1-4  * 1:1–4 DavidDaypittja liŋguna worruŋuyinana, galki ŋayi yurru rumbal‐winya'yunna, ga bitjanana liŋgu ŋayi ŋuli ŋorranha nhinanha bala'palaŋurana.

5-6 Ga ŋulinyaramirriyuyi nhanŋu maḻamarr gäthu'mirriŋu † 1:5–6 AdonijahWatanatja yäku ḏukṯukthina, ŋayi yurru ŋayina buŋgawayirri. Yurru ŋayi ŋunhi Watanatja ḻatju' ŋayi dhika rumbalnydja, ga beŋuru bili yana ŋunhi ŋayi yutjuwaḻaŋ'ka yana ḏarramu, ŋayi ŋuli djämanydja yukurranha nhanukiyingala ŋayi djälyu, ga bäpa'mirriŋuyu nhanukala Daypitthunydja yakana ŋuli ŋanya ḏaḏawmaranha ŋuliŋuru yätjŋurunydja malanyŋuŋuru.

7-10 Bala ŋayi yana Watanatjayunydja garr'yurrunana marrtjina nhanŋuway ḻundu'mirriŋunhana walalanha, ga ŋathana ŋayi gurrunhara dhaŋaŋnha dhika walalaŋgu ḻukanharawu. Ga bitjarrayi liŋgu ŋayi gawaw'yurruna bala nhanukiyingala ŋayi wäŋalilinydja märraŋala ŋurru'‐ŋurruŋunha dhika buŋgawamirrinha yolŋu'‐yulŋunha ŋunhimalayi ŋathawu ḻukanharawu, ŋunhinha yana walalanha ŋayi garryu'‐garryurrunanydja ŋunhi walala nhanukala gali'kurru. Yurru yaka ŋayi garr'yurruna ŋanya wäwa'mirriŋunhanydja nhanŋuway ŋayi ‡ 1:7–10 SolomonDjalamannhanydja, ga ŋanya § 1:7–10 NathanNaythannha ŋunhi djawarrkmirrinha, ga ŋunhinha walalanha ŋunhi walala galkiŋuwuy wal'ŋu djäkamirrinha walalanha nhanŋu giŋgu.

11 Ŋayinydja ŋunhala Naythandhunydja ŋäkulana, bala marrtjina ga ḻakaraŋala * BathshebaBatjipawuna, Djalamangalaŋuwu ŋäṉḏi'mirriŋuwuna, waŋananydja ŋayi bitjarrana gam' nhanukala ŋurikala, “Watanatjanydja ḏukṯukthina ŋunhi ŋayipi yana yurru buŋgawayirri dharapulŋura Daypitkalanydja, yurru Daypittja ŋunha dhuŋa yukurra yana nhina, yaka ŋayi ŋäkula ŋula. 12 Ŋunhi yurru ŋayi Watanatjanydja buŋgawayirri ŋurruŋuyirri, ŋayinydja yurru buma rakunygumana nhuŋunydja yothu'nha waku'mirriŋunha Djalamannhanydja, ga nhunanydja. 13-14 Nhämirri nhe ŋuli marrtji bala giŋgalanydja, ga waŋi biyakunydja nhanukala, ‘Nhe ŋäthilinydja dhawu'‐nherrara ŋarranha muka, ŋunhi boŋguŋu ŋarraku waku'mirriŋu Djalamandja buŋgawayi nhokalanydja dharapulŋura. Ga nhäkuna ŋunha ŋayinydja Watanatjanydja buŋgawayirri yurru?’ bitjarra.”

15-19 Bala ŋayi marrtjinana Batjipanydja, ga waŋana yukurrana Daypitkala bitjarrayina, “Nhokala gäthu'mirriŋuyu Watanatjayunydja yukurra ŋathana ŋunha ŋäthilimirriyama, ga garr'yunna marrtji yolŋu'‐yulŋunhana ŋurru'‐ŋurruŋunhana, märr yurru walala ŋanya ŋurruŋukumana giŋgumana, yurru ŋayi yaka warray garr'yurruna ŋanya Djalamannhanydja. 20 Daypit, nhenydja dhuwala ŋurruŋu muka, ga ŋunha yukurra bukmaktja † IsraelYitjuralpuyŋunydja nhuŋuway yana galkun, walala yukurra ḏukṯukthirrinydja nhuŋu, nhe yurru ḻakarama dhunupamirriyamana, yol nhokala dharapulŋuranydja yukurra yurru dhärra. 21 Ŋuli nhe yurru yakanydja ŋula waḏutja ḻakarama, walalanydja yurru buŋgawakuma ŋunha Watanatjanhana, ga bumana walala yurru ŋarrakunydja waku'mirriŋunha Djalamannhanydja ga ŋarranhay.” Bitjarranydja yukurrana waŋana ḻakaraŋala Batjipayu.

22-27 Ga ŋulinyaramirriyu liŋgu Naythannha burr‐way bunana ŋunhili, ga ŋayinydja ḻakaraŋala ŋunhi yana liŋgu waŋgany dhäwu.

