Luda yã takada kↄ̃n Bokobaru yão SAAMUNƆ 14

14

Yↄ̃nkↄↄ yã'ona

Dauda lɛ̀.

1 Yↄ̃nkↄↄ è be a swɛ̃̀n Ludaa kuuro.

Gbɛ̃nↄ yàka, aↄ̃ yãkɛna zaa,

yãmaakɛri kee kú ń tɛ́ro.

2 Zaa musu Dii è gbɛ̃nteenↄ tàasi kɛ

à gwa tó gbɛ̃ke ↄ̃ndↄ̃ↄ kà à a kii wɛtɛ.

3 Aↄ̃ sã̀sã ń píngi aↄ̃ gↄ̃̀ dↄ̀rↄ sai míↄmiↄ,

yãmaakɛri kee kú ń tɛ́ro, baa mɛ̀n do.

4 Zaakɛrinↄↄ dↄ̃na vĩnloo?

Aↄ̃è ma gbɛ̃nↄ mↄ́mↄ lán ú bà,

aↄ̃è Dii sísiro.

5 Gwen vĩa ń kũn maamaa,

zaakɛ Ludaa kú kↄ̃n gbɛ̃ maaanↄ.

6 Wè kpá takaasideenɛ a pↄyezikɛnaa,

mↄde Diin à utɛkii ũ.

7 Luda, ǹ bↄ Zayↄn ǹ mↄ́ ǹ Isarailinↄ mì sí!

Tó Dii sↄ̀kpa kↄ̃n a gbɛ̃nↄ ń gwena ziin,

Yakubu boriinↄ é pↄnnaa kɛ,

Isarailinↄ é yáa dↄ.