru koboega.

Jen 2.24 Ŋoe ŋonuŋ gogo oi Anutuji mitigako ŋoe ŋonuŋ fukenimire buŋo oi Anutu eru ŋiŋigo jiŋo maiyaŋuŋgo totogo mikimiŋ ore so. Maŋ aŋiyakunji totogo fukeko mimipaŋ buŋoyakuŋ mibire yokore oŋga wosibeneŋ Anuture mifiaji yokoke dimaiŋ. Oŋu araŋ ba ŋatebeneŋ jijibu jikiboti so fukeiŋ. Ŋoe ŋonuŋ gogo oi gbagbataeŋine, (kubaine) eru kadi riribire yobiŋ paiyakuŋgo ropeiŋ. Goineji jibe soguine bofukebuŋ. Jen 12.17 Kokoineji kabata fukeru gobuŋ. Hib 13.4 Ŋoe ŋonuŋ oi siŋaŋ garu miriŋbobo naduŋgaduŋ eru go roperu komenimi. Yesuji bagbagbagaru dobu kipe yateru Ofoŋyakuŋ fukega. Boboke ee oi Anuture maŋ aŋi matayoŋ, jikibotire eru jibu fukeega. Mak 10.2-12 Moji maŋine kerisieru maŋkekerisiere yaura ŋigo me ŋi mo so roine. 1 Kor 7.39b

maŋnoŋuŋ bobiaŋgaru babasanaŋ ee ekimiŋ, maŋnoŋuŋ kitiŋgaku bomogaru ba sanaŋgakimiŋ.

Bal oi Keinan kantri yoŋore nemu. Yoŋoji oi dabe teru ohoweine baku miteŋ gabi Israel yoŋoji warebuŋ. Anutuji yauraine kufufuŋ oi yaberu Bal alatayaŋuŋ eru nemu gboŋyaŋuŋ ketotienimiŋgo mitiga yareyayoŋ, yoŋoji buŋo oi qomukubi goineji fuŋgaru Bal oŋga wosiru miteŋ gaku gobi Anuture maŋ rigaŋgaya.

Hibru gaŋ 8 eru 9. Agiburaŋ ebeneŋ ŋiŋigo eru Anutu botunoŋuŋgo ruge fukeko maŋine rigaŋgako rosi painoŋuŋgo roperu pega, oi moji kepieko Anutuke maŋmoakoŋ eru oogo ekimiŋ, ore jojofo buŋo buruine. Mosesre damaŋgo Anutuji jojofo buru ruame raŋgbaŋine fukeyayoŋ, Yesuji jojofo buru gariinere siŋaŋ fukeru komeya. - Ark of Covenant: jojofo burure katapa. Ore maŋineo jojofo burure ya sosowo siŋaŋ gabuŋ.

Damaŋ yoo boji so rigaegobeneŋ ore maŋkekerisie soriŋ miegobeneŋ. Sombuŋgo boji so rigaru maŋkekerisie tariko ore soriŋ tinaine mimiteŋ soriŋ miegobeneŋ. Bara 3.12; 21.22

Daberu (bow down, kneel before God) Anutu manejijiweru maŋfuŋgo rabeneŋ ŋonemaiŋ noberu yauŋmoririine noreiŋ.

Moreŋ buroineo wareru boji soriŋ yayabaine oi kambaŋ seriji babuŋ. Oi afagaru kakariŋ baku koboru raru kae gariineo moke igodoŋgaru kefagaru gobuŋ. Keinan moreŋgo wareru Jerusalem oo boji soriŋ sanaŋine baku kambaŋ seri ako oi bokebuŋ.

Anuture buŋo gio ore mobeine yoyoka.

Iŋoji ŋiŋigo eru Anutu botunoŋuŋgo kekeriri gio baku oŋga wosiru kajeqouŋ miku boji rigako pesiŋ ruabi qojugaru mobeine iŋoyoŋunde baku goya.

