1 Dutupa* Jet 49:36; Ese 37:9; Dan 7:2; Sak 6:5; Mt 24:31 piamo kandateopa dee enjele kitomendeme yuu pitakanya yangi yangipi denge kitomende dutupanya katapala, yuupi, solowata petepi, ita mendaipi mende popotaumi poo laa naena lao kaitini lyokatae kateami. 2-3 Dee* Ais 44:5; Ese 9:4,6; Pa 3:12; 9:4; 13:16; 22:4 enjele mendeme Gote lete katenge dokonya kongali pingi doko minao niki pyakaengesa-kaita lalyoo epea. Ipupala baame enjele kitomende yuupi solowata petepi dupa koyasina lao pupu lapae maitae kateamino dutupa kandao puu lao lamaiyoo, “Naimame naimanya Gotenya kendemane dupanya langalunya kongali petamana, nyakamame yuupi, solowata petepi, itapi dupa wambao koyasetala nayalapape,” lea. 4 Gotenya* Pa 14:1-3 kongali petae endakali Isataele tata dupa pitakanya itaki yaki doko taosene kingi itaka kingi ita mende-kisa dee kingi ita kitomende wakao kitomendeaka dupa kongali petae kalyaminona leamino sio. 5-8 Akali Juta tatapi, Lupene tatapi, Gate tatapi, Asa tatapi, Napatalai tatapi, Manasa tatapi, Simione tatapi, Lipai tatapi, Isaka tatapi, Sepyulane tatapi, Josepe tatapi, Benjamene tatapi, tata dutupanya taosene kingi ita mende-kisa dee lapoma lawaka kongali petae kateami.

9 Doko* Jen 15:5; Dan 3:4; Jo 12:13; Pa 3:5,18; 15:2-5* Pa 15:2-5 kandatala endakali kambu andake mende pyatae kateamo doko kandeopa, endakali mendeme kapa pao itaki napyapenge jia. Kambu piamino doko endakali yonge waka waka katengepi, pii wakale wakale lengepi, yuu dupa pitakanya endakali tata dupa pitakapi, dupa kiŋi petenge toko enombapa Sipisipi Yakane dokonya enombapa dolaponya kambu pyatae kateami. Dupame yonge pee kyoo lapae londe dupa pyoo ita pame lenge dokonya yoko dupa minatae kateami. 10 Dupame* Pa 4:2,10 puu lao lao pituu, “Naimanya Gote kiŋi petenge toko dokonya petenge dokopa Sipisipi Yakane dokopame naima pyoo nyingimbana,” leami. 11-12 Dokopa* Pa 5:12; 11:17 enjele dupa pitakame kiŋi petenge toko dokopi, isingi akalipi, opale lenge tenge kitomende dutupapi dupa kakopao kiŋi petenge toko dokonya enombasa tombauli sepala Gote tama pyoo dapa leami: “Kiningi etete, tama pingipi, tii pipaepi, etete masokondape pingi manapi, yaka pilino lengepi, andanda semaingipi, pupu lapaepi, kyoto joo katengepi dutupa tanga tangapi naimanya Gote doko-kisa soaka pena. Kiniaka,” leami.

13 Isingi* Pa 3:5,18 akali dupanya mendeme namba pisoo, “Yonge pee kyoo lapae londe pingi dupa apinipi? Anja katao epeamipi?” lea. 14 Nambame* Dan 12:1; Mt 24:21; Mk 13:19; Pa 1:5; 3:4; 22:14 baanya pii yanu pyakamaiyoo, “Nambanya akali andake, embameaka masilinona,” leo. Dopa leopa baame namba langyoo, “Dokaitame kenda pipae andake dupa nyoo katapala Sipisipi Yakane dokonya taiyoko dokome nyakamanya yonge pee londe dupa kaimbu piaminopa, yonge pee dupa kyoo lea. 15 Tenge* Pa 4:2,10 dokonya minao Gotenya isoo petenge toko dokonya enombasa katao kuka kotakapi baanya losuu anda etete epe dokonya baa lao lalyingima. Kiŋi petenge toko dokonya petenge dokome dupa-pipa awapa katao dokaitanya konambi joo katata. 16 Dopa* Wee 121:6; Ais 4:5-6; 25:4; 49:10 pitamopa dupa dee lopopi endaki nanupi nakayatami. Dee nikipi, itaita andake mendemepi dupa yangala nayataka. 17 Doko,* Wee 23:1-2; Ais 25:8; 49:10; Ese 34:23; Jo 10:11,14; Pa 5:6; 21:3-4 Sipisipi Yakane dokome Gotenya panda dokonya katapala dupa isoo laminao pao yalipa endaki lee kuingi dokonya tuu lata. Dopa pitamopa Goteme dupanya ee ipange dupa pitaka kunanya nepakamaitakana,” lea.