1 Yen Pablo, yin ru-apóstol re Jesucristo roma jare' re nurayij re Dios. Yen y chibil chuka' re hermano Timoteo, nimban-a re carta re' chiva yex hermanos✡ Col 1.1, 2. re nimol-ivi' pa rube' re Dios chire' pa tenemit Corinto. Pero re carta re' man xaxe-ta ivichin yex, xa can quichin chuka' conojel re je rajc'ual chic re Dios, re jec'o pa tak nic'aj chic tenemit chupan re mismo lugar rubini'an Acaya. 2 Y can-ta q'uiy utzil xtic'ul chiyixnojel✡ Ro 1.7; 1 Co 1.3; Fil 1.2; Col 1.2. riq'uin re Karta' Dios y re Ajaf Jesucristo. Y chuka' re ivánma can-ta otz nuna' roma iniman chic.

3 Takaya' ruk'ij re Dios re Rutota' re Kajaf Jesucristo.✡ Ef 1.3. Reja' jun Tata'aj re can nujoyovaj✡ Ex 34.6; Mi 7.18. kavach y chuka' jun Dios re can nucukuba' kac'o'x.✡ 1 P 1.3. 4 Y ja reja' re nicukuban kac'o'x✡ 2 Ts 2.16. tak yoj yojc'ue' pa tijoj-pokonal, chin quire' tak yoj nakatz'at che jec'o hermanos jec'o pa tak tijoj-pokonal, can yojtiquir chuka' nakacukuba' quic'o'x, can ancha'l xuban re Dios kaq'uin yoj. 5 Y yoj camas tijoj-pokonal nakak'asaj, can ancha'l re tijoj-pokonal xuk'asaj re Jesucristo.✡ Col 1.24. Pero tak más tijoj-pokonal nakak'asaj rutzij re Jesucristo, re Jesucristo más nucukuba' kac'o'x chupan re tijoj-pokonal re nakak'asaj. 6 Y tak yoj nakak'asaj tijoj-pokonal✡ 2 Co 4.15. Gusamaj re Jesucristo, chin che yex nicukubax ic'o'x y yixrucol chach re imac. Y tak re Dios nucukuba' kac'o'x yoj, chin che yex nicukuba' chuka' ic'o'x y yixcolotaj chach re imac. Y riq'uin re' can nuban chiva che yixtiquir nicoch' nik'asaj re tijoj-pokonal re ancha'l yojtajin chuk'asasic yoj. 7 Yoj can c'o ka-esperanza che man xtiya-ta can re Dios. Roma kataman che tak yoj nakak'asaj tijoj-pokonal pa rusamaj re Jesucristo, chuka' yex can nik'asaj re tijoj-pokonal re',✡ Ro 8.17; 2 Ti 2.12. y chuka' kataman che tak yoj nicukubax kac'o'x, yex chuka' nicukubax ic'o'x.

8 Hermanos, yex can nic'atzin che nitamaj re andex che tijoj-pokonal re xkak'asaj yoj tak xojc'ue' chila' pan Asia. Re kachuk'a' man chic nitiquir-ta riq'uin re tijoj-pokonal re xkak'asaj pa quik'a' re vinak. Can xkanojij che man chic yojc'ase-ta, xa can xe chic re kacamic kayaben.✡ Hch 19.23; 1 Co 16.9. 9 Yoj xkanojij che can chin-va che yojcom pa quik'a' re vinak, pero re' xaxe chin che xkatamaj che man takaban confiar-ki' riq'uin re kachuk'a' yoj mismo, y can xe-va riq'uin re Dios takabana-va confiar-ki',✡ Jer 17.5, 7. roma reja' c'o ru-poder, y can ye'ruc'asoj✡ He 11.19. re anama'i'.✡ Ro 4.17, 25. 10 Y jac'a reja' re xbano chaka che man xojcom-ta pa quik'a' re vinak y c'a quire' ntajin chubanic kaq'uin vocame, y can kataman che can quire' xtuban kaq'uin chupan re tiempo-apo, y chuka' quire' xtuban chin yojrucol✡ 1 S 17.37; 2 P 2.9. chach re camic,✡ 1 S 7.12; Job 5.17-22. ancha'l re anchok chach yojrucolon-va-pa nabey. 11 Quire' xtuban re Dios kaq'uin vo xa yex can xtiban orar✡ Fil 1.19; Flm 22. chakij chin xkojito'. Y vo xa jec'o más je q'uiy hermanos chiva yex re ye'bano orar chakij, camas chuka' je q'uiy re ye'tioxin✡ 2 Co 4.15. cha re Dios tak niquitz'at che re Dios nuya-pa re ru-bendición chaka.

