Yaubada ina madagina vau
21
(Nuwogau 21:1—22:5)
Yábana vau be poyapoya vau
1 Amo ikavava, yabana vau be poyapoya vau agitedi sisowóduwo.† Ais 65:17, 66:22; 2Pi 3:13. Bogina kuyagoi. Gimi yábana be gimi poyapoya bogina sitagau. Négwasa nakae itagau, geya tuwaina tagitegite. 2 Niga asa kimaasabaina nakae agite moe Yerusalema vau go, asayana Yaubada yábana goi isou imamaima.† Nuw 3:12. Asayana bogina ivapase tonai vavina nakae bego monena ivalobode.
3 Amo ikavava, níyana tayamo kébana esaaesaina goi anove kana,
‘Kunōve!
Yaubada ina Kaba Kaiyaka tomota yaidi goi ikaaiyaka.
Tuwo yaidi goi bei ikaaiyaka.†a Tat 25:8, 33:7-9, 40:34-35; 2Te 6:18; Isi 37:27, 48:35; Sak 2:10; Mad 1:23; Iyo 1:14; 1Ko 3:16, 6:19; 2Ko 6:16; Ibe 3:6.
Kidi go tomotayadi bei ina bodao go,
iya bei idi Yaubada; tauyadi taiyao sikaaiyaka.†b Vin 26:11-12.
4 Mataiudi bei isekukudi.
Ámasa, nuwomou, táiya be nakae gedageda
geya tuwaina sikaaiyaka.†a Ais 25:8, 65:19; 1Ko 15:26.
Amo sinapuyadi aiyako bogo ana sinapu go,
aiyako bogoyana bogina ikavava.’†b Ais 35:10; 2Ko 5:17.
5 Niyanayana ibóbwara ikavava, kébana esaesainayana ana totulagalaga idigo kana,
‘Kunōve! Dogoi liliudi ayolimemmneidi.’
Tuwaina kana,
‘Livalayadi aba numisa be nakae mooitamoidi, tauna kuginīdi.’
6 Tuwaina kana,
‘Amo bogina ikavava! Yau Totukumgo be Totumliya,‡ Totukumgo be Totumliya: Livala ana talígava Nuwogau 1:8 goi kugīte.†a Nuw 1:8, 22:13. Aba Vatowo be Aba Lukavava.†b Nuw 22:13. Avatauwa neta dava sikámasa, bwae ma yawoina bei avinibesoidi.†c Ais 55:1. 7 Avatauwa neta sitogaga,†a Nuw 2:7,11,17,26, 3:5,12,21. moe dogoiyadi bei sibabanedi be nakae yau bei tauyadi idi Yaubada go, tauyadi bei avanatunedi.†b 2Sa 7:14; Sam 89:26-27. 8 E kidi go atedi taameyaidi, kidi idi numisa silawoiwoiye, kidi aba kalagíwala siguuinuwedi,‡ Aba kalagíwala siguuinuwedi: Ame nakae sinapu igoyo toina Yaubada matana goi. Sinapuyana moe nakona yaubada polapola yaidi sisakululu. kidi tokaumata, tomasisi goyogoyo, toroerata, tomeméyava, tobowou, yaubada polapola adi tosakululu be nakae topola liliudi.†a 1Ko 6:9; Nuw 22:15. E ame tauyadi bei sina yeu sabeninimina gagaina toina nakae poiseni mokauna dadavina, moe ámasa aiyuwoina.’†b Nuw 19:20, 20:10,14-15.
Yerusalema vau ana kaigigita
9 Amo ikavava, aneroseyadi ainima aiyuwo boi gedageda ma nokoidi ainima aiyuwo adi tokavalayao tayamo yaidi ima ilatuwokoigu idigo kana,
‘Kūma! Bei Lami ana tonai vavina avatulukoim.’
10 Tuwo Baloma Kimaasabaina iyoisigu, e aneroseyana ima ikabigu itukoegu kana koya gagaina toina dabana goi. Amoko goi Yerusalema kimaasabaina ivatulukoigu;† Isi 40:2. asayana Yaubada yábana goi isou imamaima. 11 Asayana yaina goi Yaubada ana káeyana tomoeeyalina ikaaiyaka go, asayana ina yama gurewa esaesa yoina diyáspa nakae o gerasi maavadaina nakae inamanámala. 12 Ana kali gurewa ituko ina gagaina. Ana kaba siu adi badabada yawou aiyuwo go, aba siuyadi tamo tamo goi anerose sikaaiyaka be nakae tamo tamo goi Isileli tubunao adi dala yawou aiyuwo yoidi tamo tamo siginidi, tauna aba siu tayamo, you tayamo.† Isi 48:30-35. 13 Go aliyana goi bomatu dadavina aba siu aito, yawéyana dadavina aba siu aito, youya dadavina aito be nakae koiboga dadavina aito. 14 Asayana ina kali gurewa ana lasáuna yawou aiyuwo go, lasaunayadi yaidi goi Lami ina vamoleyanayao yawou aiyuwo yoidi sikaaiyaka.
