1 Weni tuna na Iso tupurereghina i varagutugutu (Iso kana vava sago na Edom).

2 Iso kakawana ruwa na Keinan wivine kii vava Ada (tuna ina mamai Elon ma kana dam Hiti) ma Olibama (tuna ina mamai Ana, ina doboro Sibeyon ma kii dam Hivi.) 3 Ma kana vi aroba na Basemati, ina mamai Ismayel ma novuna Nebayoti.

4 Ada ivi tuwa da natuna Elipas. Ma Basemati ivi tuwa da Rewel. 5 Ma Olibama ivi tuwa da natunatuna Jeyus, Jalam ma Kora. Weni tomotomowisi na Iso natunatuna, peyarisi na Keinan dobuna itupuwamakai.

6 Iso kakawana ma natunatuna tomotomowisi da wivinesi ma ina wawaya kudubina ma bade ina ghamoghamo ma aviyavisina Keinan dobunai iyamoyamoni na peyarina iviiya ma varesina Jeikap ikuyowei inae ku dobu sago. 7 Ikiibau inae iyamna nani dobunai imakamakai na dobu igisi ma ghamoghamo irakata da ke ruvaruvana da varesina yavata ita makii bubuna. 8 Ma vaghina Iso (kana vava sago Edom) inae da Seya koyasi tepanai imakai.

9 Weni tuna na Iso tupurereghina i varagutugutu, tuna na Edom damsi i kaekiki.

10 Iso natunatuna tomotomowisi kii vava na weni. Kawana Ada natuna na Elipas. Ma kawana Basemati natuna na Rewel.

11 Ma Elipas natunatuna tomotomowisi na Teman, Oma, Sepo, Gatam ma Kenas. 12 Ma bade bigabiga wavinena sago ivi kawanei, kana vava Timna, ma tuna ivi tuwa da natuna tomowina na Amaleki. Weni damsi na Iso kawana Ada tuputupuna.

13 Ma Rewel natunatuna tomotomowisi na Nayati, Sira, Sama ma Misa. Weni damsi na Iso kawana Basemati tuputupuna.

14 Ma Iso kawana Olibama ina mamai na Ana ma ina doboro na Sibeyon. Olibama ivi tuwa da natunatuna tomotomowisi ivi aroba, Jeyus, Jalam, ma Kora.

15 Dam kii kiikiivavo Iso tupurereghina kamonai kii vava na weni.

Iso natuna iyarokona Eripas natunatuna na kiikiivavo Teman, Oma, Sepo ma Kenas, 16 Kora, Gatam ma Amaleki. Weni tomotomowisi na Edom dobunai ivivi makiiyana. Peyarisi na Eripas tupurereghina, Ada tuputupuna.

17 Iso natuna Ruwel natunatuna tomotomowisi na kiikiivavo Nayati, Sira, Sama ma Misa. Weni tomotomowisi na Edom dobunai ivivi makiiyana. Ti na Rewel tupurereghina, Iso kawana Basemati tuputupuna.

18 Iso kawana Olibama natunatuna na kiikiivavo Jeyus, Jalam ma Kora. Weni kiikiivavosi na Ana tuputupuna.

19 Ma vaghina, nani kiikiivavosi peyarisi taviyavi ikovi na Iso natunatuna. Ma Iso kana vava sago na Edom.

20 Seya kana dam Hori ma natunatuna tomotomowisi Edom dobuna kamonai imakiiyana. Kii vava na Lotan, Sobal, Sibeyon, Ana, 21 Dison, Eseru ma Disan. Weni tomotomowisi na Seya natunatuna ma ti na Hori damsi i kiikiivavo.

22 Lotan natunatuna tomotomowisi na Hori ma Homam.

Ma Lotan novuna kana vava Timna.

23 Sobal natunatuna tomotomowisi na Aruvan, Manayati, Ebal, Sepo ma Onam.

24 Sibeyon natunatuna tomotomowisi na Aya ma Ana. Ana na ina mamai ina donki warereyai ikoyakoyaghisi ma nani kamonai vusira muyamuyana ipanani.

25 Ana natunatuna ruwa, tomowina na Dison ma wavinena na Olibama.

26 Dison natunatuna tomotomowisi na Hemdan, Eseban, Itaran ma Keran.

27 Eseru natunatuna tomotomowisi na Bilan, Savan ma Akan.

28 Disan natunatuna tomotomowisi na Usi ma Aran.

29 Ma vaghina, nani kiikiivavosi peyarisi taviyavi ikovi na Seya natunatuna, ti na Hori damsi. Kii vava Lotan, Sobal, Sibeyon, Ana, 30 Dison, Eseru, ma Disan. Ma Seya ina dobuwai kiikiivavo sagosago duma kii dam yavata imakiiyana.

31 Kunona ke wawaya sago kava iti kiivavo ghamana Israel damsi kubiisi. Nani marasiyai Edom dobuna kamonai na iyavo kava ivivi kiivavo na weni.

32 Beyo natuna Bela na Edom kubiine ivi kiivavo. Ma ina kwanatu kana vava Dinaba.

33 Bela ina rabobo murinai ma Jobabi kana gawara iviiya da ivi kiivavo. Jobabi ina mamai na Seraya ma i dobu na Bosera.

34 Jobabi ina rabobo murinai na Teman wawaya kana vava Husam ivi kiivavo.

35 Husam ina rabobo murinai na Bedadi natuna Hadadi ivi kiivavo. Tuna wawayina na Midiyan damsi ighegavovorisi Mowabi dobuna kamonai. Ma Hadadi ina kwanatu kana vava Aviti.

36 Hadad ina rabobo murinai na Samla ivi kiivavo. Ina dobu na Masireka.

37 Samla ina rabobo murinai na Sarul ivi kiivavo. Ina dobu na Reyobota, okowa baranai.

38 Sarul ina rabobo murinai na Akebora natuna Bal Anan ivi kiivavo.

39 Bal Anan ina rabobo murinai na Hadadi ivi kiivavo. Ina kwanatu kana vava Pau. Ma kawana kana vava Meyetabel, ma kawana ina maduwa na Matiredi. Ma Matiredi ina maduwa na Me Sayaba.

40 Weni kiikiivavosi na Iso tupurereghina kamosiyai ikiibau da kii dam ma i dobu nunusiyai ivivi makiiyana, kii vava tiyavi na weni. Timna, Aruva, Jeteti, 41 Olibama, Ela, Pinon, 42 Kenas, Teman, Mibesara, 43 Magidiyel ma Iram.

Ma vaghina, Edom damsi i kiikiivavo kii vava na tagirumi ikovi. Ma peyarisi i kaekiki na Iso.