IZIRAYƐLI WOOLO PORO NAA CƐNGƐLƐ SANŊGALA
KE NI
9
9–14
Cɛngɛlɛ ŋgele ke yɛn ma Izirayɛli
woolo pe maga Yɛnŋɛlɛ li yaa ka
jɔlɔgɔ wa ke na
konaa mbe duwaw ke na
1 Yawe Yɛnŋɛlɛ li sɛnyoro ti nda.
Yawe Yɛnŋɛlɛ li sɛnyoro tì gbɔn wa Hadiraki
† tara,
tì gbɔn fɔ wa Damasi
† ca;
katugu Yawe Yɛnŋɛlɛ li yɛgɛ yɛn sɛnwee piile pe ni fuun pe na,
paa yɛgɛ ŋga na li yɛgɛ yɛn Izirayɛli cɛngɛlɛ woolo pe ni fuun pe na we
†.
2 Yɛnŋɛlɛ li yɛn na para Hamati
† ca ki wogo na fun,
ko ŋga ki yɛn wa Damasi ca ki tanla we.
Li yɛn na para Tiri ca naa Sidɔn
† ca ti wogo na fun,
ali mbege ta tijinliwɛ gbɔɔ yɛn pe yeri.
3 Tiri ca fɛnnɛ pè malaga sigego kan pe yɛɛ kan.
Pè warifuwe lɛgɛrɛ gbogolo pe yɛɛ kan paa taambugɔ yɛn,
ma tɛ lɛgɛrɛ gbogolo pe yɛɛ kan paa koŋgolo taambugɔ yɛn.
4 Ɛɛn fɔ, we Fɔ wi yaa pe kɛɛ yaara ti ni fuun ti shɔ pe yeri,
mbe malaga sigembogo ŋga kì pe ca ki maga ki jan mbege wa wa kɔgɔje wi ni.
Kasɔn yaa ka ca jate ki sogo mbege kɔ
†.
5 Asikalɔn ca fɛnnɛ pe yaa ki wogo ki yan mbaa fyɛ.
Gaza ca fɛnnɛ fun pe yaa ka fyɛ mbaa seri jɔlɔgɔ ki kala na.
Ekirɔn ca fɛnnɛ fun pe yaa pe kɛɛ ndagaserege ki la.
Wunluwɔ se ka pye wa Gaza ca ki ni.
Lere se ka cɛn wa Asikalɔn ca naa.
6 Nambanmbala pe yaa ka pye mbe cɛn wa Asidɔdi ca.
Kì ka pye ma, mi yaa Filisiti tara fɛnnɛ pe yɛɛ gbɔgɔwɔ pi kɔ
†.
7 Mi yaa ka kara nda ti kasanwa
† pi yɛn ti ni ti wɔ wa pe yɔn,
mbe yarisunndo kara ti wɔ wa pe yɔn.
Mbele pe yaa ka koro go na pe ni, pe yaa ka pye mi ŋa Yɛnŋɛlɛ na woolo paa Zhuda cɛnlɛ li setirige ka yɛn.
Ekirɔn ca woolo pe yaa ka pye na woolo paa yɛgɛ ŋga Zhebusi
† cɛnlɛ woolo pàa kanŋga ma pye na woolo.
8 Mi yaa kanla tara ti maga mbaa ti kɔrɔsi,
jaŋgo juguye pe maliŋgbɔɔnlɔ mbele pe maa tooro na kee na paan, paga ka gbɔn ti na.
Fanŋga fɔ wa se ka jɔlɔgɔ taga pe na naa;
katugu mi jate mi yaa la pe go singi.
Wunlunaŋa ŋa wi yaa ka pan
mbe yɛyinŋge ki kan naa
9 Yoro Siyɔn ca woolo, yaa yɔgɔri jɛŋgɛ.
Yoro Zheruzalɛmu ca woolo yaa jɔrɔgi nayinmɛ ni.
Ye wele! Ye wunlunaŋa wi ŋa wila paan ye kɔrɔgɔ.
Wi yɛn sinŋɛ ma pye cew tafɔ.
Wùu yɛɛ tirige ma lugu ma cɛn sofile na.
Wi yɛn ma lugu ma cɛn sofile pyɔ na, sofile nɔ pyɔ na
†.
