11
Birnǝqqǝ ǝmǝliy nǝsiⱨǝt
1 Nanliringni sularƣa ǝwǝt; kɵp künlǝrdin keyin uni ⱪaytidin tapisǝn.□ «Nanliringni sularƣa ǝwǝt... uni ⱪaytidin tapisǝn» — bu ayǝt bǝlkim dengiz sodisini kɵrsitixi mumkin; tǝwǝkkülqiling ⱪanqǝ qong bolsa, paydisimu xunqǝ kɵp bolidu; gǝpning yǝnǝ ⱨǝrhil kɵqmǝ mǝniliri boluxi mumkin. Baxⱪa birhil tǝrjimisi: «Neningni sular (dengizlar) üstigǝ taxla».
2 Bir ülüxni yǝttǝ kixigǝ, sǝkkizigimu bǝrgin; qünki yǝr yüzidǝ nemǝ yamanliⱪ bolidiƣanliⱪini bilmǝysǝn.□ «Bir ülüxni yǝttǝ kixigǝ, sǝkkizigimu bǝrgin; qünki yǝr yüzidǝ nemǝ yamanliⱪ bolidiƣanliⱪini bilmǝysǝn» — bǝzi alimlar, bu ayǝtmu soda-tijarǝtni kɵrsitidu, dǝp ⱪaraydu. Xuningdǝk uning birnǝqqǝ kɵqmǝ mǝnilirimu bolsa kerǝk.  ■ 2Kor. 9:10
3 Bulutlar yamƣurƣa tolƣan bolsa, ɵzlirini zemin üstigǝ boxitidu; dǝrǝh ximal tǝrǝpkǝ ɵrülsǝ, yaki jǝnub tǝrǝpkǝ ɵrülsǝ, ⱪaysi tǝrǝpkǝ qüxkǝn bolsa, xu yǝrdǝ ⱪalidu.
4 Xamalni kɵzitidiƣanlar teriⱪqiliⱪ ⱪilmaydu; bulutlarƣa ⱪaraydiƣanlar orma ormaydu.
5 Sǝn xamalning yolini bilmiginingdǝk yaki boyida barning ⱨamilisining ustihanlirining baliyatⱪuda ⱪandaⱪ ɵsidiƣanliⱪini bilmiginingdǝk, sǝn ⱨǝmmini yasiƣuqi Hudaning ⱪilƣinini bilmǝysǝn.□ «xamalning yoli...» — ibraniy tilida «xamal» wǝ «roⱨ» bir sɵz bolup, Sulayman muxu ayǝttǝ ⱨamilining baliyatⱪuda apiridǝ bolidiƣanliⱪi, ɵsidiƣanliⱪining ⱨǝmmisi Hudaning Roⱨi arⱪiliⱪ bolidiƣanliⱪini puritip kɵrsitidu (Injil, «Yuⱨ.» 3:1-8nimu kɵrüng).  ■ Yⱨ. 3:8
6 Sǝⱨǝrdǝ uruⱪungni teriƣin, kǝqtimu ⱪolungni ixtin ⱪaldurma; qünki nemǝ ixning, u yaki bu ixning paydiliⱪ bolidiƣanliⱪini wǝ yaki ⱨǝr ikkisining ohxaxla yahxi bolidiƣanliⱪini bilmǝysǝn.
 
Ⱨayat künlirini ǝtiwarlax kerǝk, ihlasmǝn boluxi kerǝk!
7 Nur xerin bolidu, aptapni kɵrüxmu ⱨuzurluⱪ ixtur. 8 Xunga birsi kɵp yil yaxiƣan bolsa, bularning ⱨǝmmisidin ⱨuzur alsun. Ⱨalbuki, u yǝnǝ ⱪarangƣuluⱪ künlirini esidǝ tutsun, qünki ular kɵp bolidu; kǝlgüsidiki ixlarning ⱨǝmmisi bimǝniliktur!
 
9 Yaxliⱪingdin ⱨuzur al, i yigit; yaxliⱪing künliridǝ kɵnglüng ɵzünggǝ huxalliⱪni yǝtküzgǝy; kɵnglüng haliƣini boyiqǝ wǝ kɵzliring kɵrgini boyiqǝ yürgin; biraⱪ xuni bilginki, bularning ⱨǝmmisi üqün Huda seni soraⱪⱪa tartidu. 10 Əmdi kɵnglüngdin ƣǝxlikni elip taxla, teningdin yamanliⱪni neri ⱪil; qünki baliliⱪ wǝ yaxliⱪmu bimǝniliktur.
 
 

□11:1 «Nanliringni sularƣa ǝwǝt... uni ⱪaytidin tapisǝn» — bu ayǝt bǝlkim dengiz sodisini kɵrsitixi mumkin; tǝwǝkkülqiling ⱪanqǝ qong bolsa, paydisimu xunqǝ kɵp bolidu; gǝpning yǝnǝ ⱨǝrhil kɵqmǝ mǝniliri boluxi mumkin. Baxⱪa birhil tǝrjimisi: «Neningni sular (dengizlar) üstigǝ taxla».

□11:2 «Bir ülüxni yǝttǝ kixigǝ, sǝkkizigimu bǝrgin; qünki yǝr yüzidǝ nemǝ yamanliⱪ bolidiƣanliⱪini bilmǝysǝn» — bǝzi alimlar, bu ayǝtmu soda-tijarǝtni kɵrsitidu, dǝp ⱪaraydu. Xuningdǝk uning birnǝqqǝ kɵqmǝ mǝnilirimu bolsa kerǝk.

■11:2 2Kor. 9:10

□11:5 «xamalning yoli...» — ibraniy tilida «xamal» wǝ «roⱨ» bir sɵz bolup, Sulayman muxu ayǝttǝ ⱨamilining baliyatⱪuda apiridǝ bolidiƣanliⱪi, ɵsidiƣanliⱪining ⱨǝmmisi Hudaning Roⱨi arⱪiliⱪ bolidiƣanliⱪini puritip kɵrsitidu (Injil, «Yuⱨ.» 3:1-8nimu kɵrüng).

■11:5 Yⱨ. 3:8

© 2010 Mukeddes Kalam - Uyghur Bible Translation Committee