1 དེ་ཡང་དཀོན་མཆོག་གིས་གནའ་བོའི་དུས་སུ་ལུང་སྟོན་པ་རྣམས་བརྒྱུད་ནས་ཐེངས་དུ་མ་དང་ཐབས་ཤེས་སྣ་ཚོགས་ཀྱི་སྒོ་ནས་མེས་པོ་རྣམས་ལ་བཀའ་གསུངས་པ༌དང༌། 2 མཐའ་མའི་ཉིན་མོ་འདི་དག་ལ་ཡང་ཁོང་གི་སྲས་བརྒྱུད་ནས་བདག་ཅག་ལ་བཀའ་གསུངས༌ཤིང༌། སྔ་མོ་ནས་ཁོང་ནི་དངོས་པོ་ཐམས་ཅད་ཀྱི་རྒྱུད་འཛིན་མཁན་དུ་བསྐོས་པ༌དང༌། ཁོང་ཉིད་བརྒྱུད་ནས་འཇིག་རྟེན་ཁམས་ཐམས་ཅད་ཀྱང་བཀོད་པ་ལགས་སོ།། 3 ཁོང་ནི་དཀོན་མཆོག་གི་གཟི་བརྗིད་ལས་འཕྲོས་པའི་འོད་ཟེར་ཡིན༌ལ། དཀོན་མཆོག་གི་ངོ་བོའི་སྣང་བརྙན་དངོས་མའང་ལགས་ཤིང་། ཁོང་གི་ནུས་མཐུ་ཆེ་བའི་བཀའ་ཡིས་རྟག་ཏུ་དངོས་པོ་ཐམས་ཅད་སྐྱོར་བའོ།། ཁོང་གིས་མིའི་རིགས་ཀྱི་སྡིག་པ་དག་པར་མཛད༌རྗེས། ནམ་མཁའི་ཞིང་ཁམས་ཀྱི་གཟི་བརྗིད་བླ་ན་མེད་པ་དེ་ཉིད་ཀྱི་གཡས་ཕྱོགས་སུ་བཞུགས༌ལགས་སོ།། 4 ཁོང་ལ་ཐོབ་པའི་མཚན་སྙན་ནི་ཕོ་ཉ་རྣམས་ལས་མཆོག་ཏུ་གྱུར་པ་ཡིན་པས་ཁོང་ཉིད་དེ་རྣམས་ལས་ཀྱང་ཁྱད་དུ་འཕགས༌པའོ།། 5 ཅིའི་ཕྱིར་ཞེ་ན། དཀོན་མཆོག་གིས་ཕོ་ཉ་རྣམས་ལས་སུ་ལའང་འདི་སྐད༌དུ།