15 Aneroseyana boi ilatuuwokoigu nimana goi aba valivaliva goura ikavale bego asayana ana kaba siu be nakae ana kali gurewa ivalivelivedi.‡ Ivalivelivedi: Ame nakae iguinuwe bego tayagoi asa gagaina.† Isi 40:3. 16 Asayana kootavaina, tauna dadavavasi. Ana mamanao be ana papaeva sivavasa. Aneroseyana ina kaba valivaliva ikabi, asayana ivalivelive. Ana mamanao be ana papaeva be ana tukotuko madabokina sivavasa, moe tu tausani poa andedi kilomita (2,400).‡ Tu tausani poa andedi kilomita: Da Giriki niyadi kadi, ‘Tuwero tausani (12,000) stadia.’ Tauna dadavavasi talamgogoidi moe wan andedi potipoa tausani (144,000). Go tayamo stadia moe 187 mita o ova ana badabada 122. 17 Asayana ivalivelive ikavava, ana kali gurewa ivalivelive ame nakae: Ana tukotuko moe aba katugúyala ana badabada wan andedi potipoa (144). Moe tomota ina kaba katugúyala goi ivalivelive go, anerose ana kaba katugúyala moe tomota ana kaba katugúyala nakae. 18 Ana kali gurewayana ana madágina moe gurewa esaesa yoina diyáspa goi siláui. Go asayana sinaena madabokina goura maavadaina nakae gerasi maavadaina.† Ais 54:11-12. 19 Go ali gurewayana ana lasáuna adi pasapasa moe gurewa esaesa liliudi.
Lasáuna vakuumgoina ana pasapasa moe diyáspa vakalakalaoina.
Lasáuna aiyuwoina ana pasapasa moe sapaire buruu.
Lasáuna aitonina ana pasapasa moe ágeta vakalakalaoina.
Lasáuna aivasina ana pasapasa moe emeradi vakalakalaoina.
20 Lasáuna ainimaina ana pasapasa moe anikisi kalaakovina be poowouna.
Lasáuna ainima tayamoina ana pasapasa moe kaniliani kayakayaina,
Lasáuna ainima aiyuwoina ana pasapasa moe kwatisi yaoyaoina.
Lasáuna ainima aitonina ana pasapasa moe beleli vakalakalaoina.
Lasáuna ainima aivasina ana pasapasa moe topasi vakalakalaoina
Lasáuna yawouna ana pasapasa moe kelasedoni vakalakalaoina
Lasáuna yawou tayamoina ana pasapasa moe diyasinta dimówana kalaakovina nakae
Lasáuna yawou aiyuwoina ana pasapasa moe ametísta kalaakovina.
21 Go aliyana ana niboda yawou aiyuwo moe paku esaesa gagaidi yawou aiyuwo, tauna niboda tayamo, paku tayamo gagaina. Go asayana ana kenao madabokina goura maavadaina nakae gerasi maavadaina.
22 Ago asayana agite, geya tayaamo Vada Kimaasabaina ikaaiyaka unana asayana madabokina goi Yauwe Yaubada Tokalika be nakae Lami sikaaiyaka. 23 Toni kasa geya latuwodi níyala be tukówana bego sitapasigidi. Moitamo. Yaubada ana káeyana tomoeeyalina itapasigidi o tadigo kada, ‘Lamiyana moe toni kasa idi rampa.’† Ais 60:19-20. 24 Tuwo ina mavada goi tomota liliudi bei siiketoiya go, kidi poyapoya ana tolovinao idi esaesa aba taimámina bei simedi asayana goi.† Ais 60:3. 25 Go aba siuyadi maliyalina goi geya sikatunibodedita, geya toina. Moitamo. Amoko goi tuta liliuna iimavada maliyalina nakae unana sabamgo geya.† Ais 60:11; Sak 4:7. 26 Totuyoyowo idi esaesa aba taimámina be konadi kaausaraidi tolovinayadi bei simedi asayana sinaena goi. 27 Go tomota ma baailidi, tomota kaga aba kalagíwala siguuinuwedi be topola nakae asayana goi geya sisiusiu. Avatauwa neta yoidi Lamiyana ina buki yawana vata manuna†a Pil 4:3; Nuw 3:5, 13:8, 17:8, 20:12,15. goi bogina sikaaiyaka, e aditava madi tagona sisiu.†b Ais 52:1; Isi 44:9; Iyl 3:17.
†21:1 Ais 65:17, 66:22; 2Pi 3:13.
†a21:3 Tat 25:8, 33:7-9, 40:34-35; 2Te 6:18; Isi 37:27, 48:35; Sak 2:10; Mad 1:23; Iyo 1:14; 1Ko 3:16, 6:19; 2Ko 6:16; Ibe 3:6.
†b21:3 Vin 26:11-12.
†a21:4 Ais 25:8, 65:19; 1Ko 15:26.
‡21:6 Totukumgo be Totumliya: Livala ana talígava Nuwogau 1:8 goi kugīte.
†c21:6 Ais 55:1.
†a21:7 Nuw 2:7,11,17,26, 3:5,12,21.
†b21:7 2Sa 7:14; Sam 89:26-27.
‡21:8 Aba kalagíwala siguuinuwedi: Ame nakae sinapu igoyo toina Yaubada matana goi. Sinapuyana moe nakona yaubada polapola yaidi sisakululu.
†b21:8 Nuw 19:20, 20:10,14-15.
†21:10 Isi 40:2.
†21:12 Isi 48:30-35.
‡21:15 Ivalivelivedi: Ame nakae iguinuwe bego tayagoi asa gagaina.
†21:15 Isi 40:3.
‡21:16 Tu tausani poa andedi kilomita: Da Giriki niyadi kadi, ‘Tuwero tausani (12,000) stadia.’ Tauna dadavavasi talamgogoidi moe wan andedi potipoa tausani (144,000). Go tayamo stadia moe 187 mita o ova ana badabada 122.
†21:18 Ais 54:11-12.
†21:23 Ais 60:19-20.
†21:24 Ais 60:3.
†21:25 Ais 60:11; Sak 4:7.
†a21:27 Pil 4:3; Nuw 3:5, 13:8, 17:8, 20:12,15.
†b21:27 Ais 52:1; Isi 44:9; Iyl 3:17.