10 Mi yaa ka malaga gbɔnwotoroye pe kɔ mbe pe wɔ wa Efirayimu
† tara,
mbe malaga gbɔnshɔnye pe kɔ mbe pe wɔ wa Zheruzalɛmu ca.
Malaga gbɔnsandira ti yaa ka kaari fun.
Ki wunlunaŋa wi yaa kaa yɛyinŋge sɛnrɛ yuun cɛngɛlɛ ke kan.
Wi yaa kaa wi tegere ti piin mbege lɛ kɔgɔje wa na saga wa kɔgɔje wa na,
mbege lɛ wa Efirati gbaan wi na fɔ sa gbɔn wa tara ti kɔsaga ki na.
We Fɔ wi yaa ka mbele juguye
pàa yigi kasopiile pe wɔ
wa kulowo pi ni
11 We Fɔ wì yo fɔ:
«Yoro wo na, Zheruzalɛmu ca woolo, yɔn finliwɛ mba mìla le ye ni ye saara yaayoro kasanwa pi fanŋga na,
ki yɔn finliwɛ pi kala na, mbele pàa yigi ye ni kasopiile ma kari pe ni, mi yaa pe wɔ wa pe kulowo pi ni, wa tɔnmɔ wege ŋga tɔnmɔ woro wa ki ni
†.
12 Yoro kasopiile wele, yoro mbele jigi tagasaga yɛn ye yeri,
ye sɔngɔrɔ ye pan wa ye ca ki ni, ko ŋga malaga sigembogo yɛn maga maga ma yagara.
Nala yɛɛn, mi yɛn naga yuun ye kan fɔ jɔlɔgɔ ŋga yè jɔlɔ, mi yaa kajɛŋgɛ tɛgɛsaga shyɛn pye ye kan ki yɔngɔ.
13 Katugu mi yaa ka Zhuda cɛnlɛ woolo poro pye paa na sandiga yɛn mbege tile,
mbe Efirayimu cɛnlɛ woolo poro pye paa na sandiga wanla yɛn.
Yoro Siyɔn ca woolo, mi ye pinambiile pe yirige mbe pe wa Yavan
† tara woolo pe na.
Mi yaa ye pye paa maliŋgbɔɔn kotogofɔ wi tokobi yɛn.»
14 Yawe Yɛnŋɛlɛ li yaa kali yɛɛ naga wa naayeri wa pe go na.
Li wanla li yaa ka kari paa yɛnŋɛlɛ yɛngɛlɛmɛ yɛn.
We Fɔ, Yawe Yɛnŋɛlɛ li yaa kali mbanlaga ki win.
Li yaa ka pan wa yɔnlɔparawa kalige kɛɛ tifɛliŋgbɔrɔ ti ni.
15 Yawe Yɛnŋɛlɛ na yawa pi ni fuun fɔ li yaa kaa li woolo pe go singi.
Pe yaa ka pe juguye pe tɔngɔ,
mbe gbafuuro sinndɛɛrɛ ti yaari.
Pe yaa ka pe juguye pe kasanwa pi jaraga mbaa tinni ndɛɛ paa sinndire piin.
Pe yaa kaa kasanwa pi wuun paa yɛgɛ ŋga na pe ma kaa leyaara ti yin saara yaayoro kasanwa pi ni mboo yanragi yanragi,
paa yɛgɛ ŋga na pe ma kaa kasanwa pi wo saraga wɔsaga ki yɛngɛlɛ ke na we.
16 Yawe Yɛnŋɛlɛ, pe Yɛnŋɛlɛ li yaa ka pe shɔ ki pilige ki ni.
Li yaa ka poro mbele li woolo pe shɔ paa yɛgɛ ŋga na yaayoro kɔnrifɔ ma kaa wi yaayoro ŋgbelege shɔ we.
Pe yaa kaa yɛngɛlɛ wa li tara ti ni paa sinndɛɛrɛ sɔnŋgbanga woro yɛn, nda ti yɛn wunluwɔ njala na.
17 Pe yaa ka pye fɛrɛwɛ na dɛ!
Pe yaa ka pye tiyɔɔnlɔ dɛ!
Bile wi yaa kaa fanŋga kaan lefɔnmbɔlɔ pe yeri,
duvɛn fɔnŋɔ wila fanŋga kaan sumbonɔ pe yeri.