1 Nubo ɗuce wo tum nangen mulangka dor digero wo tim ɗong ɗong more beu, 2 Nawo bou binen kang nubo wo kaba tom nuwe kanga nuweu kange cangatini kereu. 3 La yilam yarak tak minen wori min fuwam ɗigero wiyak ki kaba, nan mulang mwen ɗigero wo wank ki wank nii la ɗureu Tiyofila. 4 Nyori na mwi nyimon bilenke dikero ci merang mweneu. 5 Ki kumeni Hiridu liya Yahuda, nii wabe kange wi dendo Zakariya wo mwanlor Abija; Wice Alicabatu ken naniyak Haruna. 6 Gwam ce ci cak-cak ka kwama (ci manki) kurom mor werfun kange bidoti te luwe. 7 Dila ciman ki bwe wori Alicabatu Combilome, ri cin cirarangum gwance. 8 La kambo Zakariya ka kwama ma nangentini nii waberti wo bwangten cokka ce keu. 9 Ki nure ciki bwangten de naci cok nii wabe wo a wabtiyeu, la cin cok co ki dajen naci doken mor bi kur wabe Teluwe naci tui nuwanko ficange. 10 Mwerka nibe ko gwam kuob dilo ti kale ki kwama wo nuwanko ficangeu tui tiye. 11 La bwetomange Teluweu cer cinen lan tiken cattiyer tancilan ficanger. 12 Kambo Zakariya toceri, kwomco, la taito tanco. 13 Dila bwe tomange kwama yico “Cuware tai Zakariya, wori cin nuwam dilo mweu. Wi mwe Alicabatu an bo mwen bwe. Mwi Co dencero Yowana. 14 Mwan yikam ki bilangtum kange fuwor nere, la nubo kila a bilangti ki borcere. 15 Wori Canyi lan ki dur kabuni Te-luwe. Mani co no mwem bi tuittuibti kaka diker no karo kwam kwame, Catin din ki yiwa tangbe ko wucakeu mor fwiye nece. 16 Naniyak Iciraila ko duce wo a yila cuko Teluwe kwama Cenen. 17 Can ya kabum Teluwe mo yu wa tangbo kange bikwan Iliyak, Na yilau ki ner tebembo bibeyo nen kange wo bongi nyeu na ya mor nyomka cak-cake -na ci Ywel te luwe nin nubo wo ci cok cineneu.” 18 Zakariya yi Bwetanange wucake “Ma nyom dike wo nyi? wori min cele ri wimi coro kilam”. 19 Nii tomangeu wucakeu Ciya yicoki “Mo Jibrai'lu, wo tire kabum kwamau. Cin tomu ye nami yinen ker, nan bo mwen ki kero lomlome. 20 La to! Mwan yilam cōk, mani mwa dol tokka kere ti, dila diya dikero buro dimmeri ntimade. Wori mwi nebo bilenker ker miro nin, wo a diiti ki kwama dong-donge 21 La nubo ningtang Zakariya ti. Cin nyimangi wori cinti lenger mor bikur waber. 22 Dila ki kwa'ma ci ceruweri, dolbo yici ker. La ciin nyimom ki cin to dukum ki kwamawo ci mor bikur-wabereu. La cin nungkancinen ti ki kank worimani citok ker ti. 23 La yilam kambo kumeni nanger cero cume ri, cin cu lo co. 24 Kambo kume ni wo cumeri, wice Alicabatu tum fwer la cin yu rangum dorceri na cuwako nunge ce. Cin yiki, 25 “Wo lo diker kwama mamene kambo ci toye ki corciniyeu, naci tum kwenduwe miu ka nobe. 26 Ki ciwako nukkune, kwama tom nii tomange wuccake Jibrailu mor Cinanlor Galili ci coti ki Nazaret, 27 bubiya nin wo cine ken nii kange wo den cero Yucufu, wo naniyak Dauda, la bubiya dendo Maryamu. 28 Cin bow Cinenri ciki, “A Ysrumnen, mo wo fiya cini ducce! Teluwe wi kange mo”. 29 La cin kulongum duce, ki kercero la cin kwabi, ya rume ye wo. 30 Bwe tomange wuccake yicoki, “Cuware tai, Maryamu, wori mwin fiya cini kwama nin. 31 To, mwan tu fwed ri na mwi bo bwe. Mwa cun den cero 'Yecu'. 32 Can yilam nii dur la ci cuu ki Bibwe nii dur re. Teluwe kwama atin ne co kuti le liyare Tekwace Dauda. 33 Can ma liyar dor lo Yakubu diiri, Liyar cero manki dika”. 34 Maryamu me bibwetomange wuccake ki; “Dike wo a bwinyi la mi nyumumbo nii na bare wiyeu?” 35 Bibwe tomange kwaama ciya ri yi co ki, “Yuwa tangba kwamako an bow mwinen, ri bi kwan nii dur reu atin bow dor mwer. La wucakke wo mwi bo tiyeu a coki Bibwe kwama. 36 To, na niya mweko Alicabatu tu fwer ki ciraka ceko. Wo co cuwiyak ceko mukkune, co wo no ci cuoti ki combilomeu. 