1 Le gul-la chee̱ Xránadxu tu da cube.

Le gul-la chee̱ Xránadxu, le'e zrale du gabí'i xe̱zr la xu.

2 Le gul-la chee̱ Xránadxu, ne le güe lá'ana La lá'azxa chie̱'.

Tu zra tu zra le guzén ca naca xel-la' weselá da dxunne̱'.

3 Le guzén benne' xe̱zr la xu ca' ca naca xel-la' szren chee̱',

Ne benne' xúgute̱ xe̱zre ca zaj naca xel-la' waca zren nune̱'.

4 Szrente̱ naca Xránadxu, ne naca chee̱' güe lá'anale̱'e̱dxu Le̱'.

Naca chee̱' gápadxe̱' xel-la' ba lá'ana ca dios ca'

5 lawe' da zaj naca xúgute̱ dios ca' bedáu' xiaj xaga ca'.

Xránadxu Dios be̱ne̱' xabáa na'.

6 Zúale̱ Le̱' da xabáa, ne xel-la' szren.

Nazrate̱ xudau' chee̱' xel-la' waca, ne da xrtante̱.

7 Le güe lá'ana Xránadxu, le'e zrale du gabí'i xe̱zr la xu.

Le güe lá'ana xel-la' szren chee̱', ne xel-la' waca chee̱'.

8 Le gapa ba lá'ana Xránadxu ca da naca chee̱' si'e̱.

Le gua da gunézrujle, ne le da chale'aj chee̱ xudau' chee̱'.

9 Le gucá'ana szren Xránadxu lu xel-la' xrtante̱ chee̱

Le zrebe lau Le̱', le'e zrale du gabí'i xe̱zr la xu.

10 Le xe̱ bénneache xe̱zr la xu: Naca Xránadxu Wenná Bea.

Nuzúa chúchue̱' xe̱zr la xu nigá, na' quebe nu seque' gutá na.

Guchi'e̱ chee̱ bénneache ca naca da xrlátaje.

11 Le be, le'e, xabáa, ne xe̱zr la xu.

Le cuezre xa'a, le'e, nísadau', ne bea ca' zrale na'.

12 Le be, le'e, le̱'e̱ xixre', ne bea ca' zrale na'.

Xaga ca' zaj dxe' xi'a ca' welunna schaga lu xel-la' dxebé

13 lau Xránadxu gate xide̱'.

Xide̱' guchi'e̱ chee̱ bénneache zaj zre̱'e̱ xe̱zr la xu.

Nna bé'ene̱' bénneache du gabí'i xe̱zr la xu.

Nna be'e Le̱' ca naca da xrlátaje, ne ca naca da li.