28
ពោល តាគោលទាកមាលីត
1 ត៝ត់ហេនលែៈក្លាយ្សជេស រីមើគឹតនាល់លាសគោលទាកអីនៃរាញាគោលទាកមាលីត ។ 2 ឞូនុយ្សតាគោលទាកអីនៃខាន់ពាង់រ៝មហេនអ្វែសងាន់ មោហោមអោសឞ្លាវនតឹត។ ខាន់ពាង់ឆុញអុញជាៈទឹងលែៈផូងហេនរីហាន់ញជ៝រ់អុញ យ៝រលាសនោកនៃគែសមីស នទ្រែលមាជីកាត់ដ៝ង់។ 3 ពោល ទោញរាកែសរាកោញទូមពឺតេៈតាអុញរី គែសទូមល៝ម់ឞេសកូទោសអុញហូងលោសឞើសនៃ ចោកតីពោល រី។ 4 ឞូនុយ្សតាគោលទាកនៃឆៃឞេសខានតាតីពោល រី ខាន់ពាង់តឹមលាស៖ “ឞូនុយ្សអីនៃលែៈតាៈងខឹតឞូរ៝ ឞ៝លលាសពាង់មហែក្លាយ្សតាៈឞើសទាកវាច់ទាកវារ់កាដោយ ឞ្រាសអីព្លើងនាវអ្យើស* ២៨:៤៖ ឞូនុយ្សតាគោលទាកនៃគែសញឆីងមានតីលឞ្រាសអេងៗ តានតីលឞ្រាសអីនៃគែសទូនតីលឞ្រាសឞូអូរអីឞូកើបព្លើងមានទើអ្យើសឞូជាន។មោអោសអ៝ន់ពាង់រេស”។ 5 ជេសរីពាង់រាតែសឞេសនៃអាអុញឆូ យើនមាពោល នើមរីមោអោសជី។* ២៨:៥៖ មក ១៦:១៨ 6 ឞូនុយ្សតាគោលទាកនៃ ឞូក៝ប់អ្វាញ់ពាង់មោរឆាក់ជាន់ មោលាសចោតខឹត។ ត៝ត់មាជ៝ៈឞូមោអោសឆៃពាង់គែសនាវជី ជេសរីឞូព្លាច់នាវមឹន លាសពាង់ឞ្រាសច្រាវ។* ២៨:៦៖ ការ ១៤:១១
7 ទាច់តានតុកនៃគែសនែសទូនតុក ជេងនែសទូហ្វេកោរាញតាគោលទាកនៃរាញាពូព្លេស ពាង់រ៝មហេនអ្វែសងាន់អ៝ន់ហេនគុតានៃពែនារ។ 8 អីឞឹពូព្លេស រីជីក៝ប នទ្រែលមាជីវាញ់នទុលឞិចតាគ្រែ ពោល ហាន់តាជៃពាង់រី មឞើសឆើមតេៈតីតាពាង់ ជានអ៝ន់ពាង់ឞាស។* ២៨:៨-៩៖ ការ ១៩:១១-១២ 9 កើតនទ្រីទឹងគែសឞូនុយ្សជីទឹងលែៈតាគោលទាកនៃ ខាន់ពាង់លែវឞាល់ហាន់តាពោល ជេសរីឞាសទាទេ។ 10 ខាន់ពាង់គែសនាវយើកមាហេនអ៝ន់នទើអ៝ក់មាហេន។ ត៝ត់នារហេនលោសញច៝ទូកឞើសនតុកនៃ ខាន់ពាង់កើលនទើអ៝ន់ហេនទែមាទ៝ង់។
ពោល តាប៝នរោម