28-34 Bala ŋayinydja Giŋdhunydja ḻakaraŋalana yukurrana ŋurikala yolŋu'‐yulŋuwalana bitjarrana gam'. “Gäŋa ŋarraku gäthu'mirriŋunha Djalamannha lili, ga wapmaraŋa ŋanya ŋal'maraŋa ŋarrakala yarraman'lili. Nhuma yurru ḻiya ŋanya biḏi'yurra weyika'yu, ga yolŋu'‐yulŋuwunydja biyaka ḻakaraŋa, ‘Dhuwalana gay' Djalamannha giŋdja yurru ŋilimurruŋgu.’ Ga bopthurrana yiḏakinydja malanha, ḻiw'maraŋa yukirriya marrtjiya dhukarrkurru, märr yurru bukmaknha yolŋu'‐yulŋunydja marŋgithirri. 35 Bala liliyi ŋanya roŋiyinmaraŋa, ga nherrala ŋunhina wal'ŋu garrwarlilina, ŋarrakalaynha dharapullili nhinanharawunydja. Ŋarralaynha gäthu'mirriŋu Djalamannha yana ŋunhi ŋarrapi wal'ŋu djarr'yurruna ŋanya, ŋayipi yana yurru yukurra malanydja ḏälkuma Yitjuralpuyŋunhanydja ga ‡ JudahDjudanha bäpurru'nha.” Ga bitjarranydja yukurrana ŋayi Giŋ waŋana Daypit.

36-40 Dhunupa walalanydja yana dhäruktja ŋanyapinyay märraŋala ŋunhi nhaltjarra Daypit waŋana. Yuwalkthi walala ḻiya‐ŋämira weyika'yu Djalamannha, bala walala gäŋalanydja ŋanya yukurrana dhukarr‐ŋupara ḻiw'maraŋala, bopthurruna marrtjina dhika. Ga yolŋu'‐yulŋunydja bukmaknha dhika yiŋgathinana marrtjina märr‐yiŋgathinana, bitjarrana walala waŋanhaminanydja marrtjina, “Weyinŋuwuna wal'ŋu nhinanharawu giŋ ŋanapurruŋgu dhuwalanydja Djalamandja.” Yatjunmina walala marrtjina dhika yiŋgathina, dhukarr‐ŋupara malthurrunana marrtjina bala nhanbala Djalamanba.

41-44 Watanatjayunydja ga nhanukala ŋuriŋi ḻundu'mirriŋuyunydja walalay, walala ŋunhala ŋathana yukurrana ḻukana, ŋäkula warray walala rirrakay warray walalanha yulŋunydja, walala marrtjina yiŋgathina lili. Bala walala waŋanhamina bitjanminana, “Ga' ga'! Dhika nhä? Nhäku walala marrtji dhikanydja yiŋgathirri lili?” bitjarrana. Bur‐way walalambala ŋunhili dhäwu'mirrina, ga ḻakaraŋalana walalambala bitjarrana gam'. “Dhuḏitjnha dhuwala yulŋunydja bay'. Ŋunha Giŋ Daypitthunydja liŋguna buŋgawakuŋala Djalamannhana, ŋunhana ya' gäma yukurra ŋanya yulŋunydja, marrtji ŋayi yukurra yarraman'thuna, giŋgalana yarram'thu ŋuriŋi. 45-48 Liŋguna walala ŋanya ḻiyanydjaŋämira ḻiya‐ḻupmaraŋalanydja, ga yolŋu'‐yulŋunydja marrtji yatjunmirrina, ‘Djalamannha dhuwala ŋilimurruŋgu giŋdja,’ ŋunhana ya' walala marrtji yiŋgathirrina.”

Bala Giŋ Daypittja wirrkina goŋmirriyina, buku‐ŋal'yurruna yukurrana ŋayi Godkuna, ga waŋana yukurrana bitjarrana, “Wokthunna Garraywuna, bili gäthuranydja dhuwala ŋarraku gäthu'mirriŋunydja liŋguna giŋnha.”

49 Ŋunhi walala Watanatjawala ŋuriŋi yolŋu'‐yulŋuyunydja ḻundu'mirriŋuyunydja walalay ŋäkula ŋunhiyinydja, ga bena dhika walala beyaṉiyinyaminanydja; walala gaŋga'‐gathinana, bala yana wäŋgaŋalana gonha'yurrunana. 50-51 Ga ŋayi Watanatjanydja bitjarrayi bili wirrkina beyaṉiyina nhanŋu Djalamangu, bala yana ŋayi waṉḏinana bala ŋunhimala Garraywalana Buṉbulili, walŋakunharamina ŋanyapinyay ŋayi. Ga waŋananydja ŋayi bitjarrana, “Ŋarra yurru dhiyala yana bili yukurra nhinanydja, ga yana liŋgu ŋarranha yurru Djalamandhu dhawu'‐nherraṉ walŋakunharawu.”

52 Ga Djalamandhunydja ŋäkulana ŋurikiy, ŋayi waŋananydja bitjarrana, “Ŋuli ŋayi yurru ŋarrakuwaynydja malthun yukurra, ŋarrakalanydja gali'ŋura, yaka ŋarra yurru ŋula nhaltjan buma ŋanya. Ga ŋuli ŋayi yurru ŋarraku gali'‐nherraṉmirri, ga ŋurrkama ŋarranha, ga ŋunhinydja ŋayi yurru rakunydhirri warray.” 53 Bala yana ŋayi Watanatjanhanydja djuy'yurrunana‐wala yana. “Gatjala, marrtjiya wäŋalilina,” bitjarrana yana.