6
Sanballatning ⱪuruluxⱪa tosⱪunluⱪ ⱪilix suyiⱪǝsti
1 Xundaⱪ boldiki, Sanballat, Tobiya, ǝrǝb bolƣan Gǝxǝm wǝ düxmǝnlirimizning ⱪalƣan ⱪismi mening sepilni yengiwaxtin ongxap qiⱪⱪanliⱪimni, sepilning ǝmdi bɵsüklirining ⱪalmiƣanliⱪini anglap (lekin u qaƣda mǝn tehi sepil ⱪowuⱪlirining ⱪanatlirini ornatmiƣanidim), 2 Sanballat bilǝn Gǝxǝm manga: — Kǝlsila, biz Ono tüzlǝnglikidiki Kǝfirim kǝntidǝ kɵrüxǝyli! — dǝp adǝm ǝwǝtiptu. Əmǝliyǝttǝ ular manga ⱪǝst ⱪilmaⱪqi ikǝn. □ «Kǝfirim kǝntidǝ» — yaki «kǝntlǝrning biridǝ». 3 Xunglaxⱪa mǝn ǝlqilǝrni ǝwǝtip: — Mǝn uluƣ bir ix bilǝn xuƣulliniwatⱪanliⱪimdin silǝr tǝrǝpkǝ qüxmǝymǝn. Mǝn ⱪandaⱪmu silǝrning ⱪexinglarƣa barimǝn dǝp, ixni taxlap uni tohtitip ⱪoyay? — dedim.
4 Ular uda tɵt ⱪetim muxu tǝriⱪidǝ adǝm ǝwǝtti, mǝn ⱨǝr ⱪetim xundaⱪ jawap bǝrdim. 5 Andin Sanballat bǝxinqi ⱪetim xu tǝriⱪidǝ ɵz hizmǝtkariƣa peqǝtlǝnmigǝn hǝtni ⱪoliƣa tutⱪuzup ǝwǝtiptu. 6 Hǝttǝ: «Ⱨǝrⱪaysi ǝllǝr arisida mundaⱪ bir gǝp tarⱪilip yüridu, wǝ Gǝxǝmmu xundaⱪ dǝydu: — Sǝn wǝ Yǝⱨudalar birgǝ isyan kɵtürmǝkqi ikǝnsilǝr; xunga sǝn sepilnimu yengiwaxtin ongxaxⱪa kirixipsǝn; eytixlarƣa ⱪariƣanda sǝn ɵzüngni ularƣa padixaⱨ ⱪilmaⱪqikǝnsǝn. □ «Gǝxǝm» — ibraniy tilida muxu yǝrdǝ «Gaxmu» — Gǝxǝmning yǝnǝ bir xǝkli. 7 Sǝn yǝnǝ Yerusalemda ɵzüng toƣruluⱪ: «Mana, Yǝⱨudiyǝdǝ ɵzimizning bir padixaⱨimiz bar!» dǝp jar selip tǝxwiⱪ ⱪilixⱪa birnǝqqǝ pǝyƣǝmbǝr ⱪoyupsǝn. Əmdi bu gǝplǝr sɵzsiz padixaⱨning ⱪuliⱪiƣa yetip bayan ⱪilinidu. Xunga, kǝlgin, biz birliktǝ mǝsliⱨǝtlixiwalayli» deyilgǝnikǝn.
8 Mǝn uningƣa: «Sǝn eytⱪan ixlar ⱨeqⱪaqan ⱪilinƣan ǝmǝs; bular bǝlki ɵz kɵnglüngdin oydurup qiⱪarƣining, halas» dǝp jawap ⱪayturdum. 9 Əmǝliyǝttǝ, ular: «Muxundaⱪ ⱪilsaⱪ ularning ⱪoli maƣdursizlinip, ⱪurulux ixi ada ⱪilinmay ⱪalidu!» dǝp oylap bizni ⱪorⱪatmaⱪqi idi.
— «Əmdi mening ⱪolumni ixta tehimu küqlǝndürgǝysǝn!».
Yalƣan pǝyƣǝmbǝr Xemayaning tǝⱨdit selixi
10 Mǝⱨǝtabǝlning nǝwrisi, Delayaning oƣli Xemaya ɵzini ɵz ɵyigǝ ⱪamiwalƣanidi; mǝn uning ɵyigǝ kǝlsǝm u: — Biz Hudaning ɵyidǝ, ibadǝthanining iqidǝ kɵrüxǝyli wǝ ibadǝthanining dǝrwaza ⱪanatlirini etip ⱪoyayli; qünki ular seni ɵltürgili kelidu; xübⱨisizki, keqisi kelip seni ɵltürmǝkqi boldi! — dedi.□ «Xemaya ɵzini ɵz ɵyigǝ ⱪamiwalƣanidi — ɵzini ⱪamiwelixning sǝwǝbi eniⱪ ǝmǝs; «rǝsimiy napak» bolƣanliⱪi yaki ⱪǝsǝm iqkǝnliki sǝwǝb bolƣan boluxi mumkin.