Anutuji mitigako Liwaire osigida yoŋo boji sorinde kiŋaŋqoqopu fukebuŋ. Ore eru moreŋ mobeine so yarebi kubu goine yoŋoji moreŋyaŋuŋke goku kitiŋ yaberu gobuŋ. Munaŋqoqo giore buruji qopieko jojofo buru gariinere damaŋ yoo tinayaŋuŋ Miti giore babapi (deacon) eru Miti giore babapi ŋigo (deaconess) miegobeneŋ.

Maŋbapakare ŋi iŋoji Anuture buŋo mi taniŋgaru ŋiŋigoji maŋyaŋuŋ kerisienimiŋ ore bapakareega. Goineji maŋyaŋuŋ kerisieru agiburaŋyaŋuŋ mifukebi bapi yaberu gurimba yareega.

Kantrire minebobo yoŋore buŋo koro ropekiine oi Juda yoŋore “parliament.” Buŋo siŋaŋyaŋuŋ oi soriŋ gio siŋaŋ qoruine. Kantrire minebobo 70, patiyaŋuŋ fuŋine fuŋine, yoŋoji tutumaŋyaŋuŋ eru buŋo gio baku mikiperu kufufuŋ mitiga yareru gobuŋ. Usuŋ foriine oi Rom kotu ŋiŋigo yoŋore meo peya.

Farisi yoŋoji pati mo gobuŋ. Yoŋoreone kokoineji soriŋ kaunsol kubu (sanhedrin) maŋineo kantrire minebobo fukeru gobuŋ. Mosesre Kadi buŋo fiine akoŋ maneru jikigaru yoŋoyaŋunde mimiti boakoŋ bofukeru qodureru oi oŋuakoŋ boyobebuŋ. Buŋo sosowo oi yameŋ keku “Anuture jiŋo maio sagaga,” miku oŋu manesiŋ garu ŋiŋigo qaji yarebuŋ. Qaji yareku ŋiŋigo goineji mimiti buŋoyaŋuŋ oi so maneru oma qouma gobuŋ, oi babawaki eyareru yoŋoyaŋunde saki baropeku (sakibobo) gobuŋ. Oŋu goku fiine akoŋ Anuture oŋga wosiru uqo sowo goku pesiŋ ruaru meyaŋuŋ jureru oŋu eku iŋoyoŋere munaŋ qoqo eku gobuŋ. Oŋuine oo Anutu munaŋqoqoinere fuŋine foriine so mane taniŋgaru Yesu odureru tiŋtuŋ fukebuŋ. Ŋiŋigo goineji Yesure ŋadio raru boyobebuŋ, oi ŋone yaberu kane yabebuŋ. Yesuji Anuture mosi qoqowirie bako igosisi eku “Kadi buŋo odurega,” mibuŋ. Yesu buŋore budunji poreru esoi eteiŋgo ore wareru gufukopari buŋo kokoine miku kiso etebuŋ.

Yoŋo Mosesre Kadi buŋo qakatoru “Farisi yoŋoji soriŋ gio fiine akoŋ so baegobi,” mibi pati gariine fuŋgabuŋ. Farisi yoŋoji oŋgawowosi pi so qaji yarebi Sadusi qaqaji yoŋo qoqodure boji soriŋ qoruineo yameŋ kebuŋ. Yoŋore kukure oi soriŋ gio siŋaŋ tinaine Sadok. “Komebi yoŋoji so pakerenimiŋ,” miku Moro Tiriine eru Sombuŋ mimerereŋ so gogobi, oŋu manesiŋ gabuŋ. Yoŋoji kantrire minebobo fukeru soriŋ kaunsol kubu maŋineo Farisi yoŋoke migobobo eku kekepari eru gobuŋ. Oŋu gobuŋyoŋ, Yesu qabi komeinde buŋo mitariru damaŋ oo maŋmoakoŋ ebuŋ.

Gawana tinaine Herod iŋoji kufufuŋine eru ogopuine yoŋoke pati mo ruaru Rom gawmaŋ yoŋore politik reŋgaru boyoberu gobuŋ.

Nesenel Zelot pati yoŋo Rom qoqodure gawmaŋ kiso eru yoŋoyaŋekoŋ didima rokimiŋgo ore gigiraŋ politik eku gobuŋ. Yesure kiŋariŋ mo tinaine Saimon oi Zelot politik ŋi goya.