37 Di kero kange mani wo mani a mati kabum kwama”. 38 Maryamu yi ki, “To, min bubiya canga kwama. A yila men na tomange meu”. Dila bwe tomange kwama dob co. 39 Dila Maryamu kweni ki kume tini co wulom wulom yaken mor bi ten kongtini, yaken bi ten Yahuda. 40 Ciin yaken mor luwe Zakariya ri cin yarum Alicabatu. 41 Yilam kambo Alicabatu nuwa yarume Maryamu ri bwe mor fwe ce mokangi la Alicabatu diim ki yuwa tangbako wucake. 42 Ciin kung dir cero kibi kwan ciki, “Mwin nii bi bwiyere mor natube, ri nii bwiyere bwe wo mor fwiye meu. 43 Ye bwi wo fiya yenye, la ne Te luwe mi a bou ti mi nene? 44 La ta kambo diir yaru mer mwero bou tu miyeri bwe fwe. 45 Nii bi bwiyere co nawiye wo ne bilenke ki digero wo ciyi co fiye kwama wiye atin dii me. 46 Maryamu yiki “Dume miu caklang Te luwe 47 re, yuwa tangba miu bilangi kwama nii cyer yerenin. 48 Wori cin to cukka dorek bubiya canga ce. La to, nawo kange kab kaltini gwam a co yeki nii bi bwiyere. 49 Wori co, wo nii bi kwaneu, ma men digero dur, la den cero wucak. 50 Jire duwe ceu tii nyo kal ya ciko kaleu ki buro wo nuwa taicero tiyeu. 51 Cin nung bi kwancero ki kank cek, cin yalum buro ki kunka duwek keu ki dike ci kwati neer cere. 52 Cin cukkangum bi bei liyabbe dor kutile cero nin, la cin kungum nob fuebbo. 53 Cin cam ki nob wurabbo ki diketi no ken, dila nubo cuwe cuweu cin yoken ci kang kwicer. 54 Cin ne canga ce Iciraila tikali, nyori naci kwabi naci nung jire duwe 55 (Nawo ci yi tebbe beu) ciyi Ibrahim kange naniyak ceke diri. 56 Maryamu yi kange Alicabatu cuyako ta'ar ri cin yilaken lo co. 57 La kwama bou na Alicabatu a bom bwi bwece, la cin bou bwe bwayile. 58 Nubo bi dom kange ca kange na niyak ceko nuwa ki kwama nung cinen Jire duwe ce durko, la cin bilangi kange co. 59 La yilam ki diye naruberi cin bow naci mwatum lar bwero. Ciikin cuom co “Zakariya”, na den te cero. 60 Dila neele ciya ki o, onga. “A cuoco ki Yuwana” 61 Cin yicoki, “Nii kange man mor naniya kumek wo cico tiki dendo we”. 62 Cin nung tece ninki kang kambo ci cuiti naci ne co dendeu. 63 Tece me ci ya neco ter mulankar la cin mulangi, “Den cero Yohanna”. Cin nyimangi gwam dor dikero wo. 64 Dangjang dangjang nyi ceu wumom ri la biyen cero fiya cyer ka. cin tok ker la cin cak lang kwama. 65 Taito bou dor nubo gwam wo yim Cunga cekeu. Kerowo yalati gwam mor biten kongni Yahuda. 66 Nubo gwam wo nuwa ri, yoken mor nere ce, tokti ki “La ye bwewo a yila tiye?” La kang Te luwe ko wi kange co. 67 Tece Zakariya diim ki yuwa tangbe ko wuccake la tok ker dukumer, ki 68 “Caklanka fiye Teluwe wiye, kwama Iciraila, cin bow naci ma tikali la cinma nob cebo nin cerka. 69 Cin kung binek cume fuloka lo canga ce Dauda, 70 (nawo ci tokki nyi nob tomange ceu kwattiye), 71 fuloka nob kiyeb beu kange nubo wo kwerbo nyeu. 72 Can ma wuro naci nung, tebbe bo nin jire duwe ri la naci kwa nor cero wucak keu, 73 weri wo ci yii tebo Ibrahim. 74 Cii weri naci nebo co kambo ci cokum bo kange nob kiyeb bekeri, nabi bwangci nenten kibi kwan neret 75 mor wucakke kange cak-cake kabum cem ki kumetinibeu kale we nin gwam. 76 O, kange mo, bwe, ciya co nen ki bwe tomange nii durre, la mwan yaken kabum tikobe Te-luwe ri na mwi ywel nure ceu, na mwi ywel nubo ki boka ceko 77 na ne nob cebo nyom ka fulokak ki tab ka bwirank kerer cero. 78 Wo an bwi wori jire duwe kwama beu duwi kabo, wo kercer di filango ceru dii yeu atin bou na tikangbo, 79 na ne filang ki nubo wo yim kumta cilenen kange kakulok bwareke. Ca tin ma wuro na bwangten ki nabe ko mor nure lima nereke 80 La bweu dwi la yilam ki bi kwan mor yuwa tangba, la ciki no mor yere na nyimde diye ci ter cerkako yanglang Iciraila.