2
A Capa Kah Im Luei
1 Clt 4.25,26Ba ham lae namtom rhoek khopo uh tih
a poeyoek la namtu te a taeng uh?
2 Diklai manghai rhoek,
boeica rhoek loh thikat la tingtun uh,
BOEIPA neh BOEIPA amah kah Messiah te a pai thil uh tih,
3 “Amih kah kuelrhui te bawt uh sih lamtah,
mamih pum kah rhuivaeh voeih pa sih,” a ti uh.
4 Vaan ah aka ngol Boeipa loh
amih te a nueih thil tih, a tamdaeng,
5 Te vaengah a thintoek neh amih te a voek tih,
a thinsa neh amih te a let sak.
6 Te dongah kai loh kamah kah manghai te
kamah kah Zion tlang cim ah ka hol coeng,” a ti.
7 Clt 13.33; Heb 1.5; 5.5BOEIPA loh kai taengah,
“Nang tah kamah ca ni,
Tihnin ah kai loh nang kan sak,”
a ti oltlueh te ka doek ni.
8 Kai taengah ham bih lamtah
namtom boeih te na rho la kam paek vetih,
na khohut loh khobawt khole a pha ni.
9 Olp 2.26,27; 12.5; 19.15Amih te thi caitueng neh na talh vetih,
amsai kah hnopai bangla amih te na phop ni.
10 Te dongah manghai rhoek lungming la om uh saeh.
Diklai laitloek rhoek toel uh laeh.
11 BOEIPA te hinyahnah neh, omngaih neh,
thuennah neh thothueng uh.
12 A capa te mok pah, a thintoek ve,
Mikpalap kah a thintoek loh n'dom vetih
longpueng ah na milh ve.
Anih dongah aka kuep boeih tah a yoethen.