11 ហេនគុតាគោលទាកនៃគែសពែខៃ ជេសរីហេនញច៝ទូមល៝ម់ទូកក្វ៝ង់ រាញា«ដីអោឆាកោរ »។ ទូកអីនៃតាៈឞើសប៝នអាលេកឆាន់ត្រី ញឆ្រុងគុតាគោលទាកនៃតាខៃឆ្យាលពោស។ 12 ត៝ត់តាប៝នឆីរាកុស ហេនគុតាប៝ននៃពែនារ។ 13 ជេសឞើសនៃហេនញច៝រ៝ៈមែងត៝ត់តាប៝នរេកេម ។ ត៝ត់អោយតៃគែសឆ្យាលតាៈមពែសឞើសទ៝ង់រី ហេនញច៝ឞារនារទឹងត៝ត់តាប៝នពូតីយោលី ។ 14 តាប៝ននៃហេនម៝ប់មាផូងញឆីងអាបាៈ ខាន់ពាង់ជាៈហេនគុតានៃពើសនារ។ តាៈឞើសនៃត៝ត់តាប៝នរោម ហេនឞ្រោៈហាន់មាជ៝ង់។ 15 ផូងញឆីងតាប៝នរោម រី ខាន់ពាង់តាង់លឺឞូងក៝ចហេន គែសខាន់ពាង់អាបាៈហាន់ច្វាៈហេនត៝ត់តានតុកឞូតាច់ទ្រាប់រាញាអាប់ផេស នទ្រែលមាគែសអាបាៈអេងជឹតហាន់ច្វាៈហេនតាប៝នគែសជៃវែសឞិចពែមល៝ម់† ២៨:១៥៖ នតុកតាច់ទ្រាប់អាប់ផេស ងាយឞើសប៝នរោម គែស ៧០ កីលោមែត ប៝នគែសជៃវែសឞិចពែមល៝ម់ងាយឞើសប៝នរោម គែស ៥៣ កីលោមែត។ ។ ត៝ត់ពោល ឆៃខាន់ពាង់រី ពាង់លាសអ្វែសមាកោរាញឞ្រាស ជេសរីពាង់គែសឆឹតនហ៝ម់ឆឹតឆ្វានហោងាន់។
16 ហេនត៝ត់តាប៝នរោម រី [កោរាញតាហែនញជុនឞូនុយ្សទោយ្សមាកោរាញតាហែនក្វ៝ង់តាមពោលកោរាញតាហែនញជ្រាង់ យើនមា]ពោល ឞូអ៝ន់ពាង់គុជៃអេង។ គែសទូហ្វេតាហែនគុអ្វាញ់ពាង់។ 17 ត៝ត់ពែនារនៃ ពោល ក្វាល់មពោលកោរាញផូងអីឆ្រាអែល តាប៝នរោម តឹមរាបុន។ ត៝ត់ឞូលែៈរឹងតារីទាទេជេស ពោល ងើយ៖ “អើអ៝សនោកោញវា គ៝ប់មោព្រ៝តអោសគែសនាវតឹមរាទ៝ង់ដាសផូងអីឆ្រាអែល មោលាសដាសនាវវៃផូងអូចែឞ៝ន់កាល់អែ។ ឞូញុបចាប់គ៝ប់តាប៝នយេរូឆាលឹម ជេសរីញជុនគ៝ប់តាតីផូងរោម ។* ២៨:១៧៖ ការ ២១:២៦-៣៣ 18 ជេសផូងរោម អោបជែកគ៝ប់រី ខាន់ពាង់អុចបើកលើយគ៝ប់ យ៝រលាសឞូមោអោសឆៃនាវតីសតាគ៝ប់ត៝ត់មាខឹតឆាក់។* ២៨:១៨៖ ការ ២៥:១៨-១៩; ២៦:៣១-៣២ 19 តីសមាមពោលកោរាញឞ្រីយូដា មោអុចអោស កើតនទ្រីទឹងអ្យាត់មាគ៝ប់ហាវម៝ប់ត៝ត់មាកោរាញកាដាច់អ្យា។ យើនមាមោទីអោសលាសគ៝ប់អ្យាគៃមាអុចនតោនផូងឞាល់មពោលឞ៝ន់នើម។* ២៨:១៩៖ ការ ២៥:១១-១២ 20 កើតនទ្រីទឹងគ៝ប់អុចក្វាល់ខាន់មៃ អុចម៝ប់ខាន់មៃ គៃមាតឹមងើយឞាល់។ យ៝រមានាវរានើមផូងអីឆ្រាអែល អីកោរាញឞ្រាសញជ្វាល់ឞ្រាសក្រីស គៃមារាក្លាយ្សផូងឞ៝ន់ ទឹងគែសមាគ៝ប់គែសរាឆែរាវាក់កើតនអា”។ 21 ផូងនៃអើសមាពាង់៖ “ហេនមោអោសព្រ៝តទើនឆ៝ម់បុតតាៈឞើសឞ្រីយូដា មានាវមៃអ្យា មោព្រ៝តដ៝ង់គែសឞូនុយ្សហាន់មឞើសងក៝ច មោលាសងើយនាវអ្យើសឞើសមៃ។ 22 យើនមាហេនអុចអ្យាត់នាវមៃងើយតាៈឞើសនាវមឹនមៃនើម យ៝រលាសហេនលែៈគឹតឞូតឹមរាទ៝ង់ដាសមាមពោលខាន់មៃអីញឆីងមាយេឆូ អាប់នតុក”។
23 ជេសរីខាន់ពាង់តឹមនាលនារតឹមម៝ប់ឞាល់តៃទូតឹជឹត។ ត៝ត់នារនៃគែសឞូនុយ្សអ៝ក់ងាន់ហាន់តាជៃពោល គុរី។ ជេសរីពាង់មឞើសងក៝ចនាវខ្លៃនាវកោរាញឞ្រាសអុចម៝ត់អ្វាញ់មាឞូនុយ្ស នតើមឞើសអោយត៝ត់មាង់។ ពាង់ឆ៝ៈឆ៝ម់បុតនាវវៃមោឆេ នទ្រែលមាឆ៝ម់បុតមពោលឞូនុយ្សនតើយ្សនាវងើយកោរាញឞ្រាសកាល់អែនើស មឞើសងក៝ចជាៈខាន់ពាង់ឆឹតញឆីងមាឞ្រាសយេឆូ ។* ២៨:២៣៖ ការ ១៧:២-៣; លក ២៤:៤៤-៤៦; រម ១:២ 24 គែសឞូនុយ្សអាបាៈឞូអ្យាត់នាវពាង់ងើយនៃ គែសឞូនុយ្សអាបាៈទាង់ក៝មោអ្យាត់អោស។ 25 ពោល ឆៃខាន់ពាង់ទូលោសឞើសនតុកនៃមោគែសទូនតោរនាវ ពាង់លាសជឹត៖ “ឞ្រាសហ្វេងអ្វែសអីក្ល៝សអ្វែសលែៈមឞើសជេសមាអូចែឞ៝ន់កាល់អែនើស ពាង់មឞើសតឹងមាឞូនុយ្សនតើយ្សនាវងើយកោរាញឞ្រាសរាញាអេឆាយ ជេងទីងាន់ កើតនអា៖
26 «ហាន់ជ៝យហ៝ម់ផូងប៝នលាននៃ ជេសរីមឞើសងក៝ចមាខាន់ពាង់៖
«ខាន់អៃមៃតាង់បាបើតីសមាមោវ៝ត់
អ្វាញ់ងាន់តីសមាមោអោសឆៃ‡ ២៨:២៦៖ គែសនាវខ្លៃលាស៖ «ខាន់អៃមៃតាង់នាវកោរាញឞ្រាសបាបើតីសមាមោវ៝ត់ម៝សនាវខ្លៃ ខាន់អៃមៃអ្វាញ់ងាន់នទើកោរាញឞ្រាសជាន តីសមាមោវ៝ត់ម៝សនាវខ្លៃ»។»* ២៨:២៦-២៧៖ ២កោ ៣:១៤-១៦
