1 يٍهٌيَكِمِ شَ مَنفّيَ وَشَتِ، بَبِلْن مَنفّ نٍبُكَدَنسَرِ نَشَ فٍرٍ رَكٍلِ عَ مَ. يٍهٌيَكِمِ نَشَ لُ عَ شَ نْي بُن مَ حّ سَشَن، كْنْ نَ دَنفِ شَنبِ عَ نَشَ عَ مَتَندِ. 2 عَلَتَلَ نَشَ كَلِدِكَيٍ، عَرَ مِكَيٍ، مٌوَبَكَيٍ، نُن عَمٌنِكَيٍ رَكٍلِ، عٍ شَ قَ عَ فٍرٍ. عَ نٍيٍ شّي نّ عٍ شَ قَ يُدَيَ سْنتْ، عَلْ عَ مَسٍنشِ كِ نَشّ عَ شَ كٌنيِ نَمِحْنمّيٍ سَابُي رَ. 3 نَ رَبَ عَلَتَلَ شَ يَامَرِ نَن مَ، بَرِ مَ عَ نُ وَ مَ يُدَكَيٍ مَكُيَقٍ عَ رَ عٍ شَ يُنُبِيٍ شَ قٍ رَ، عٍ نَشٍيٍ مَتِنكَن مَنَسِ قْشْ رَ. 4 عَ مَن نُ وَ مَ عٍ حَشَنكَتَقٍ مَنَسِ شَ تْوحّفّ شَ قٍ رَ، نَشَن عَ نِيَ عَ شَ دَرِ سَلَمُكَ فبٍفبٍ قَشَ. عَلَتَلَ مُ وَ دِحّقٍ نَ قٍ مَ.

5 يٍهٌيَكِمِ شَ تَرُشُي دْنشْي، عَ قٍ نَشَن بِرِن نَبَ، نَ سّبّشِ يُدَيَ مَنفّيٍ شَ تَرُشُي كُي. 6 يٍهٌيَكِمِ نَشَ رَفَتَ عَ بٍنبَيٍ قّ مَ. عَ شَ دِ يٍهٌيَكِنِ نَشَ تِ مَنفّ رَ عَ حْشْي رَ. 7 مِسِرَ مَنفّ مُ مِنِ عَ شَ بْشِ كُي سْنْن، بَرِ مَ بَبِلْن مَنفّ نُ بَرَ عَ شَ بْشِ بِرِن بَ عَ يِ رَ، كٍلِقٍ رَ مِسِرَ سُسُدٍ مَ، هَن عَ سَ عٍقِرَتِ شُرٍ لِ.

8 يٍهٌيَكِنِ حّ قُ نُن سٌلٌمَسَشَن نَن نُ عَ رَ، عَ قِندِ مَنفّ رَ تّمُي نَشّ. عَ نَشَ مَنفّيَ كِكٍ سَشَن نَبَ دَرِ سَلَمُ. عَ نفَ نُ شِلِ نٍشُسٍتَ، عٍلِنَتَن شَ دِ، نَشَن كٍلِ دَرِ سَلَمُ. 9 عَ نَشَ قٍ رَبَ نَشَن مُ رَقَن عَلَتَلَ مَ، عَلْ عَ بَبَ عَ رَبَ كِ نَشّ.

10 نَ وَشَتِ بَبِلْن مَنفّ نٍبُكَدَنسَرِ شَ سْورِيٍ نَشَ سِفَ دَرِ سَلَمُ فٍرٍدٍ. عٍ نَشَ نَ تَا رَبِلِن، عَلَكٌ مِشِ يٌ نَشَ سٌ، مِشِ يٌ نَشَ مِنِ. 11 بَبِلْن مَنفّ نٍبُكَدَنسَرِ نَشَ قَ، عَ تِ تَا يَتَفِ عَ شَ سْورِيٍ نُ تَا رَبِلِنقٍ تّمُي نَشّ. 12 نَ تّمُي يُدَيَ مَنفّ يٍهٌيَكِنِ نَشَ عَ يّتّ سٌ بَبِلْن مَنفّ يِ رَ، عَ تَن، عَ نفَ، عَ رَ سِمَيٍ، عَ شَ كُنتِفِيٍ، نُن عَ شَ بَنشِ مّينِمَيٍ. بَبِلْن مَنفّ نَشَ عَ قِندِ فٍيلِمَنِ رَ عَ شَ مَنفّيَ حّ سٌلٌمَسَشَن ندٍ رَ. 13 عَ نَشَ نَاقُلِ بِرِن تٌنفٌ نَشَن نُ رَفَتَشِ عَلَتَلَ شَ بَنشِ نُن مَنفّ شَ بَنشِ كُي. عَ نَشَ يِرَبَسٍ شّيمَ دَاشِيٍ عِبٌلٌن عَ شُنتُنيِيٍ رَ، مَنفّ سُلٍمَنِ نَشٍيٍ يَءِلَن عَلَتَلَ شَ بَنشِ شَ قٍ رَ، عَلْ عَلَتَلَ عَ يَمَرِ كِ نَشّ. 14 عَ نَشَ دَرِ سَلَمُكَيٍ بِرِن شَنِن. كُنتِفِيٍ، سْورِ قَنيِيٍ، وَلِكّيٍ، نُن شَبُييٍ بِرِن. عٍ بِرِن نَلَنشِ مِشِ وُلُ قُ. عَ سٍتَرٍيٍ نَن فبَنسَن لُ نَا. 15 عَ نَشَ يٍهٌيَكِنِ شَنِن بَبِلْن، عَ تَن، عَ نفَ، عَ شَ فِنّيٍ، عَ شَ كُنتِفِيٍ، نُن عَ شَ بْشِ سّنبّمَيٍ، 16 سْورِ وُلُ سٌلٌقٍرٍ، نُن شَبُي وُلُ كٍرٍن. مِشِ نَشٍيٍ بِرِن نُ نْمَ فٍرٍ سٌدٍ نُ نَ نَ حَمَ يَ مَ. بَبِلْن مَنفّ نَشَ عٍ بِرِن شَنِن بَبِلْن بْشِ مَ. 17 عَ نَشَ يٍهٌيَكِنِ سْشْ مَتَنِيَ نَشَ تِ مَنفّ رَ عَ حْشْي رَ. عَ نَشَ عَ شِلِ مَسَرَ سٍدٍكِيَ.

18 سٍدٍكِيَ حّ مْشْحّن نُن كٍرٍن نَن نُ عَ رَ، عَ تِ مَنفّ رَ تّمُي نَشّ. عَ نَشَ مَنفّيَ حّ قُ نُن كٍرٍن نَبَ دَرِ سَلَمُ. عَ نفَ نُ شِلِ نّ شَمُتَلِ، يٍرٍ مِ شَ دِ نَشَن كٍلِ لِبِنَ. 19 عَ نَشَ قٍ رَبَ نَشَن مُ رَقَن عَلَتَلَ مَ، عَلْ يٍهٌيَكِمِ عَ رَبَ كِ نَشّ. 20 عَلَتَلَ نُ بَرَ يِ قٍ بِرِن نَفِرِ دَرِ سَلَمُ نُن يُدَيَ مَ عَ شَ شْنّ كُي. عَ عٍ مَكُيَ عَ رَ نَ نَن مَ. نَ دَنفِ شَنبِ، سٍدٍكِيَ نَشَ بَبِلْن مَنفّ مَتَندِ.