12 Re kánma yoj vocame camas niqui'cot, roma kataman che re cosas re ye'kaban, can riq'uin ronojel kánma ye'kaban, y can quire' chuka' nik'alajin chach re Dios. Y ja reja' re nita'o kachin chin nuya' poder chaka che ch'ajch'oj re kac'aslen chach.✡ 2 Co 2.17. Man kana'oj-ta yoj nakacusaj.✡ 2 Co 2.4. Xa ja re utzil re kac'ulun riq'uin re Dios, jare' re nakacusaj. Y ja quire' re kac'aslen kac'utun chiquivach re vinak re jec'o chach re ruch'ulef, pero yex hermanos itz'eton ba' más re rubanic re kac'aslen kac'uan. 13 Mare' man tinojij jun chic cosa chij re cartas re ye'ntak-a chiva, roma yen can k'alaj re andex nintz'ibaj-a chiva, y chuka' can ancha'l re xitz'at-yan y can itaman chic jabal. Re ninrayij yen chiva, ja che can nak'ax-ta pan ive' ronojel. 14 Roma jec'o chiva yex re xk'ax-yan ba' pa quive' re andex rubanic re kac'aslen, mare' ye'qui'cot koma yoj,✡ 2 Co 5.12. ancha'l yojqui'cot yoj ivoma yex re vocame y xkojqui'cot✡ Fil 2.16; 4.1. chupan re k'ij tak re Ajaf Jesús xtipa chakac'amic.

15 Y yen ntaman che yex yixqui'cot viq'uin, y mare' yen xinjo' che nabey yinak'ax iviq'uin, chin che tak yintzolaj-pa yinak'ax chic jun bey iviq'uin, chin quire' ca'e-ta c'a bey nic'ul re utzil re pitinak riq'uin re Dios. 16 Yen can ninojin-va che yinak'ax iviq'uin pa tenemit Corinto, chin che yimba pa Macedonia, y tak yintzolaj-pa pa Macedonia, iviq'uin chic yex yine'c'ue-va, y ja-ta yex re yixta'o-a vichin riq'uin re ndoc chua chupan re nubey chin yintzolaj pa Judea. Pero xa man quire-ta xbanataj, xa man xinapon-ta chila' iviq'uin. 17 Tak yen xinojij quire' can riq'uin ronojel vánma. Yen can man yin junan-ta quiq'uin re nic'aj chic vinak, che xaxe riq'uin re quichi' niquibij, y re cánma man quire-ta nubij. 18 Ja re Dios re testigo chakij yoj, che yoj man xkabij-ta chiva che ja', y al mismo tiempo xkabij-ta che manak. 19 Re hermano Silvano, re hermano Timoteo✡ Hch 18.5. y yen, re xojtzijon re Jesucristo chiva, can man nakajal-ta re kach'abal. Yoj can yoj ancha'l-va re Jesucristo re Ruc'ajol re Dios,✡ Mr 1.1; Lc 1.35. reja' can man nujal-ta re ruch'abal tak nubij jun cosa, riq'uin reja' can xe-va re katzij c'o. Y tak nubij jun cosa can katzij-va, y tak nubij che manak, manak.✡ Ex 3.14. 20 Roma can ronojel re rusujun re Dios, can riq'uin re Jesucristo nilitaj-va y nibanataj-va, roma re Dios can chin-va re' tak rucha'on y can katzij che riq'uin reja' nilitaj-va. Yoj pa rube' re Jesucristo nakabij-va che can quire-va. Y yoj ja quire' nakabij tak nakaya' ruk'ij✡ Ro 15.8, 9. re Dios. 21 Y ja re Dios re banayon chaka che cof yojpa'al riq'uin re Jesucristo, y ja chuka' reja' re xojcha'o chin che nakaban re rusamaj. Quire' re rubanon iviq'uin yex y quire' chuka' re rubanon kaq'uin yoj.✡ 1 Jn 2.20, 27. 22 Chuka' re Dios can ruyi'on-va ka-seña, ruyi'on re Espíritu Santo✡ Ap 2.17. pa tak kánma, y jare' re seña✡ Ef 1.13; 4.30; 2 Ti 2.19. che can katzij-va che c'o más utzil xtakac'ul✡ Ef 1.14. riq'uin re Dios chila' chicaj.

23 Y chach re Dios nimbij chiva re anchique roma tak man yin-aponak-ta✡ 1 Co 4.21. iviq'uin. Xa roma camas ninjoyovaj ivach, mare' tak man yinaponak-ta, roma yen man ninjo-ta ne'mbana' rubiyal re cosas man otz-ta c'o chi'icojol. 24 Pero man tinojij che ja yoj re yojbano mandar pan ive' re andex otz che ninimaj.✡ Ro 11.20. Roma yex can iniman✡ 1 Co 15.1. chic re Jesucristo y cof chic yixpa'al riq'uin. Re katz'amon rubanic yoj xaxe chin che yixkato', chin che re ivánma más-ta niqui'cot.