Uţup utëbanţën wi
Yowan
apiiŧuŋ banfiyaaruŋ
Uţup ujuni
Ulibra wi uwooŋ kakaarta kaŧëbanţën ki Yowan apiiŧuŋ. Apiiŧ ka « Ñaaţ i Naşibaţi adatuŋ. » Uka pwo banfiyaaruŋ Kriŧtu biki amenuŋ itim hënk ukaaŋ kë aţu aji ñaaţ i Naşibaţi adatuŋ. Aţup baka ţi kakaarta ki jibi banfiyaaruŋ Kriŧtu bawooŋ kaŋalad. Akak aţup baka aji baliinŧ ţi pfiyaar babot balipara banjaaŋ bajukan uţup umpaţuŋ na Uţup Ulil Unuura.
Hënk di ifah yi ulibra wi iwooŋ:
1. Pwul mboş (1-3)
2. Manjoonan, na bŋalad (4-6)
3. Bajukan baţilan (7-11)
4. Pwul mboş pbaañşaani (12-13)
1
1 Nji nantohi, dpiiŧu, iwi Ñaaţ i Naşibaţi adatuŋ iwi na babuku* Ñaaţ i Naşibaţi adatuŋ... na babukul : Baloŋ baji pnŧuk pi banfiyaaruŋ pi pi Yowan akdu'uŋ ţi Ñaaţ i Naşibaţi adatuŋ, kë babukul bawo banfiyaaruŋ. an biki nŋaluŋ na manjoonan. Mënţ nji ţañ dŋalanaŋ, bañaaŋ bŧi bammeeŋ manjoonan baŋalan, 2 ţiki manjoonan manwo ţi nja akuţ aduka ţi nja te mnţo. 3 Dñehan Naşibaţi Aşin nja na Yeŧu *Kriŧtu Abuk Naşibaţi Aşin nja bawul nja bnuura na mnjeeh, bamiir nja, ŋhilna ŋwo ţi manjoonan ŋbot ŋŋalad.
Manjoonan na uŋal
4 Dlilan maakan wi nwinuŋ baloŋ ţi babuku kë baji bado uko unwooŋ manjoonan jibi Naşibaţi Aşin nja ajakuŋ ŋdo kado. 5 Kë hënkuŋ, Ñaaţu, uko wi nji kañehaniiŋ wii wi : nawulan ŋŋalad. Uko mënţ uunwo uko uhalu wi pdo wi nji kapiiŧiiŋ, uwo uko wi ŋyeenkuŋ du ujuni. 6 Pŋal pawo pdo uko wi Naşibaţi ajakuŋ. Kë uko wi Naşibaţi ajakuŋ ŋdo wi najukuŋ du ujuni, uwo nawo ţi bŋalad.
7 Bañaaŋ baţilan baguuru baŧum babi aniink umundu, baandi pyikrën kë Yeŧu *Kriŧtu akak ñaaŋ najën. Ñaaŋ ankdoluŋ haŋ awo naguuru, *Naşoorad Kriŧtu. 8 Naţaafaraan keeri, nawutna kawaaŋ uko wi ŋlempuŋ ţi an, naşë nayeenk bnuura katuum kampënnuŋ du Naşibaţi. 9 Ñaaŋ anwooŋ aammëban pjukan pi Kriŧtu aşë hoţalëş da iko iloŋ, aammëbandër na Naşibaţi. Ankŧiinkuŋ pjukan mënţ amëbandër na Naşibaţi Aşin nja abot amëbandër na Abukul. 10 Woli ñaaŋ aloŋ abi du an aţij pjukan ploŋ pampaţi, nawutan kayeenka, nadoon napok pok pwula mboş. 11 Ñaaŋ ankwululuŋ mboş akak awo ţi ploolan na aŋ mënţan ţi iko iwuţaan yi akdoluŋ.
Uţup ubaañşaani
12 Dka iko iŧum iloŋ kak yi nwooŋ i kaţupan, aşë hokan pwo mënkpiiŧan ya. Dŋal pbi du an kaţiini ţiini na an, mnlilan mi nja manhilna manwo mnweek maakan.
13 Babuk Aţa'u ñaaţ i Naşibaţi adatuŋ† Aţa'u ñaaţ i Naşibaţi adatuŋNatenan ţi uko wi bapiiŧuŋ ţi v1. Pnŧuk pi banfiyaaruŋ ploŋ pi pi akduuŋ aţa'ul. bawulu mboş.