27 យ៝រលាសនាវមឹនខាន់ពាង់អ្យាជ៝ៈងាន់វ៝ត់
តោរលែៈញឆេត
ខាន់ពាង់លែៈញេបមាត់។
កើតនទ្រីទឹងខាន់ពាង់អ្វាញ់មោឆៃ
អ្យាត់មោតាង់ នាវមឹនខាន់ពាង់មោវ៝ត់។
ជេសរីលាសខាន់ពាង់មោកើតនអា ខាន់ពាង់រាគ៝ល់នូយ្សនហ៝ម់ព្លឹឆឹតមាគ៝ប់
គៃមាគ៝ប់ជានឞាសនាវជី អ៝ន់ខាន់ពាង់អ្វែសលាង់»† ២៨:២៧៖ អេឆា ៦:៩-១០។
28 កើតនទ្រីអ៝ន់ខាន់មៃគឹត កោរាញឞ្រាសមឞើសងក៝ចនាវពាង់រាក្លាយ្សអ្យាមាផូងមោទីផូងអីឆ្រាអែល ខាន់ពាង់មរាអ្យាត់រ៝”។* ២៨:២៨៖ រម ១១:១៧-២៤ 29 [លោចជេសពោល ងើយនាវនៃ ផូងអីឆ្រាអែល អីនៃទូលោសនអ៝ប់មាតឹមញច្រាៈនទ្រាង់ខាន់ពាង់នើមហោងាន់]។
30 ពោល គុតាជៃពាង់ងខោមរីជ៝ៈឞារនាម់ងាន់ ឞូម៝សអីហាន់ម៝ប់ពាង់ ពាង់រ៝មទាទេ។ 31 ពាង់មឞើសងក៝ចនាវកោរាញឞ្រាសអុចម៝ត់អ្វាញ់មាឞូនុយ្ស នទ្រែលមានតុមនតីឞូមានាវកោរាញយេឆូក្រីស ។ ពាង់ឞាញ់ហោងាន់ មោគែសឞូឞ្វៃពាង់ដ៝ង់៕៚
*28:4 ២៨:៤៖ ឞូនុយ្សតាគោលទាកនៃគែសញឆីងមានតីលឞ្រាសអេងៗ តានតីលឞ្រាសអីនៃគែសទូនតីលឞ្រាសឞូអូរអីឞូកើបព្លើងមានទើអ្យើសឞូជាន។
*28:5 ២៨:៥៖ មក ១៦:១៨
*28:6 ២៨:៦៖ ការ ១៤:១១
*28:8 ២៨:៨-៩៖ ការ ១៩:១១-១២
†28:15 ២៨:១៥៖ នតុកតាច់ទ្រាប់អាប់ផេស ងាយឞើសប៝នរោម គែស ៧០ កីលោមែត ប៝នគែសជៃវែសឞិចពែមល៝ម់ងាយឞើសប៝នរោម គែស ៥៣ កីលោមែត។
*28:17 ២៨:១៧៖ ការ ២១:២៦-៣៣
*28:18 ២៨:១៨៖ ការ ២៥:១៨-១៩; ២៦:៣១-៣២
*28:19 ២៨:១៩៖ ការ ២៥:១១-១២
*28:23 ២៨:២៣៖ ការ ១៧:២-៣; លក ២៤:៤៤-៤៦; រម ១:២
‡28:26 ២៨:២៦៖ គែសនាវខ្លៃលាស៖ «ខាន់អៃមៃតាង់នាវកោរាញឞ្រាសបាបើតីសមាមោវ៝ត់ម៝សនាវខ្លៃ ខាន់អៃមៃអ្វាញ់ងាន់នទើកោរាញឞ្រាសជាន តីសមាមោវ៝ត់ម៝សនាវខ្លៃ»។
*28:26 ២៨:២៦-២៧៖ ២កោ ៣:១៤-១៦
†28:27 ២៨:២៧៖ អេឆា ៦:៩-១០
*28:28 ២៨:២៨៖ រម ១១:១៧-២៤