Luda yã takada kↄ̃n Bokobaru yão SAAMUNƆ 43

43

1 Ǹ ma yã nnaa kpáma Luda,

ǹ yã símao bori ludadↄ̃risaideenↄ yã musu,

ǹ ma bↄ gbɛ̃ zaa mↄnafikideenↄ ↄzĩ.

2 Luda, ḿbe ma utɛkii ũ,

bↄ́yãnzin n gimazii?

À kɛ̀ dia ń tò ma gↄ̃ tɛ́ kↄ̃n pↄsiaao

ma ibɛɛ wɛ́ɛtãmmana yãnzii?

3 Ǹ n gupura kↄ̃n n yãpuraao zĩma,

à dↄmɛ aɛ n kpiii musu,

à gámao ai n kúkiia gwe.

4 Mɛ́ gbasa mà gá n gbãgbãkiia Luda,

ma pↄↄ é kɛmma nna, Luda ma pↄnnaa,

mɛ́ n tↄ́ kpá kↄ̃n mↄrↄo,

Luda ma Luda.

5 Bↄ́yãnzin ma nↄ̀sɛ yàkazi?

À kɛ̀ dia ma làakari fɛ̀ɛɛ?

Mɛ́gↄ̃ wɛ́ɛ dↄ Ludazi,

zaakɛ mɛ́ ɛara màgↄ̃ à sáabu kpaamɛ,

ma Mìsiri, ma Luda.