Sisa-kiŋ koito oi Rom qoqodure kantri (empire) siŋaŋ yaberu ŋi koitoyaŋuŋ goya. Kiŋ koito Herod eru gawana Pailot oi iŋore muraŋyoka fukeru Juda ŋiŋigo siŋaŋ yabebuŋ.

Jon 7.2 Juda yoŋore bobosu jeribari kombaŋ oi gosa so iŋi ruabuŋ: Wain gioyaŋuŋgo raru yo rekaine roru akoako qaku oo peku una 8 jerieru kombaŋ ŋeku gobuŋ. Una tatariineo jeribari ropekiine ebuŋ. Ronekoŋ moreŋ buroineo gosa 40 ore so kambaŋ akoyaŋuŋgo peku wareru gobuŋ, oi manesuku jeriebuŋ. Lew 23.33-36, 39-43; Dut 16.13-15

Faithful buŋo goine: bose-qosembeine tomiri, bebetaŋine tomiri dimaku yameŋ keku baku akoŋ baga, poretiŋ gio baga, mamanesiŋineji so gbaŋiko qiŋ keru dimaga

qiŋ keru baega, dimaku sanaŋgaga,

Oogo kamasi buŋo fiine soine miko fukegayoŋ, foriine tomiri.

Agiburande furi oi kabata.

dukuŋ beukoro, ŋonesase. Moji yaine pega, oi goine yoŋore boroiŋga yareiŋgo takigame iŋoyoŋere akoŋ sabareega. Oi wiriine akoŋ (generous) mata.

kudi qaku, ŋonesase. Yaine (moreŋ, uqo, obu, yo, pi gio) pe foregayoŋ, jibu goine yoŋoreone oi jikigaru raugaiŋgo sase eega. Iŋoyoŋere bojiqojibu eebeminde maneega. Ya sosowo iŋoyoŋunde akoŋ raugaiŋgo biabia maneega. Ef 4.19 Ya pe tegayoŋ, jibu oi jikigaru bojiqojibu roiŋgo yameŋ keega. Goine so manesu yabeegayoŋ, iŋoyoŋunde biŋeji sogueiŋ ore jigo qaega. Oi kantri sosowo noŋunde yobiŋ qoruine.

ŋoneaŋi manega, ŋoneru aŋiine manega

more ya robemiŋ ore sase ega

Goine eadu yabeiŋ ore so maŋgboroŋine soguine pe tega.

Moji ogoineji odureru fiaru touŋmoriri fiine bofukeko iŋore eru manesembe maneega. Buŋo mimiji nadureme gadureboŋ, buŋo kipoŋ miku ŋadiqoqo ega, more eru maŋine qaga.

Ŋiŋigo sosowoji mande gio oi me oi baegobi. Goineji gemokaku bomunaŋ yareniminde gio baegobi, ore tinaine animism. Maslim, Hindu, Komyunist eru kubu goine yoŋoji mamaneyaŋunde so mande gioyaŋuŋ baku maŋkekerisiere kekegbore (religion) eegobi. Puto gio yoŋo oi mamaneyaŋunde so baegobi. Kokoineji Anuture buŋo eru morende mamane goine oi qodure yapebi jijibu fukeega (syncretism).

Kristo oŋuine goiŋ ore eru ba gborega, Anuture gogo sanaŋine kegborega, Anutu biŋe buŋoinere so gogo gbagbataeŋine goga, Anuture biŋeo furu goga. 2 Pi 1.3

Adam eru Ewa yokoji seŋgiŋbaŋgiŋ moreŋgo goku jeribari eru agiburaŋ ebire Anutuji yobe yapeme rakabuyoŋ, jiki maŋkekerisie yoŋoji Sombuŋgo roperu seŋgiŋbaŋgiŋ kaeo gonimiŋ.

yauraine gogo, Anutu ŋadi gaku gogo, noŋunde aŋigo gogo, gogo wuwunuŋineke.

kome kae (maŋkekerisie yoŋore kome kae), komere misoŋ kae (maŋkekerisiere yauraine yoŋore kome kae)

Salfa ko yoŋuŋine oi rigabi boruŋ sanaŋine jako kouine sembene fukeega. Oi soine bopisigabi paora fukeko oiji yagaŋ tebere korunde paora baegobi.

