100
Souen ten masmasien
1 !Meatin keil ten out netan,
mihemakul en sien min Iahova!
2 Tinomi hehilelau en sien navong miheha netan mini.
Mihemai vesesal veni hetal min souen keil.
3 Miheilea keke Iahova vi Ahi.
Kei varei mumon ir, ka rovi onen.
Ir romul en hen, ka kei mul losil kat revi ir
suval meatin tai mul losil kat revi sipsip keil osen.
4 Miheha en Eim Votut onen hetal min masmasien,
mihehati lat isen en teahu teni.
5 Iahova tahos vis tahos imok.
Envatien onen sakras vavus, ka kei mul mum vasin hatkatien keil onen lisenges.