1 Gubéle̱na' benne' ca' gulé̱'e̱ neda':

“Chéajdxu xu'u lizre Xránadxu Dios.”

2 Na'a zúadxu nigá, ze̱ntu' dxa xu'u ze'e

da naxechaj lue', xe̱zre Jerusalén.

3 Jerusalén naca na tu xe̱zre da belexune̱',

na' naca na xrtante̱, ne dxé'le̱'e̱ na cháwedau'.

4 Lu xe̱zre na' zjaca xúgute̱ cuen bénneache zaj de̱'e̱

Dxelune̱' ca dxenná dizra' da guzre Dios benne' Israel ca',

5 Lu xe̱zre na' zaj dxe' benne' ca' dxuluchi'e̱ chee̱

naga zaj dxe' benne' xrtia David, benne' ca' dxelenná be'e̱.

6 Le naba lau Dios gata' xel-la' dxebeza zri lazre'

chee̱ xelepe ban da dxelún benne' ca' zaj nazrí'ine̱' xe̱zre na'.

7 Dxenábantu' Dios sua xel-la' dxebeza zri lazre'

lu'ule ze'e da naxechaj na lue', Jerusalén,

ne chee̱ xelezrá' chawe' benne' zaj xu'e̱ xu'u zren chiu'.

8 Nazrí'ida' le sa' ljwezra', ne bi ljwezra' ca', na' dxennía':

Gata' xel-la' dxebeza zri lazre' chiu', xe̱zre Jerusalén.

9 Lawe' da nazrí'ida' xu'u lizre Xránadxu Dios

dxuna' ba xuzre gaca chawe' chiu'.