Jikigaru goiŋgo embimbiŋgabemiŋ. Oŋu manesuku manemeja maneru koŋkoŋ soguine manega.

Goine yoŋore jiŋo maio posiine fukega.

Uqo sauesaueine goji qaga. Gio rauine oŋga wosibeneŋ gio ŋiŋigo bofuke yabeko raru foriine ro qojuganimiŋ. Mat 9.37-38

Moroji ŋiŋigo mo kesueko jiŋoine kerisieme sasako iru ŋonega.

Maŋine mobeine sowo (buŋoji me mosi goineji) kerisiegayoŋ, foriine tomiri. Skin kristen yoŋo maŋ raŋgbaŋineo gogobi. Yesuji buŋo sanaŋine yobu oiji miyareya. Mat 23; Mat 6.2, 5, 16

(mande) koŋkoŋ, (sakire) ŋeriŋetataŋ, joiserereŋ,

Buŋoine mimipaŋ buŋoji mi sanaŋgaga. Buŋo oi odurekimiŋ ore so mata. Mat5.33-37

Nonji Anutu gore Ofoŋ fukego. Noŋ usuŋneke gogo ore eru ŋadi nuegobi, yoŋore agiburande geo oi ŋaso odumade eru osigidapuyaŋuŋ bokirie yareebemiŋ. Oŋuakoŋ ŋiŋigo kubuine kubuine maŋyaŋunji jojoko enareru buŋone reŋgaegobi, yoŋo mifia yareebemiŋ.

Ya ebeminde buŋo kipega. - God’s will: Anuture maŋ aŋi.

Ŋiŋigo oŋuine oi Israel eru kantri sosowoji afaine mata gogobi.

Niŋoreone goineji maŋnoŋuŋ kerisiebeneŋ goineji jikigaru maŋkekerisiere yaura gogobi.

Buŋore nigiŋ me nigiŋ mogone keŋgoroŋgaya. (Free men and) slave: (goineji yoŋoyaŋunde gio babi goineji) rauyaŋuŋde kiŋaŋ mo qaegobi. Kiŋaŋqoqo rauineji ŋiginji kipeme kiŋaŋine furiine tomiri mo qaku wakiqoqoine fukega. Gal 5.1

Monde manji yobiŋgame ogoineji beufi qa teme sagaga. Flm 7, 20

Aŋi sanaŋine goine oi fiine, goine sembene fukega. Oi bomukubi maŋyaŋunji tariga.

gbedigaru noigoi eru migobobo mi manegobi Apo 6.9, gbedioosoe buŋo babokiri mibi roperu wakiega Apo 9.29

maŋqoqo buŋo gomogofo minorega 1 Pi 2.23

Monde manji fiaiŋ ore janjaŋbumbuŋ oderu buŋoine yameŋ keku boyobega. 1 Kor 7.32

yare eru maŋineji sembeako quŋgaga, mamanesiŋineji gbaŋiru wakiga.

(from generation to generation) 1 Tes 2.2

sanaŋgaru baga, fuŋgaru qaga

Oi Satande tina mo.

Joma sembene gieŋ kaneŋ oŋuine. Joma mimiine (giant) oi qembibi tatariine.

Anutuji oŋu so eega. Maŋine poretiŋ, kikoine tomiri.

Buŋo ore ogoine oi keta, yaurasa, nomenika, baboŋori, qoŋimaŋ, keketataŋ. Bara 15.1

Oŋu me oŋu minde iŋoji afagaru qoqomuku buŋo miega.

yabaine,

iŋoyoŋe akoŋ, yoŋekoŋ - tumoqoqo (public)

Yoyokaji moko gio babu renji qodure yatega. Begi oi bulmakao yoyokare ubeyakuŋgo ruaru kipebi oiji kereta me kiju poregobire.

Ronekoŋ papiare fuŋine so bofukeru gobuŋ. Quraŋ oi lama sakigo quraŋgaru maŋgeŋgaru poporiŋgabi. Sakibe yoŋoji oi kiaŋ egu osenimiŋgo ore goineji oi sopu oŋuine mogeji kiperu soi moge oiji bakatebuŋ. Moji oi sumuŋgaru kesuqosugako ore fuŋine bofukebuŋ.