11 Mǝn: — Manga ohxax bir adǝm ⱪandaⱪmu ⱪeqip kǝtsun? Mǝndǝk bir adǝm jenimni ⱪutⱪuzimǝn dǝp ⱪandaⱪmu ibadǝthaniƣa kiriwalƣudǝkmǝn? Mǝn ⱨǝrgiz u yǝrgǝ kiriwalmaymǝn! — dǝp jawap bǝrdim. 12 Qünki mǝn ⱪarisam, uning Huda tǝripidin ǝwǝtilgǝn ǝmǝs, bǝlki Tobiya bilǝn Sanballat tǝripidin setiwelinip, manga zeyan yǝtküzmǝkqi bolup bu bexarǝt bǝrgǝnlikigǝ kɵzüm yǝtti. 13 Uni setiwelixidiki mǝⱪsǝt, meni ⱪorⱪutup, xularning deginidǝk ⱪilƣuzup gunaⱨ ⱪilduruxtin ibarǝt idi. Xundaⱪ ⱪilƣan bolsam, namimni bulƣap meni ⱪarilaxⱪa xikayǝt ⱪilalaydiƣan bolatti.□ «Xundaⱪ ⱪilƣan bolsam, namimni bulƣap meni ⱪarilaxⱪa xikayǝt ⱪilalaydiƣan bolatti» — Sanballat wǝ Tobiyaning bu ǝⱪli heli ⱨiylǝ-mikirlik idi. Nǝⱨǝmiya kaⱨin ǝmǝs; xunga (1) u ibadǝthaniƣa napak ⱨalda yaki eⱨtiyatsizliⱪ bilǝn kirsǝ gunaⱨ ɵtküzüxi mumkin idi; (2) «muⱪǝddǝs jay»ning ɵzigǝ kirgǝn bolsa gunaⱨi tehimu eƣir bolatti; ⱪaysila ǝⱨwalda bolsun ɵz hǝlⱪi aldidiki nam-abruyi qüxkǝn bolatti wǝ xuning tüpǝylidin ⱪurulux ixi tohtitilƣan bolatti.
14 — «Aⱨ Huda, Tobiya bilǝn Sanballatni esingda tutup, ularning ⱪilƣanliriƣa yarixa ɵz bexiƣa yandurƣaysǝn, xundaⱪla meni ⱪorⱪatmaⱪqi bolƣan ayal pǝyƣǝmbǝr Noadiya bilǝn baxⱪa pǝyƣǝmbǝrlǝrningmu ⱪilƣanlirini ɵz bexiƣa yandurƣaysǝn!».
Ⱪayta ongxaxning tamamlinixi
15 Elul eyining yigirmǝ bǝxinqi küni sepil pütti, pütün ⱪuruluxⱪa ǝllik ikki kün waⱪit kǝtti. 16 Xundaⱪ boldiki, düxmǝnlirimiz buningdin hǝwǝr tapti wǝ ǝtrapimizdiki barliⱪ ǝllǝr ⱪorⱪup ketixti; ɵz nǝziridǝ ⱨǝywiti bǝk qüxüp kǝtti wǝ bu ⱪuruluxni Hudayimizning Ɵzi elip barƣan ix ikǝnlikini bilip yǝtti. 17 Xu künlǝrdǝ Yǝⱨudiyǝdiki mɵtiwǝrlǝr Tobiyaƣa nurƣun hǝt yazdi, Tobiyamu ularƣa jawabǝn daim hǝt yezip turdi. 18 Qünki Yǝⱨudiyǝdǝ Tobiyaƣa baƣlinip ⱪelip, ⱪǝsǝm iqkǝn nurƣun kixilǝr bar idi; qünki u Araⱨning oƣli, Xekaniyaning küy’oƣli idi, ⱨǝmdǝ uning oƣli Yoⱨanan Bǝrǝkiyaning oƣli Mǝxullamning ⱪizini hotunluⱪⱪa alƣanidi. 19 Xuningdǝk ular yǝnǝ mening aldimda pat-pat Tobiyaning yahxi ixlirini tilƣa elip ⱪoyuxatti ⱨǝm mening gǝplirimnimu uningƣa yǝtküzüp turuxatti; Tobiya bolsa manga pat-pat tǝⱨdit selip hǝt yezip turatti.
□6:2 «Kǝfirim kǝntidǝ» — yaki «kǝntlǝrning biridǝ».
□6:6 «Gǝxǝm» — ibraniy tilida muxu yǝrdǝ «Gaxmu» — Gǝxǝmning yǝnǝ bir xǝkli.
□6:10 «Xemaya ɵzini ɵz ɵyigǝ ⱪamiwalƣanidi — ɵzini ⱪamiwelixning sǝwǝbi eniⱪ ǝmǝs; «rǝsimiy napak» bolƣanliⱪi yaki ⱪǝsǝm iqkǝnliki sǝwǝb bolƣan boluxi mumkin.
□6:13 «Xundaⱪ ⱪilƣan bolsam, namimni bulƣap meni ⱪarilaxⱪa xikayǝt ⱪilalaydiƣan bolatti» — Sanballat wǝ Tobiyaning bu ǝⱪli heli ⱨiylǝ-mikirlik idi. Nǝⱨǝmiya kaⱨin ǝmǝs; xunga (1) u ibadǝthaniƣa napak ⱨalda yaki eⱨtiyatsizliⱪ bilǝn kirsǝ gunaⱨ ɵtküzüxi mumkin idi; (2) «muⱪǝddǝs jay»ning ɵzigǝ kirgǝn bolsa gunaⱨi tehimu eƣir bolatti; ⱪaysila ǝⱨwalda bolsun ɵz hǝlⱪi aldidiki nam-abruyi qüxkǝn bolatti wǝ xuning tüpǝylidin ⱪurulux ixi tohtitilƣan bolatti.