1 Nakama ipupwa. Kamongo lakandamana.

Anatumi namwa kyawa minyuo karenge dokonasuu pyao rae maiyuo kenane pyamana.

2 Namwa banya lenge kambu silyamo dokona karo sangyu lao rae maiyuo

kenane rae wakasa maiyuo pingi dupwame pyao baa lakandamana.

3 Kamongo baa doko Anatu porai ingyuo karamo.

Dokona lao baa kiŋi mupwa isame bange wasisi anatuŋu lao dupwa nyuo isa palyuo karamo.

4 Kananda koko dorenapiso yuu kyau ama ketae dokona pao

baame yuu muu dupwa peparae iso karamo.

5 Yuupi ipwa kotape baame wasiya dolapo range iso karamo.

6 Namwa wapambu pii pyaro piso

Kamongo namwa wasiyamo dokolakandamana. Ipupwa.

7 Baa namwana Anatu.

Namwa banya wambu mena sipisipi dopale baame nenge joo rapu pyuo karamo.

Epapu dokonamwa peparae baame apa letamo lao semana.

8 Yuu muiyane dokona yuu kingi Meripa lengepe yuu Masa lengepe dolapona nakamana rakange kyawa dupwa

mona kana pokapala Anatupa male male lao kamba lao kareyami kande dokonakopalyuo pii nalapape.

9 Nakamame nambana yulu piyunu doko kando karapalape

namba alyungu mambu ingyuo minyuo kui leyami.

10 Ee kana akalisa kisima namba imbu singi nyakayami.

Nambame endakalipi yuu peparae kopetame suu pyao karenge, leyo.

Nambana nenge rambo lao piso karo pingi doko kamba lao mana nyii nalu nao nayami.

11 Namba imbu singi nyepala lalu lao lao,

Nambamoo pipya koo sela epa narami, leyo.