2 Pi 2.15; Jud 11 Balam oi kajeqouŋ ŋi mo. Jiki puto gio manjo ŋi fukeya. Damaŋ mogo Moab moreŋ yoŋo Israel kufufuŋ rosi eyarebuŋ. Yoŋore kiŋ koito tinaine Balak Zipor madeine iŋo kiŋaŋqoqopuine sore yabeme Balamdeo wareru buŋoine iŋi mibuŋ, “Goji Israel kufufuŋ qaiso yabende afagaru yabebeneŋ wakinimiŋ.” Oŋu miku kiŋ koitoji moneŋ oteiŋgo mibuŋ. Oŋu mibi rone qaiso yabeiŋgo igogaru takigayayoŋ, jikigaru jiji buŋoji rauko monende aŋi maneru gbaŋiru jibugaru maŋmoakoŋ eru Israel moreŋ ŋoneiŋ ore tuku mogo ropeiŋgo eya. Oŋu fukeko Anuture maŋ rigaŋgame kadio doŋgi paiineo ŋeku rako mimerereŋine soreme wareru kadi kiperu dimaya. Doŋgiji oi ŋoneru egu komeinde kokoi maneru jikigaru raiŋgo embimbiŋgako Balamji mimerereŋ oi so ŋoneru maŋine rigaŋgako doŋgiine ŋoŋoruji qaya. Qako mi mauineji aŋgame moreŋ ŋire buŋo miku Balam miteya. Anutuji Israel kufufuŋ mifia yareko gobuŋ, Balamji oi maneru rone qaiso yabeiŋgo takigaru jiki oi jibu esoigaru embimbiŋgaya. Jare gaŋ 22–24, Bara 2.14

Jud 11. Kora ŋi oi Israel mineboboyaŋuŋ fukeko Moses Aron qomuku yateru oyowo ebuŋ. Ore eru Anuture maŋ rigaŋgako moreŋ igoko koru roko aŋgame koru yoŋ fukeko Kora eru ogopuine buŋoqoqo sosowo oi oo ŋeririkeru rakabi gbaga yabeme sibirigabuŋ.

Luk 4.27 Naman oi Siria kantrire mamari siŋaŋ qoruine. Iŋoji damaŋ mogo wako jebeji bame kajeqouŋ ŋi Elaisare biŋe maneru Juda yoŋore moreŋgo wareru Elaisaji sakiine ba posikeiŋgo weuya. Elaisaji oi Jordan obu rendaineo raru obu rauko ateine sewen fukeiŋgo mitiga teme maŋyoka bokeru reŋgaru oŋu eko sakiineji posike foreya.

Noŋ nakene usunji Yesu Kristo manesiŋ garu iŋoke qakatobemiŋgo embimbiŋgaegoyoŋ, Moro Tiriineji Biŋe buŋoji kepore nuru maŋne bapakareru bataniŋga nareega. Iŋoji Yesureo oŋga nareko manesiŋ garu gbagbataeŋine fukeru Anuture odumade fukeru gogo. Moreŋ so Kristore kufufuŋ gogobi eru niŋo oŋuakoŋ iŋi enoreega: Kepore noberu qodureru maŋ gbagbataeŋine banoberu Kristo Yesureo jiki nobeko maŋkekerisie kufufuŋ motoon fukeru gogobeneŋ. Oŋu gobeneŋ Moro Tiriineji noŋ eru ŋiŋigo gbagbataeŋine sosowo noŋunde agiburaŋ ateine ateine yauŋmoririineji jure noreega. Oŋu goku damaŋ tatariineo noŋ eru komebuŋ, niŋo bogbore papakare noberu Kristore maŋkekerisie ŋiŋigo sosowo gogo sanaŋine tatariine tomiri biŋe qa nore foreiŋ. Buŋo oi foriine yobu noŋ manesiŋ gago. Jon 16.13a; Ef 4.4-5; 1 Kor 3.16-17; Joel 2.28-29